ދުނިޔޭގެ އެންމެ އުމުރުން ދޮށީ މީހާގެ އުންމީދަކީ 120 އަހަރު ދުނިޔޭގައި އުޅުންކަމަށް އޭނާގެ އާއިލާއިން ބުނެފިއެވެ.
މިވަގުތު ދުނިޔޭގައި ހުރި އެންމެ އުމުރުން ދޮށި މީހާއަކީ ޖަޕާނުގެ ފުކޯކާއަށް ނިސްބަތްވާ، ކޭން ޓަނާކާ ނަމަކަށް ކިޔާ އަންހެނެކެވެ. މިއަހަރުގެ ޖެނުއަރީ ދެވަނަ ދުވަހު އޭނާއަށް ވަނީ 119 އަހަރު ފުރިފައެވެ. ކޭން އުފަންވީ 1903 ވަނަ އަހަރުގެ ޖެނުއަރީ މަހުގެ ދެވަނަ ދުވަހުއެވެ.
ކޭންއަކީ ޗޮކްލެޓާ ފިޒީ ބުއިންތަކަށް ލޯބިކުރާ އަންހެނެކެވެ. އުމުރުން 19 އަހަރުގައި ހަނޑޫ ވިއްކާ ފިހާރައެއްގެ ވެރިއަކާ ކައިވެނި ކުރުމަށްފަހު އުމުރުން 103 އަހަރުވަންދެން ކޭން މަސައްކަތްކުރީ އެފިހާރައިގައެވެ.
ކޭން ވަނީ ޖަޕާނުގެ ފަސް ރަސްކަމުގެ ދައުރުގައި ދިރިއުޅިފައެވެ. އަދި ދެ ބޮޑު ހަނގުރާމަ ހަމަލޮލުން ދެކިފައެވެ.
ކުރިއަށްއޮތް ތިން އަހަރު ދުވަހު ކޭން ދުނިޔޭގައި ހުރެއްޖެނަމަ އޭނާ ވެގެންދާނީ އެންމެ ގިނަ ދުވަހު ދުނިޔޭގައި ހުރިކަމަށް ރެކޯޑުކުރެވިފައިވާ މީހާއަށެވެ. އެންމެ ގިނަ ދުވަހު ދުނިޔޭގައި އުޅުނުކަމަށް މިހާތަނަށް ރެކޯޑުކޮށްފައިވަނީ ފްރާންސްއަށް ނިސްބަތްވާ ޖޭން ލުއިސް ނަމަކަށްކިޔާ މީހެކެވެ. އޭނާ ވަނީ 122 އަހަރު ދުނިޔޭގައި އުޅެފައެވެ. ޖޭން މަރުވީ 1997 ވަނަ އަހަރުއެވެ.
