އިންޑިއާ އިން ރާއްޖެ އަށް ދަތުރުކުރި "އިންޑިގޯ" އެއަރލައިނުގެ މަތިންދާބޯޓެއްގެ އިމަޖެންސީ ދޮރު ހުޅުވުމަށް ދިވެއްސަކު މަސައްކަތް ކޮށްފިއެވެ.
ދިވެހި ފިރިހެނަކު ފްލައިޓްގެ އިމަޖަންސީ ދޮރާ ކުޅެން ފެށުމުން ފްލައިޓުން އެލާމް އެޅުމާއި ގުޅިގެން ކެޕްޓަން އެނައުންސްމަންޓެއް އިއްވާ ވީޑިއޯއެއް ވަނީ ސޯޝަލް މީޑިއާގައި އާއްމުވެގެން ގޮސްފައެވެ. މި ވީޑިއޯއިން ފެންނަ ގޮތުގައި ފްލައިޓްގެ ދޮރު ރަނގަޅަށް ލެއްޕުމުގެ މަސައްކަތް ކޮށްފައިވަނީ ކެބިންކްރޫއިން ތަކެކެވެ.
އެނައުންސްމަންޓްގައި ކެޕްޓަން ބުނެފައިވަނީ އިމަޖެންސީ ދޮރު ހުޅުވަން އުޅުން ވަރަށް ނުރައްކާ ކަމާއި އެއީ އަދަބު ލިބޭ ކުށެއް ކަމަށެވެ. އަދި ގިނަ ބައެއްގެ ފުރާނަ ނުރައްކަލަކަށް ހުށަހެޅިގެންދާ އެންމެހައި ކަންކަމުން ދުރުހެލިވުމަށް ނަސޭހަތްތެރިވެފައިވެއެވެ.
އިންޑިގޯ ފްލައިޓް 6E1795 ވައިގެ ތެރޭގައި އޮއްވައި އިމަޖެންސީ ދޮރު ހުޅުވުމަށް މަސައްކަތް ކުރުމާއެކު، ވަރަށް ބޮޑަށް ފްލައިޓް ތެޅުނެވެ. މިހާދިސާއާ ގުޅިގެން އެފިރިހެން މީހާއަށް އެއްވެސް ފިޔަވަޅެއް އެޅިކަމެއް ނުވަތަ ނާޅާކަމެއް އެނގިފައެއްނުވެއެވެ.
