ކަނޑޫދޫގައި އެމްޑީޕީން ދޮރުން ދޮރަށް ހިނގައިފި
ގިނަ ރައްޔިތުން މިސަރުކާރާއި މެދު ހިތްހަމަނުޖެހުން ފާޅުކުރި
ކަނޑޫދޫގެ މެމްބަރުންނާއި ބައްދަލުކުރުން
އެމްޑީޕީން ތ.އަތޮޅަށް ކުރަމުންދާ ދަތުރުގައި އަތޮޅުގެ ކަނޑޫދޫގެ އެމްޑީޕީގެ މެމްބަރުންނާ ބައްދަލުކޮށްފިއެވެ.
މިބައްދަލުކުރުމުގައި އެމްޑީޕީގެ ޓިކެޓުގައި ލޯކަލް ކައުންސިލް އިންތިހާބަށް ވާދަކުރާ ތިން ކެންޑިޑޭޓުން ވަނީ ބައިވެރިވެފައެވެ.
އެމްޑީޕީގެ ނައިބު ރައީސް މުހައްމަދު ޝިފާޒް ވިދާޅުވީ ލޯކަލް ކައުންސިލް އިންތިޚާބުގައި އެމްޑީޕީގެ ޓިކެޓްގައި ވާދަ ކުރި ތިން ކެންޑިޑޭޓުން ވެސް ގޮނޑި ކާމިޔާބުކޮށް އިދިކޮޅު އެމްޑީޕީ ބަލިކޮށްލަން ޖެހޭނެ ކަމަށެވެ. އަދި ކައުންސިލް އިންތިޚާބުގައި މިހާރު ކުރިއަށްދާ ކެމްޕެއިން އިތުރަށް ވަރުގަދަ ކުރުމަށް ޝިފާޒް އެދިވަޑައިގެންނެވި އެވެ.
މިބައްދަލުވުމުގައި އެމްޑީޕީގެ ލީޑަރޝިޕްގެ އިސްވެރިން ވާހަކަދެއްކެވި އެވެ.
މީގެ އިތުރުން ރަށުގެ ރައްޔިތުންނާއި ބައްދަލުކުރުމުގެ ގޮތުން ދޮރުން ދޮރަށް ހިނގާފައިއެވެ. މިބައްދަލުވުން ތަކުގައި މިސަރުކާރާއި މެދު ރައްޔިތުން ވަނީ ހިތްހަމަނުޖެހުން ފާޅުކޮށްފައެވެ.
މީގެ އިތުރުން ކަނޑޫދޫގައި ވަނީ ބޮޑު ދިދަ ނަގާފައެވެ. މިދިދަ ނަންގަވައިދެއްވީ އެމްޑީޕީ ސަރުކާރުގެ ހޯމް މިނިސްޓަރ ހަސަން އަފީފު އެވެ.
