ގިނަ ވިޔަފާރިތަކެއްގެ ބައިވެރިވުމާއެކު ރެމްގެ 'ފުޑް ސޭފްޓީ ރެސްޕޮންސިބިލިޓީ' ޕްރޮގްރާމް ބާއްވައިފި
މި ވޯކްޝޮޕްގައި ޖުމްލަ 30 ވިޔަފާރިއަކުން ބައިވެރިވެފައިވޭ
'ފުޑް ސޭފްޓީ ރެސްޕޮންސިބިލިޓީ' ޕްރޮގްރާމް
ގިނަ ވިޔަފާރިތަކެއްގެ ބައިވެރިވުމާއެކު ރެމްގެ 'ފުޑް ސޭފްޓީ ރެސްޕޮންސިބިލިޓީ' ޕްރޮގްރާމް ބާއްވައިފިއެވެ.
ރާއްޖޭގައި ކާބޯތަކެތީގެ ވިޔަފާރިކުރާ ކެފޭ، ރެސްޓޯރެންޓް އަދި ހޮޓާތަކުގެ ވެރިންނަށް އަމާޒުކޮށްގެން ކުރިއަށްގެންދިޔަ މި ވޯކްޝޮޕް ބާއްވާފައިވަނީ ހޮނިހިރު ދުވަހުގެ ހެނދުނު 10:00ން 12:00ށް ޓީއެފްޖީ ބިލްޑިންގ (މއ. ފްރީޕާރކް، ބޮޑުފުޅައްގޯޅި) 2ވަނަ ފަންގިފިލާގައެވެ.
އެންޝުއަރ ޕްރައިވެޓް ލިމިޓެޑާ ގުޅިގެން ކުރިއަށް ގެންދިޔަ މި ޕްރޮގްރާމުގައި މިފަދަ ވިޔަފާރިތައް ހިންގާ ތަންތަނުގެ ސާފުތާހިރުކަމުގެ މުހިންމުކަމާ ގުޅެގޮތުން މައުލޫމާތު ފޯރުކޮށްދީފައިވެއެވެ. އަދި ފުޑް ސޭފްޓީ މެނޭޖްމެންޓް ސިސްޓަމް ގާއިމުކުރާނެ ގޮތާ، ސާފުތާހިރުކަމުގެ ސަގާފަތެއް އެކުލަވާލާނެ ގޮތުގެ މައުލޫމާތު ދިނުން މި ޕްރޮގްރާމުގެ ތެރޭގައި ހިމެނެއެވެ.
މި ވޯކްޝޮޕްގައި ޖުމްލަ 30 ވިޔަފާރިއަކުން ބައިވެރިވެފައިވެއެވެ.
