މާލޭގައި މާރާމާރީއެއް ހިންގައި ޒުވާނަކު ޒަހަމްކޮށްލައިފި
17 ޑިސެމްބަރު 2021 | ހުކުރު 06:05އަނިޔާ ލިބިފައިވަނީ 22 އަހަރުގެ ދިވެހި ފިރިހެނަކަށް
އަމްނާ އިމާދު | 17 ޑިސެމްބަރު 2021 | ހުކުރު 06:05
މާރާމާރީ ހިންގި ސަރަހައްދު،
މާލޭގައި މާރާމާރީއެއް ހިންގައި ޒުވާނަކު ޒަހަމްކޮށްލައިފިއެވެ.
ފުލުހުން ބުނީ މެހެލިގޯޅީގައި މީހަކަށް ހަމަލާދީ ޒަހަމްކޮށްލާފައިވާ ކަމުގެ މައުލޫމާތު ހުކުރު ދުވަހުގެ ހެނދުނު 8:21 ހާއިރު ލިބިފައިވާ ކަމަށެވެ. އަނިޔާ ލިބިފައިވަނީ 22 އަހަރުގެ ދިވެހި ފިރިހެނަކަށް ކަމަށް ފުލުހުން ބުނެއެވެ.
އޭނާއަށް އޭޑީކޭ ހޮސްޕިޓަލްގައި ފަރުވާ ދެމުންދާއިރު، ހާލަތާ ބެހޭ ގޮތުން އިތުރު ތަފްސީލް ވަނީ ލިބޭ ގޮތް ނުވެފައެވެ.
އާއްމުވެފައިވާ ފޮޓޯތަކުން ފެންނަ ގޮތުގައި ގިނަ އަދަދެއް ލޭ އެތަނުގައި ހުއްޓެވެ. އަދި އެ ސަރަހައްދުގައި ފުލުހުން ދަނީ ހަރަކާތްތެރިވަމުންނެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
