އިންޑިއާ އައުޓް ކަމަށް ނުބުނެވޭނެ ކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ވިދާޅުވީ، ދިވެހިރާއްޖޭގައި އޮތް އިންޑިއާގެ ދައުރު އަދި އިންޑިއާ ކަނޑުގައި އޮތް ދިވެހިރާއްޖޭގެ ދައުރަކީ ދިވެހިންނަށް އޮޅޭނެ ދައުރެއް ނޫން ކަމަށެވެ. އެހެންކަމުން އިންޑިއާ އައުޓެއް ނުބުނެވޭނެ ކަމަށެވެ.
އިންޑިއާ އަކީ އަބަދުވެސް ރާއްޖެއާ ގާތް ގުޅުމެއް އޮންނަ ގައުމެކެވެ.
ރައީސް ނަޝީދު މިހެން ވިދާޅުވެފައި މިވަނީ އިދިކޮޅު ކޯލިޝަނުން އިންޑިއާ އައުޓްގެ ނަމުގައި ހަރަކާތްތަކެއް ކުރިއަށް ގެންދަނިކޮށެވެ. މިހަރަކާތަކީ ސީދާ ކުރީގެ ރައީސް ޔާމީންގެ އިސްނެންގެވުމަށް ކުރިއަށްގެންދާ ހަރަކާތެއް ކަމަށް އެމަނިކުފާނުވަނީ ވިދާޅުވެފައެވެ.
ޖަލު ބަންދަށްފަހު އިންޑިއާ އައުޓް ހަރަކާތް ފުޅާ ކުރެއްވުމުގެ ނަމުގައި އެމަނިކުފާނު ވަނީ، ބުރާސްފަތި ދުވަހު ކ. ގުރައިދޫއަށް ވެސް ވަޑައިގެންފައެވެ. ޕީޕީއެމުން ބުނެފައިވަނީ މިއީ މި ހަރަކާތް ފުޅާ ކުރުމަށްޓަކައި ރާއްޖޭގެ ރަށްރަށަށް ރައީސް ޔާމިން ފެއްޓެވުމަށް ތައްޔާރުވެވަޑައިގެންފައިވާ ދަތުރުފުޅުތަކުގެ ފެށުން ކަމަށެވެ.
ރައީސް ޔާމީން ރަށްރަށަށް ފެއްޓެވި މިދަތުރުފުޅުގައި އިންޑިއާ އައުޓު ޕެޓިޝަންގައި ސޮއިކުރުމުގެ މަސައްކަތް ކުރުމަށް ވެސް ހަމަޖެހިފައިވެއެވެ.
