ޕިރަމިޑުން ރާއްޖެއަށް މެޖޫލް ޑޭޓްސް ތަޢާރުފުކޮށްފި

ކެލިފޯނިއާގެ އުފެއްދުމެއް ކަމަށްވާ, ދުނިޔޭގެ އެކި ހިސާބުތަކުގައި ބޮޑު މަޤުބޫލުކަމެއް ހޯދާފައިވާ މެޖޫލް ޑޭޓްސް ޕިރަމިޑުން ރާއްޖެއަށް ތަޢާރަފްކޮށްފިއެވެ.

ރާއްޖެއެމްވީއާ ވާހަކަދައްކަވަމުން ޕިރަމިޑުގެ މާރކެޓިން މެނޭޖަރ މުހައްމަދު ސޮބާޙް ވިދާޅުވީ މިއީ ވަރަށް ޙާއްސަ ކަދުރެއް ކަމަށާއި މެޖޫލް ކަދުރުގެ ސައިޒް އާދައިގެ ކަދުރެއް ވުރެ ބޮޑު ކަމަށެވެ.

މި ކަދުރަކީ 2.3 ކިލޯގެ ޕެކިންއާ އެކު ބާޒާރަށް ނެރެފައިވާ ވަރަށް ތާޒާ ކަމާ އެކު ޕެކިން ހަދާފައިވާ ކަދުރަކަށްވާއިރު، މިއީ ފެންވަރު ރަނގަޅު ކަދުރެއް ރައްޔިތުންނާ ހަމައަށް ފޯރުކޮށްދިނުމަށް ތަޢާރަފްކުރި ކަދުރެއް ކަމަށް ސޮބާޙް ވިދާޅުވިއެވެ. އަދި މިއީ ސިއްހަތަށް ލޯބި ކުރާ ފަރާތްތަކަށްވެސް ވަރަށް ހާއްސަ ކަދުރެކެވެ. މި ކަދުރުގައި ރަހަ ބަލާލުމުން އޭގެ ތަފާތު އިހްސާސް ކުރެވިގެންދާނެ ކަމަށް ސޮބާހް ވިދާޅުވިއެވެ.

މިހާރު މާލެއިން ލިބެން ހުންނަ ކަދުރާއި މެޖޫލް ކަދުރާއި ހުރި އެންމެ ބޮޑު ތަފާތަކީ ސައިޒުގެ ގޮތުން ކަދުރު ބޮޑުވެފައި ރަހަ ތަފާތުވުން ކަމަށްވާއިރު މީގެ 2.3 ކިލޯގެ ޕެކެޓެއް ވިއްކަމުންދަނީ 500 ރުފިޔާއަށެވެ.

އަދި ހޯލް ސޭލް ކުރާއިރު ވެސް މިއަގުގައި ވިއްކަމުންދާ ކަމަށާއި މިހާތަނަށް އައި އިރު ކަސްޓަމަރުންގެ ވަރަށް ބޮޑު ތަރުހީބެއް ލިބިފައިވާ ކަމަށް ސޮބާޙް ވިދާޅުވި އެވެ.