މިމަހުގެ 31ގެ ނިޔަލަށް ކްރިމިނަލް ކޯޓު ރިސެސްއަށް!
15 ޑިސެމްބަރު 2021 | ބުދަ 13:50ކޮންމެހެން ބާއްވަން ޖެހޭ ޚާއްސަ ޝަރީއަތްތަކުގެ އަޑުއެހުންތައް ކުރިއަށް ގެންދާނެ
ކްރިމިނަލް ކޯޓް
ބުރާސްފަތި ދުވަހުން ފެށިގެން ކްރިމިނަލް ކޯޓު ރިސެސްއަށް ދިއުމަށް ނިންމައިފިއެވެ.
ކްރިމިނަލް ކޯޓުން ބުނެފައިވާ ގޮތުގައި، މިއަހަރުގެ ޑިސެމްބަރ 16އިން 31ގެ ނިޔަލަށް ކްރިމިނަލް ކޯޓު އޮންނާނީ ރިސެސްގައެވެ.
ކްރިމިނަލް ކޯޓުން ބުނީ މި މުއްދަތުގެ ތެރޭގައި ކުރިއަށް ގެންދިއުމަށް ހަމަޖެހިފައިވަނީ ކޮންމެހެން ބާއްވަން ޖެހޭ ޚާއްސަ ޝަރީއަތްތަކުގެ އަޑުއެހުންތައް އެކަނި ކަމަށެވެ. އަދި ކުށުގެ ތުހުމަތުގައި ހައްޔަރުކުރެވޭ ނުވަތަ ބަންދުކުރެވޭ މީހުންގެ ބަންދާމެދު ގޮތެއް ނިންމުމަށް ބާއްވާ މަޖިލިސްތައް ބޭއްވުމާއި، ތަހުގީގުކުރާ އިދާރާތަކުން އެދިގެން ނެރެދޭ އަމުރުތައް ނެރުމުގެ މަސައްކަތްތައް ކުރިއެކޭ އެއްގޮތަށް ކުރަމުން ގެންދާނެ ކްރިމިނަލް ކޯޓުން ބުނެއެވެ.
ކްރިމިނަލް ކޯޓު ރިސެސްއަށް ދިއުމަށް ނިންމާފައިވާއިރު، ޑިސެމްބަރު މަހުގެ 1 ވަނަ ދުވަހުން ފެށިގެން އަންނަ ޖެނުއަރީ މަހުގެ 2 ގެ ނިޔަލަށް ސުޕްރީމްކޯޓާއި ހައިކޯޓު ރިސެސަށް ވަނީ ގޮސްފައެވެ.
