ކުރިއަށް އޮތް ހަފްތާއަށް ބަލާއިރު ކާށީގެ އަގު އިތުރަށް މައްޗަށް އަރައިގެންދާނެ ކަމަށް ލޯކަލް މާރުކޭޓުގައި ތަކެތި ވިއްކާ ފަރާތްތަކުން ބުނެ އެވެ.

ވިޔަފާރިވެރިން ބުނީ، ކާށި ލިބުމުގައި ބޮޑެތި ދަތިތަކެއް ކުރިމަތިވާ ކަމަށާއި ރަށްރަށުންވެސް މިދުވަސްވަރު ކާށި ނުލިބޭ ކަމަށެވެ. ގިނައިން ގެންނަނީ ކުރުނބާ ކަމުން ކާއްޓަށްވާންދެން، ގިނަ ރުއްތަކުގައި ކާށި ނުބެހެއްޓޭ ކަމަށް ވިޔަފާރިވެރިން ބުނެ އެވެ.

ތަކެތި ވިއްކާ ފަރާތްތަކުން ބުނީ، ކުރިއަށް އޮތް ތަނުގައި ކާށީގެ އަގު އިތުރަށް ބޮޑުވެގެންދާނެ ކަމަށެވެ.

ލޯކަލް މާރުކޭޓުގައި ކާއްޓެއްގެ އަގު އުޅެނީ، 10ރ. އާއި 50ރ. އާ ދެމެދު އެވެ. ކުރިއަށް އޮތް ހަފުތާތެރޭގައި ކާށީގެ އަގު ބޮޑުވާނެ ކަމަށް ވެސް ވިޔަފާރިވެރިން ބުނެ އެވެ. މިއީ ތާރީހުގައި ވެސް ކާށީގެ އަގު މިހާ މައްޗަށް ދިޔަ ފުރަތަމަ ފަ

ރާއްޖޭގެ ގައުމީ ގަހަކީ ރުކަށް ވާއިރު، ކާށީގެ އަގު އިންތިހާއަށް ބޮޑުވެގެން ދިއުމުން، ގިނަ ބަޔަކު އަންނަނީ ފާޑުކިޔަމުންނެވެ. 

 މިރުހުގެ އަގު އަދި ލުނބޯގެ އަގަށް ކުރިއަށް އޮތް ތަނުގައި ބަދަލުތަކެއް އަންނާނެ ކަމަށް ނުބެލެވޭ ކަމަށް ވިޔަފާރިވެރިން ބުނެ އެވެ. މާރުކޭޓުގައި މިރުސް ކިލޯއެއް ގެ އަގު އުޅެނީ، 500ރ. އާއި 600ރ. އާ ދެމެދުގެ އަގުތަކެއްގަ އެވެ. ލުނބޯގެ އަގު އުޅެނީ 60ރ. އާއި 90ރ. އާ ދެމެދު އެވެ. ލުނބޯ އަދި މިރުހުގެ އަގަށްވެސް މާބޮޑު ބަދަލެއް ނާންނާނެ ކަމަށާއި ބަދަލު ނާންނަނީ، މިތަކެތި ހޯދުމުގައި ދިމާވެފައިވާ ދަތިތަކުގެ ސަބަބުން ކަމަށް ތަކެތި ވިއްކާ ފަރާތްތަކުން ބުނެ އެވެ.

ރަމަޟާން މަހުގެ ކުރިއަށް އޮތްތަނުގައި ކަރާ އަގު  ހެޔޮވެގެންދާނެ ކަމަށް ތަކެތި ވިއްކާ ބައެއް ފަރާތްތަކުން ބުނި ނަމަވެސް ކަރާގެ އަގަށް މާބޮޑު ބަދަލެއް ނާންނާނެ ކަމަށް ބައެއް ވިޔަފާރިވެރިން ބުނެ އެވެ.

ބާޒާރުގައި މޭވާގެ ބާވަތްތައް ގިނައިރު، ފަތުގެ ބާވަތްތައް ވަނީ ވަރަށް މަދުވެފަ އެވެ.