ބާރަށު ސްކޫލް ޕުރިންސިޕަލްގެ ސައިކަލްގައި ރޯކޮށްލުން، ބާރަށު ކައުންސިލްއިން ކުށްވެރިކޮށްފި
ސައިކަލްގައި ރޯކޮށްލާފައިވަނީ 22 ނޮވެމްބަރު 2021 ވަނަ ދުވަހުގެ ރޭގެ ވަގުތެއްގައި
ބާރަށު ސްކޫލްގެ ޕްރިންސިޕަލްގެ ސައިކަލްގައި ރޯކޮށްލުން
ހއ. ބާރަށު ސްކޫލް ޕްރިންސިޕަލްގެ ސައިކަލްގައި ރޯކޮށްލައި ގެއަށް ދިފައިވާ ގެއްލުންތަށް ހަރުކަށި އިބާރާތުން ކުށްވެރިކޮށްފިއެވެ.
ބާރަށު ކައުންސިލުން މިޢަމަލުތަށް ކުށްވެރިކޮށް ނެރެފައިވާ ނޫސްބަޔާނުގައި ބުނެފައިވަނީ، ސައިކަލާއި ގެއަށް ދީފައިވާ ގެއްލުންތަކަކީ ދަށުދަރަޖައިގެ ފިނޑި އަމަލުތަކެއް ކަމަށެވެ. އަދި އެ ޢަމަލުތަށް ހަރުކަށި އިބާރާތުން ކުށްވެރި ކުރާކަމަށެވެ.
މީގެ އިތުރުން މިނޫސްބަޔާނުގައިވަނީ މިފަދަ ޢަމަލުތަކަކި ރަށުގެ ތަޢުލީމު ކުރިއަރުވަން ރައްޔިތުން ކުރާ އުއްމީދުތަކަށް ހުރަސްއެޅޭނެ ކަމެއްކަމަށާއި ދަރީންގެ ތަޢުލީމުގެ ކުރިމަގު ބަނަވާނެ ކަމެއް ކަމަށެވެ. އަދި ރަށުގެ ރައްޔިތުންގެ މެދުގައި އޮންނަ އެކުވެރިކަމާއި، އެއްބައިވަންތަކަމާއި ސުލްހަމަސަލަސްކަން ގެއްލި ރަށުގެ އަމަން އަމާންކަމަށް ބުރޫއަރާފަދަ ދަށު ދަރަޖައިގެ ޢަމަލެއްކަމަށެވެ. މީގެ އިތުރުން މިކަމަކީ މާލީގޮތުންނާއި، ޢުމްރާނީ އަދި ނަފްސާނީ ގޮތުން ދީފައިވާ ބޮޑު ގެއްލުމަކަށްވާތީ، މި ޢަމަލު ހިންގި ފަރާތްތަށް ވީ އެންމެ އަވަހަކަށް އިންސާފުގެ ކުރިމައްޗަށް ގެނެސް، މިކަމަށް އޮންނަ އެންމެ ހަރުކަށި އަދަބެއް ދިނުމަށް ކަމާބެހޭ މުއައްސަސާތަކަށް ކައުންސިލުން ވަނީ ގޮވާލާފައެވެ.
ބާރަށު ސްކޫލްގެ ޕްރިންސިޕަލްގެ ސައިކަލްގައި ރޯކޮށްލާފައިވަނީ ނޮވެމްބަރ 22 ވަނަ ދުވަހުގެ ރޭގެ ވަގުތެއްގައި ޕްރިންސިޕަލް ދިރިއުޅުއްވާ ގޭގެ ގޯތި ތެރޭގައި ސައިކަލް ބަހައްޓާފައިވަނިކޮށެވެ. އަދި ސައިކަލްގައި ރޯކޮށްލުމުގެ އިތުރުން ޕްރިންސިޕަލް ދިރިއުޅުއްވާ ގެއަށްވެސް ވަނީ އެކިވަރުގެ ގެއްލުންތަކެއް ދީފައެވެ.
