ޗައިނާ ސަރުކާރުގެ ދައުވަތަކަށް ޝާހިދު އެގައުމަށް ފުރާވަޑައިގެންފި
23 ނޮވެމްބަރު 2021 | އަންގާރަ 17:59މިއީ 3 ދުވަހުގެ ދަތުރުފުޅެއް
ޝާހިދު މީގެ ކުރިން ރާއްޖެއިން ބޭރަށް ވަޑައިގަތުމަށް ފްލައިޓަށް އަރައިވަޑައިގަންނަވަނީ
ޗައިނާ ސަރުކާރުގެ ދައުވަތަކަށް ފޮރިން މިނިސްޓަރ އަބްދުﷲ ޝާހިދު އެގައުމަށް ފުރާވަޑައިގެންފިއެވެ.
ފޮރިން މިނިސްޓަރ ޝާހިދު ކުރެއްވި ޓްވީޓުގައ ވިދާޅުވީ, ޗައިނާއަށް އަންގާރަ ދުވަހު ފުރާވަޑައިގެންފައިވާ ކަމަށެވެ. މިއީ 3 ދުވަހުގެ ދަތުރުފުޅެއްކަމަށް ޝާހިދު ވިދާޅުވިއެވެ.
ޗައިނާ ސަރުކާރުގެ ދައުވަތަކަށް ކުރައްވާ މި ދަތުރުފުޅުގައި، ދެގައުމުން އިސްކަންދޭ ކަންތައްތަކާއި، ކޮވިޑުގެ ބަލިމަޑުކަމުން އަރައިގަތުމަށް ކުރާ މަސައްކަތްތަކާއި، ދެމެހެއްޓެނިވި ތަރައްގީގެ އިތުރުން، މޫސުމީ ބަދަލުތަކާއި ކާރިސާތަކާއި އދ. އަށް ގެންނަ އައު ބަދަލުތަކާ ގުޅޭގޮތުން މަޝްވަރާ ކުރެއްވުމަށް ވަނީ ހަމަޖެހިފައެވެ.
ފޮރިން މިނިސްޓަރުގެ މި ދަތުރުގައި ޗައިނާ ސަރުކާރުގެ އިސްވެރިންނާއި ބައްދަލުކުރެއްވުމަށް ވަނީ ހަމަޖެހިފައެވެ.
