އިތުރު 227 މީހަކު ވެކްސިން ޖަހައިފި
ވެކްސިން ފުރިހަމަކުރި މީހުންގެ ޖުމްލަ ވަނީ 361،197އަށް އަރާފަ
ކޮވިޑް-19 ވެކްސިން ޖެހުން
އަންގާރަ ދުވަހު އިތުރު 227 މީހަކު ވެކްސިން ޖަހައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ، އަންގާރަ ދުވަހު ވެކްސިންގެ ފުރަތަމަ ޑޯޒް ޖާހާފައިވަނީ 57 މީހެއް ކަމަށެވެ. މީގެ ތެރޭގައި ހިމެނެނީ މާލެ ސަރަހައްދުން ވެކްސިން ޖެހި 33 މީހުންނާއި އަތޮޅުތެރެއިން ވެކްސިން ޖެހި 24 މީހުންނެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ ޖުމްލަ 395،125އަށް ވަނީ އަރާފައެވެ.
ވެކްސިންގެ ދެވަނަ ޑޯޒް ޖަހާފައިވަނީ 220 މީހުންނެވެ. އެއީ މާލެ ސަރަހައްދުން ވެކްސިން ފުރިހަމަކުރި 181 މީހުންނާއި އަތޮޅުތެރެއިން ވެކްސިން ފުރިހަމަކުރި 39 މީހުންނެވެ. މިއާއެކު މުޅި ރާއްޖެއިން ވެކްސިން ފުރިހަމަކުރި މީހުންގެ ޖުމްލަ ވަނީ 361،197އަށް އަރާފައެވެ.
މާލެ ސަރަހައްދުގައި 6 ސެންޓަރަކުން ގެންދަނީ ވެކްސިން ޖަހައިދެމުންނެވެ. އަދި ތިން މޯބައިލް ޓީމް ހަރަކާތްތެރިވަމުންދެއެވެ. އަތޮޅުތެރޭގައި 176 ސެންޓަރަކުން ވެކްސިން ޖަހައިދެމުންދެއެވެ.
