ރައީސް ނަޝީދު މޮނިކާއާއެކު!

ރައްޔތުންގެ މަޖިލީހުގެ ރައީސް މުހައްމަދު ނަޝީދު، މަޝްހޫރު ސިޓްކޮމް "ފްރެންޑްސް"ގެ ތަރި ކޯރޓެނީ ނުވަތަ މޮނިކާގެ ޑޮކިއުމެންޓްރީ ހަފްލާގައި ބައިވެރިވެވަޑައިގެންފިއެވެ.

ރައީސް ނަޝީދު ރާއްޖެއިން ބޭރުގައި އުޅުއްވާއިރު މަޝްހޫރު ބޭފުޅުންނާ ތަފާތު ހަފްލާ ތަކުން ބައްދަލު ކުރައްވައެވެ.

ކޯރޓެނީގެ އިންސްޓަރގްރާމް ސްޓޯރީގައި ޝެއަރ ކޮށްފައިވާ މި ފޮޓޯއަކީ، އޭނާ ޕްރޮޑިއުސްކުރާ ޑޮކިއުމެންޓްރީ، "ސޯފީ އެންޑް ދަ ބެރަން"ގެ ލޯންޗިން ހަފްލާގައި ލަންޑަންގައި ނަގާފައިވާ ފޮޓޯއެކެވެ. މި ޑޮކިއުމެންޓްރީއަކި ފޮޓޯގްރާފަރެއްގެ ދިރިއުޅުމުގެ މައްޗަށް ބިނާކޮށް ހަދާ ޑޮކިއުމެންޓްރީއެކެވެ. މަޝްހޫރު މެގަޒިން ފޮޓޯގްރަފަރ ބެރަން ވޮލްމަންގެ ކެރިއަރގައި ދިމާވާ އަޑިގުޑަންތައް މި ޑޮކިއުމެންޓްރީން ފެނިގެންދާނެއެވެ.

ފްރެންޑްސްއަކީ ދިވެހިންގެ ތެރޭގައިވެސް ވަރަށް މަޝްހޫރު ސީރީޒެކެވެ.