ނަޝީދު ސަރުކާރަށް: އެއްވެ އުޅުމާއި ޚިޔާލުފާޅު ކުރުމުގެ ހައްގު އޮބަހައްޓަން ކުރާ މަސައްކަތް ހުއްޓާލާ!
ރައީސް ނަޝީދު އެކްސް ގައި ކުރެއްވި ޕޯސްޓެއްގައި ވިދާޅުވީ ކެންދޫ ދާއިރާގެ މެންބަރު މައުރޫފް ޒާކިރު އާއެކު މަސްވެރިންގެ ދުވަހު، މަސްވެރިންގެ އަޑު އުފުލަން ސުލްހަވެރިކަމާއެކު ތިއްބާ ހައްޔަރު ކުރި މަސްވެރިން ވަގުތުން ދޫކޮށްލަން ސަރުކާރަށް ގޮވާލާ ކަމަށް. އެގޮތުން މެންބަރު މައުރޫފް އާއެކު ހައްޔަރު ކުރި މުހައްމަދު ޞާދިގް އާއި އަބްދުއްލަތީފް އަހްމަދު އަދި މުހައްމަދު މުސްތަފާ ވަގުތުން ދޫކޮށްލަން ނަޝީދު ވަނީ ސަރުކާރަށް ގޮވާލާފައި.
ކުރީގެ ރައީސް މުޙައްމަދު ނަޝީދު
އެއްވެ އުޅުމާއި ޚިޔާލުފާޅު ކުރުމުގެ ހައްގު އޮބަހައްޓަން ސަރުކާރުން ކުރަމުންދާ މަސައްކަތް ހުއްޓާލަން ކުރީގެ ރައީސް މުހައްމަދު ނަޝީދު ގޮވާލައްވައިފި އެވެ.
ރައީސް ނަޝީދު އެކްސް ގައި ކުރެއްވި ޕޯސްޓެއްގައި ވިދާޅުވީ ކެންދޫ ދާއިރާގެ މެންބަރު މައުރޫފް ޒާކިރު އާއެކު މަސްވެރިންގެ ދުވަހު، މަސްވެރިންގެ އަޑު އުފުލަން ސުލްހަވެރިކަމާއެކު ތިއްބާ ހައްޔަރު ކުރި މަސްވެރިން ވަގުތުން ދޫކޮށްލަން ސަރުކާރަށް ގޮވާލާ ކަމަށެވެ.
އެގޮތުން މެންބަރު މައުރޫފް އާއެކު ހައްޔަރު ކުރި މުހައްމަދު ޞާދިގް އާއި އަބްދުއްލަތީފް އަހްމަދު އަދި މުހައްމަދު މުސްތަފާ ވަގުތުން ދޫކޮށްލަން ނަޝީދު ވަނީ ސަރުކާރަށް ގޮވާލައްވާފަ އެވެ.
އެ ތިން މަސްވެރިންގެ އިތުރުން މެންބަރު މައުރޫފް ގެ ބަންދަށް ވެސް ހުކުރު ދުވަހު ކްރިމިނަލް ކޯޓުން ވަނީ 5 ދުވަސް ޖަހާފަ އެވެ. ނަމަވެސް ފާޑުކިޔުން ބޮޑުވެ ސަރުކާރު ޕްރެޝަރަށް ވެއްޓިފައި ވަނިކޮށް މެންބަރު މައުރޫފް ވަނީ ދޫކޮށްލާފަ އެވެ.
ސަރުކާރުން މައުރޫފް ދޫކޮށްލި އިރު އޭނާ ބަންދު ކުރި މައްސަލަ އައިޕީޔޫ އާއި އައިއެލްއޯ އަށް ވެސް އެމްޑީޕީ އިން ވަނީ ހުށަހަޅާފަ އެވެ.
އެއްވެ އުޅުމާއި ޚިޔާލުފާޅު ކުރުމުގެ ހައްގު އޮބަހައްޓަން ސަރުކާރުން ކުރާ މަސައްކަތް ހުއްޓާލުމަށް ރައީސް ނަޝީދު ގޮވާލެއްވި އިރު މަސްވެރިން ގެ އިހުތިޖާޖުން މީހުން ހައްޔަރު ކުރީ ބިރު ދައްކާ، ސަރުކާރު ގެ ދޯހަޅި ސިޔާސަތުތަކަށް ފާޑުކިޔާ މީހުން ގެ އަޑު ކަނޑުވާލުމަށް ކަމަށް އިދިކޮޅު އެމްޑީޕީ ގެ އިތުރުން ގިނަ އަދަދެއް ގެ އާންމު ރައްޔިތުން ވެސް ދަނީ ބުނަމުންނެެވެ.
10 ޑިސެމްބަރުގައި ފާހަގަކުރާ މަސްވެރިންގެ ދުވަހާއި ގުޅިގެން ބޮޑުކަންނެލި މަސްވެރިން ވަނީ ކަނޑުމަތީގައި ސުލްހަވެރިކަމާއެކު އިހުތިޖާޖު ކޮށްފަ އެވެ. 49 ދޯންޏާއެކު ފެށި އިހުތިޖާޖުގައި ބޮޑުކަންނެލި މަސްވެރިން ބުނަމުންދަނީ މި ސަރުކާރުން އެ މަސްވެރިންނަށް ވީ ވައުދުތައް ފުއްދައިދިނުމަށެވެ.
މި އިހުތިޖާޖު ގައި މަސްވެރިން މައިގަނޑު ގޮތެއްގައި ސަރުކާރަށް ކުރަމުން ދަނީ 3 ޑިމާންޑެކެވެ.
އެއީ މި ސަރުކާރުގެ މެނިފެސްޓޯގައި ވެސް ހިމަނާފައިވާ ގޮތަށް ސަރުކާރުގެ މަސް ކުންފުނި، މިފްކޯ އަށް ބޮޑު ކަންނެލި ގަންނަން ފެށުމާއި، ކަންނެލި ގަނެވޭނެ އެންމެ ދަށް އަގަކީ 80 ރުފިޔާ އާއި 100 ރުފިޔާ އާ ދެމެދު ކަމަށް ކަނޑައެޅުމުގެ އިތުރުން ބޭސް ރޭޓުގައި މަސްވެރިންނަށް ތެލާއި އައިސް ލިބޭނެ ގޮތް ހަދައިދިނުމެވެ.
