ޕިރަމިޑް ފިހާރާއިގެ ފަރާތުން ޓުޑޭސް ޓޭސްޓްގެ ޕްރޮމޯޝަނެއް ކުރިއަށް ގެންދަނީ
މި ޕްރޮމޯޝަން ޑިސެންބަރ 31 ވަނަ ދުވަހާ ހަމައަށް ކުރިއަށް ގެންދާނެ
ޕިރަމިޑް ފިހާރަ - ލަކީ ޑްރޯ
ޕިރަމިޑް ފިހާރައިގެ ފަރާތުން ޓުޑޭސް ޓޭސްޓްގެ ޕްރޮމޯޝަނެއް ފަށައި، މި މަހުގެ ނަސީބުވެރި ފަރާތް ހޮވައިފިއެވެ.
މި ޕްރޮމޯޝަން ޑިސެންބަރ 31 ވަނަ ދުވަހާ ހަމައަށް ކުރިއަށް ގެންދާނެއެވެ. އޮކްޓޯބަރ މަހުން ފެށިގެން ޑިސެމްބަރު މަހުގެ ނިޔަލަށް ކޮންމެ މަހެއްގެ ވެސް އެންމެ ފަހު ދުވަހު އެ މަހެއްގެ ލަކީޑްރޯ ހޮވާނެއެވެ. މިގޮތުން އޮކްޓޯބަރ މަހުގެ ލަކީ ޑްރޯއިން ހޮވިފައި ވަނީ އިސްމާއިލް އިބްރާހީމެވެ.
މި ޕްރޮމޯޝަންގައި ބައިވެރި ވުމަށް އެންމެ ފުރަތަމަ ޓުޑޭސް ޓޭސްޓްގެ 100 ސައިފަތް ޕެކެޓު ހިމެނޭ ފޮއްޓެއް ބައްލަވައި ގަނެގެން، އެފޮށިތެރެއިން ކުލަ ކާޑެއް ނުވަތަ ބްލެކް އެންޑް ވައިޓް ކާޑެއް ލިބޭނެއެވެ. ކުލަ ކާޑެއް ލިބިއްޖެނަމަ، ލަކީ ޑްރޯގައި ބައިވެރިވެ ޓީވީއެއް ލިބުމުގެ ފުރަސަތު އެމީހަކަށް ލިބޭނެއެވެ. އަދި އެކާޑު ހިފައިގެން ޕިރަމިޑް ފިހާރައަށް ދިއުމުން ލަކީ ޑްރޯގައި ބައިވެރިވުމުގެ ކޫޕަން އެފަރާތަކަށް ލިބޭނެއެވެ. އެ ކޫޕަން ފުރާފައި ފޮއްޓަށް ލުމުން ޕިރަމިޑް ފިހާރައިން އެ މަހުގެ އެންމެ ފަހު ދުވަހު އިނާމު ލިބޭ ފަރާތްތައް ހޮވާނެއެވެ.
އޭގެ އިތުރުން ބްލެކް އެންޑް ވައިޓް ކާޑު ލިބޭ ފަރާތްތަކަށް ސައިބޯ ޖޯޑު ފަދަ އިނާމްތަކެއް ޕަޒުލް ފުރިހަމަ ކޮށްލުމުން ވަގުތުން ލިބިގެން ދާނެއެވެ.
މި ފިހާރަ ހުންނަނީ ބީއެމްއެލްގެ ކުރިމަތީ އޯކިޑްމަގު ގައެވެ. މި ފިހާރައަކީ ބުއިންތަކާއި، ޗީޒް، ޗިކަން ނަގެޓްސް، ކޮންފެޝަނަރީސް، ކޮފީ، ޖޫސް، ޕާސްތާ، ސޮސެޖް އަދި ޓީ ފަދަ ތަފާތު ބާވަތްތަކުގެ ކާބޯތަކެތީގެ އިމްޕޯޓަރުންނާއި ޑިސްޓްރިބިއުޓަރުނެވެ.
މި ފިހާރަ އިން ވިއްކަނީ ބިސްކޯދު، ކުކީޒް، ޗޮކްލެޓް، ޖޫސް ކޯޑިއަލްސް، ޓީ، ކޮފީ، ޗީޒް، ފްރެންޗް ފްރައިސް އަދި މީޓް ޕްރޮޑަކްޓްސްއެވެ.
