އަދީބު ޖަލުގައި އޮންނަވާ ފޮޓޯ ސޯޝަލް މީޑިއާއަށް ދައުރުވީ ފުލުހުންގެ ފަރާތުން:މަހުފޫޒު
4 ޖުލައި 2017 | އަންގާރަ 04:44ސިފައިންނާއި ފުލުހުންގެ ތެރޭގައި އަދީބަށް ވަފާތެރި ބޭފުޅުން އެބަތިބި
އަދީބުގެ ގާނޫނީ ވަކީލް މަހްފޫޒު
ޖަލަށްލާފައިވާ ކުރީގެ ނައިބު ރައީސް އަހުމަދު އަދީބު ޖަލުގައި އޮންނަވާ ފޮޓޯ ސޯޝަލް މީޑިއާގައި ދައުރުވާނީ ފުލުހުންގެ ފަރާތުންކަމަށް އޭނާގެ ގާނޫނީ ވަކީލް މަހުފޫޒު ސައީދު ވިދާޅުވެއްޖެއެވެ.
މަހުފޫޒު ރާއްޖެޓީވީއަށް ވިދާޅުވީ އަދީބު ބާއްވާފައި އޮންނަވާ ގޮޅިއަށް އޭނާއާ ބައްދަލުކުރައްވާ ފަރާތްތަކަށް ފޮޓޯނެގޭނެފަދަ އެއްވެސް އެއްޗެއް ނުވެއްދޭނެ ކަމަށާއި އެހެންކަމުން އެ ފޮޓޯ ލީކުވެގެން އުޅެނީ ފުލުހުންގެ ފަރާތުންކަމަށެވެ.ސަބަބެއް ކަމަށް މަހުފޫޒު ވިދާޅުވީ މޯލްޑިވްސް ޕޮލިސް ސާވިސްއާއި ސިފައިންގޭގައި އަދީބުގެ ނުފޫޒު ގަދަވުން ކަމަށާއި ވަފާތެރި ބޭފުޅުން ތިއްބެވުން ކަމަށް ރައީސް ޔާމީން ވެސް ވިދާޅުވެފައިވާ ކަމަށެވެ.
"މިކަންތައްތަކުގައި މަސައްކަތް ކުރަން ފެށުމުން އެކަން ސާފުވާކަމަށާއި އަދީބަށް ވަފާތެރި ބޭފުޅުން އެ ދެ މުއައްސަސާގައިވެސް ތިއްބަވާކަން ޔަގީން ކުރެވޭ.އެ ދެ މުއައްސަސާގެ އިސްވެރިން ލޯޔަރުންނަށް ގުޅުއްވާ އަދީބުގެ ހާލު ބައްލަވާ، ހަމްދަރުދީ ފާޅުކުރައްވާއަދި އެ މެސެޖް ރައްދުކޮށްދިނުމަށް އެދޭ. އެހެންކަމުން ހެޔޮއެދޭ އެފަދަ މުއައްސަސާތަކުން މިފަދަ ފޮޓޯއެއް ނުލިބުމަކީ ނުވާނެކަމެއް ނޫން،" މަހްފޫޒު ވިދާޅުވި އެވެ
މަހުފޫޒު ވަނީ ސޯޝަލްމީޑިއާގައި ދައުރުވަމުންދާ އަދީބުގެ ފޮޓޯގައި ފެންނަނީ އަދީބުކަމާއި އެއީ އަދީބު އޮންނަވާ ގޮޅިކަން ޔަގީންކަން ދެއްވާފައެވެ.
"މި ފޮޓޯއަކީ ކޮންމެ ގޮތެއްވިއަސް މޯލްޑިވްސް ޕޮލިސް ސާވިސްގެ ތެރެއިން ފޮޓޯ ލިބިގެން ދާނީ. އަޅުގަނޑުމެން ކަށަވަރު ކޮށްދެން ފޮޓޯއިން ފެންނަނީ އަހުމަދު އަދީބު ބާއްވާފައި އޮތްތަންކަން އެ ފޮޓޯއިން ފެންނަނީ އަހުމަދު އަދީބުކަން." މަހުފޫޒު ވިދާޅުވިއެވެ.
އަދީބު ޖަލުގައި އޮންނެވި ފޮޓޯ ޓްވީޓް ކުރައްވާފައިވަނީ ހޯމަދުވަހު ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފެވެ.
