އަނެއްކާވެސް އައްޑޫއިން ކޮވިޑްގެ މަރެއް!
28 އޮކްޓޯބަރު 2021 | ބުރާސްފަތި 07:00ނިޔާވީ 81 އަހަރުގެ އަންހެނެއް
ތޯހިރާ އަޒްހާރް | 28 އޮކްޓޯބަރު 2021 | ބުރާސްފަތި 07:00
އައްޑޫ
ކޮވިޑް-19 ބަލީގައި ރާއްޖެއިން އިތުރު މީހަކު ނިޔާވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނީ ބަލީގައި ނިޔާވި މީހާއަކީ އައްޑޫ ކޮވިޑް މެނޭޖްމެންޓް ފެސިލިޓީގައި އެޑްމިޓުކޮށްގެން ފަރުވާ ހޯދަމުންދިޔަ 81 އަހަރުގެ ދިވެހި އަންހެނެއް ކަމަށެވެ. އޭނާ ނިޔާވީ ރޭ މެންދަމު 02:13 ގައި ކަަމަށް އެޗްޕީއޭއިން ބުނެފައިވެއެވެ.
މިއާއެކު ރާއްޖެއިން މި ބަލީގައި ނިޔާވި މީހުންގެ އަދަދު ވަނީ 243 އަށް އަރާފައެވެ.
މި މަރާއެކު މި ބަލީގައި މިމަހު އައްޑޫއިން ނިޔާވި މީހުންގެ އަދަދު ވަނީ 5 އަށް އަރާފައެވެ. މިމަހުގެ 26 ވަނަ ދުވަހުވެސް ކޮވިޑް ބަލީގައި 2 މީހަކު ވަނީ ނިޔާވެފައެވެ. އެއީ އުމުރުން 74 އަހަރުގެ ދިވެހި ފިރިހެނަކާއި، 86 އަހަރުގެ ދިވެހި ފިރިހެނެކެވެ.
