އިންޑިއާއަށް މޫސުން ގޯސްވެ، ކެރެލާއިން 8 މީހުން މަރުވެއްޖެ
18 އޮކްޓޯބަރު 2021 | ހޯމަ 02:43މަރުވި މީހުންގެ އަދަދު އިތުރުވުން އެކަށީގެންވޭ
އިންޑިއާގެ ކެރެލާއަށް މިހާރު ކުރަމުން އަންނަ ވިއްސާރާގައި ފެން ބޮޑުވެފައި
ދެކުނު އޭޝިއާގެ ބައެއް ގައުމުތަކަށް މިޙާރު ކުރަމުން އަންނަ ވިއްސާރައިގައި އިންޑިއާގެ ކެރެލާގައި އާދަޔާ ޚިލާފަށް ފެންބޮޑުވުމުގެ ސަބަބުން 8 މީހުން މަރުވެ 12 މީހަކު ގެއްލިއްޖެއެވެ.
ރިޕޯޓްތައް ބުނާ ގޮތުން ކެރެލާއަށް ކުރި ވިއްސާރައިގެ ސަބަބުން ފެންބޮޑުވުމާ ގުޅިގެން މަރުވި މީހުންގެ އަދަދު އިތުރުވުމުގެ ފުރުސަތު ބޮޑެވެ. އެގޮތުން ކޮޓަޔަމްއިން 12 މީހެއްގެ ހަށިގަނޑާއި އިޑުއްކީއިން 3 މީހެއްގެ ހަށިގަނޑު ވަނީ ފެނިފައެވެ. އެހެންނަމަވެސް ކަމާ ބެހޭ ފަރާތްތަކުން މިހާތަނަށް ހާމަކޮށްފައިވަނީ 8 މީހުން މަރުވި ކަމަށެވެ.
ކެރެލާގައި ފެންބޮޑުވުމުގެ އެ ސަރަހައްދުގެ ބައެއް ހިސާބުތަކުން ބިންގަނޑު ކަނޑައިގެން ދިޔުމުގެ ހާދިސާތައް ވެސް ވަނީ ހިނގާފައެވެ.
އިންޑިއާގެ ރެސްކިއު ޓީމުން ބުނީ ފެންބޮޑުވުމުގެ ހާދިސާއާ ގުޅިގެން ގެއްލުނު މީހުން ހޯދުމުގެ މަސައްކަތް ކުރަމުން އަންނަ ކަމަށެވެ. އަދި މި ވިއްސާރާގައި މަރުވި މީހުންގެ އަދަދާއި ގެއްލުނު މީހުންގެ އަދަދު އިތުރުވުމުގެ ފުރުސަތު ބޮޑު ކަމަށެވެ.
