ތައްޔާރުވޭ، މިއަދު މާލޭގެ ބައެއް ސަރަހައްދުތަކުން ކަރަންޓް ކެނޑޭނެ!
24 މެއި 2017 | ބުދަ 10:49މާލޭގައި ކަރަންޓް ދިނުމަށް 27 ޖަނަރޭޓަރު އެބަހުރި
މާލޭގައި އަލަށް ބެހެއްޓި ޖެނަރޭޓަރު ބޭނުންކުރަން ފެށުން އެންވަޔަރުމެންޓް މިނިސްޓަރު ތޯރިގް އިފްތިތާހް ކޮށްދެއްވަނީ
މާލޭގައި އަލަށް ބަހެއްޓި އަށް މެގަވޮޓްގެ ޖަނަރޭޓަރުގެ ޓެސްޓްތަކެއް ކުރުމަށްޓަކައި މާލޭގެ ބައެއް ސަރަހައްދުތަކުން މިއަދު ކަރަންޓް ކެނޑިދާނެ ކަމަށް ސްޓެލްކޯއިން ބުނެފި އެވެ.
ސްޓެލްކޯއިން ބުނި ގޮތުގައި ޖަނަރޭޓަރު ސެޓްގެ ޓެސްޓް މަސައްކަތްކުރާނީ 4:00 އިން 5:00 އަށެވެ.
"މި މަސައްކަތް ހިނގަމުންދާ ވަގުތު މާލޭގެ ބައެއް ސަރަހައްދުތަކުން ކުޑަ ވަގުތުކޮޅަކަށް ކަރަންޓްގެ ހިދުމަތް މެދުކެނޑިދާނެ ވާހަކަ ކަސްޓަމަރުންގެ މައުލޫމާތަށްޓަކައި ދެންނެވީމެވެ،" ސްޓެލްކޯގެ ބަޔާނުގައިވެ އެވެ.
މާލޭގެ ކަރަންޓް ހިދުމަތް ވަރުގަދަ ކުރުމަށްޓަކައި އޭޑީބީގެ އެހީގައި ބެހެއްޓި އާ ޖަނަރޭޓަރު ސެޓާއެކު ސްޓެލްކޯއިން މާލެއަށް ކަރަންޓް ދިނުމަށް ބަހައްޓާފައިވާ ޖަނަރޭޓަރުގެ އަދަދު 27 އަރައެވެ. މި ޖެނެރޭޓަރުތަކުން ޖުމުލަ 72 މެގަވޮޓްގެ ކަރަންޓް އުފައްދަ އެވެ.
ޖަރޭޓަރުތަކަށް ދިމާވާ މައްސަލަތަކާ ގުޅިގެން ފަހަކަށް އައިސް މާލޭގެ އެކި ސަރަހައްދުތަކުން އެކި ދުވަސްތަކުގައި ކަރަންޓް ކަނޑައިގެން ގޮަސްފައި ވެއެވެ.
