ޕްރޮފެސަރ އުގައިލްގެ ތަފާތު ޓްވީޓެއް!
ޓްވީޓް ކުރެއްވި މާނައެއް ނޭނގޭ
ޕްރޮފެސަރު އުގައިލް ކުރައްވާފައިވާ ދިރާސާއެއް ދައްކާލަނީ
ހުދުމުހުތާރު ވެރިން ވެއްޓޭނެ ކަމަށް ވިދާޅުވެ، ޕްރޮފެސަރު އުގައިލް ތަފާތު ޓްވީޓެއް ކުރައްވައިފިއެވެ.
ތައުލީމީ ގޮތުން ރާއްޖޭގައި ހުންނެވި އެންމެ ޤާބިލު އެއް ފަރާތް ކަމަށްވާ ޕްރޮފެސަރ އުގައިލް ކުރައްވާ މި ޓްވީޓަށް ގިނަ ބައެއްގެ ސަމާލުކަން ވަނީ ލިބިފައެވެ.
މި ޓިވީޓްގައި ޕްރޮފެސަރު އުގައިލް ވިދާޅުވެފައި ވަނީ "ހުދުމުހުތާރުވެރިން ބަލިވާނެ. އެމީހުން އަބަދުވެސް ބަލިވާނެ. އަބަދު ވެސް ކާމިޔާބު ހޯދާނީ ރައްޔިތުންގެ ބާރު،" ކަމަށެވެ.
ޕްރޮފެސަރު އުގައިލް މި ޓްވީޓް ކުރައްވާފައި ވަނީ ކޮން މާނައެއްގައިކަން ނޭގުނަސް، މިފަދަ ސިޔާސީ މާނައެއް ނެގޭފަދަ ޓްވީޓްތައް މީގެ ކުރިން އުގައިލް ނުކުރައްވާކަން ފާހަގަކުރެއެވެ.
އާންމު ގޮތެއްގައި އުގައިލް ޓްވީޓް ކުރައްވަނީ އޭނާ ކުރައްވާފައިވާ ދިރާސާތަކާ ގުޅޭގޮތުން ނުވަތަ އިލްމީ ކަމެއްގެ މައްޗަށް ބިނާކޮށެވެ.
ހުދުމުޚުތާރުވެރިން ބަލިވާނެކަމަށާއި އެފަދަ ވެރިންގެ ވެރިކަން ވެއްޓި ރައްޔިތުންގެ ކޮޅު އަބަދުވެސް ގަދަވާނެކަމަށް އުގައިލް ވިދާޅުވެފައިވާ މިދަނޑިވަޅަކީ ރާއްޖޭގެ އޮތް ތިންބާރު ވަކިވެފައިވާ ނިޒާމް "ފުނޑުފުނޑު" ކޮށްލައިފި ކަމަށް ސިޔާސީ ފަރާތްތަކުން ވިދާޅުވަމުން ދަނިކޮށެވެ.
އޭގެ އިތުރުން ދިވެހިރާއްޖޭގައި ވެރިކަން ހިންގުމުގެ ނިޒާމުގައި ޚުދުމުހުތާރުކަން އެކުލެވި، ކޮރަޕްޝަނާއި ފަސާދަ އިތުރުވަމުންދާ ކަމަށް އިދިކޮޅު ފަރާތްތަކުން ދަނީ ބުނަމުންނެވެ.
ސިއްހީ ގޮތުންނާއި އެނޫން ވެސް އެތައް ބައިވަރު ރޮނގަކުން ތަފާތު ދިރާސާތައް ކުރައްވާ އެ މައުލޫމާތުތައް ރައްޔިތުންނަށް ހިއްސާ ކުރައްވަމުން ގެންދަވާ ޕްރޮފެސަރު އުގައިލް ވަނީ ކަނޑުގެ ދިރުންތަކާ ބެހޭ ދިރާސާތައްކުރާ މަރުކަޒެއް ޅ. ވައްވަރުގައި ހިންގަވާފައެވެ. އިނގިރޭސި ވިލާތް، އޮސްޓްރޭލިޔާ ފަދަ ގައުމުތަކުގެ ކަނޑުގެ ދިރުންތަކާ ބެހޭ ސައިންސްވެރިންނާއި ޕްރޮފެސަރުން އެތައް ދިރާސާއެއް ކޮށްފައިވާ ޅ. ވައްފަރު މިމަހުގެ ކުރީކޮޅު ސަރުކާރުން ވަނީ ކުއްލި ގޮތަކަށް ހަވާލުކުރަން އަންގާފައެވެ.
