ނައިބުރައީސް ހޮސްޕިޓަލުން ހިލާލީގެއަށް ވަޑައިގެންފި
7 އޮކްޓޯބަރު 2021 | ބުރާސްފަތި 14:06އެމަނިކުފާނުގެ ހާލުކޮޅު މިހާރު ރަނގަޅު
ސިމާހާ ނަސީމް | 7 އޮކްޓޯބަރު 2021 | ބުރާސްފަތި 14:06
ނައިބުރައީސް ފައިޞަލް ނަސީމް
ނާއިބުރައީސް ފައިޞަލް ނަސީމް ހޮސްޕިޓަލުން ހިލާލީގެއަށް ވަޑައިގެންފިއެވެ.
ހާލުކޮޅު ދެރަވެގެން އެމަނިކުފާނަށް ދަރުމަވަންތަ ހޮސްޕިޓަލްގައި އެޑްމިޓްކޮށްގެން ފަރުވާ ފަށާފައިވަނީ މި މަހުގެ 5 ވަނަ ދުވަހުއެވެ. އެމަނިކުފާނު ހޮސްޕިޓަލުން ހިލާލީގެއަށް ވަޑައިގެންނެވީ މި މަހުގެ 6 ވަނަ ދުވަހުގެ ރޭގެ ވަގުތެއްގައެވެ.
އެމަނިކުފާނުގެ ހާލުކޮޅު މިހާރު ރަނގަޅު ކަމަށް ވެސް މައުލޫމާތު ލިބެއެެވެ.
މީގެކުރިން މިއަހަރުގެ ފެބްރުއަރީ މަހުގެ ތެރޭގައިވެސް ނައިބު ރައީސްގެ ހާލުކޮޅު ދެރަވެގެން ދަރުމަވަންތަ ހޮސްޕިޓަލްގައި އެޑްމިޓްކޮށްފައިވެއެވެ. އެފަހަރު އެޑްމިޓްކޮށްފައިވަނީ މާބޮޑަށް ހުން އަންނާތީއެވެ.
މީގެއިތުރުން މިއަހަރުގެ މެއި މަހު ނައިބު ރައީސް ވަނީ ކޮވިޑަށްވެސް ޕޮޒިޓިވްވެފައެވެ.
