ހޯމް ރެޕިޑް ކޮވިޑް ޓެސްޓް ކިޓް ބޭނުން ކުރުމުގެ ހުއްދަ އެމެރިކާގައި ދީފި
މި އަހަރުގެ ޑިސެމްބަރާ ހަމައަށް ކޮންމެ މަހަކު 100 މިލިއަން ކިޓް އުފެއްދާނެ
ފްލޯ ފްލެކްސް ކިޓް ބޭނުންކުރުމުގެ ހުއްދަދިން ފުރަތަމަ ގައުމަކީ އެމެރިކާ
ހޯމް ރެޕިޑް ކޮވިޑް ޓެސްޓް ކިޓް ބޭނުން ކުރުމުގެ ހުއްދަ އެމެރިކާގައި ދީފިއެވެ.
ކެލިފޯނިއާގެ 'އޭކޮން' ލެބޯޓްރީން އުފައްދާފައިވާ މި ކިޓް ބޭނުން ކުރުމަށް ފުޑް އެންޑް ޑްރަގް އޮތޯރިޓީން ހުއްދަ ދީފައިވަނީ އިމަރޖެންސީ ހާލަތުގައެވެ. ހުއްދައާއެކު ކިޓް އުފެއްދުން އިތުރުވެގެންދާނެ ކަމަށްވަނީ ބެލެވިފައެވެ.
މި އަހަރުގެ ޑިސެމްބަރާ ހަމައަށް ކޮންމެ މަހަކު 100 މިލިއަން ކިޓް އުފައްދާނެ ކަމަށް އެ ލެބޯޓްރީން ވަނީ ބުނެފައެވެ. އަދި މި އަދަަދު އަންނަ ފެބްރުއަރީ މަސްތެރޭގައި 200 މިލިއަނަށް އިތުރުުކުރާނެ ކަމަށް ވެސް ވަނީ ބުނެފައެވެ.
ކަމުގެ ތަޖުރިބާކާރުން ބުނެފައިވަނީ، މި ކިޓްގެ ސަބަބުން ވައިރަހަށް ޕޮޒިޓިވްވެފައިވޭތޯ އަވަހަށް ދެނެގަނެވޭނެ ކަމަށެވެ. އެހެންނަމަވެސް ކިޓް ބޭނުން ކުރާނެ ގޮތުގެ ފުރިހަމަ މައުލޫމާތު ދިނުން މުހިއްމު ކަމަށް ސިއްޙީ މާހިރުންވަނީ ލަފާދީފައެވެ.
"ފްލޯ ފްލެކް"ގެ ނަން ދީފައިވާ މި ކިޓް ބޭނުންކުރުމުގެ ހުއްދަދިން ފުރަތަމަ ގައުމަކީ އެމެރިކާއެވެ.
