އެމްޑީޕީން މިހާތަނަށް ބާއްވާ އެންމެ ވާދަވެރި އިންތިޚާބުގެ ވޯޓުލުން ހޮނިހިރު ދުވަހު 9 ޖަހާއިރު

ވެރިކަން ކުރާ މައި ޕާޓީ އެމްޑީޕީގެ އެންމެ ބާރުގަދަ ގުނަވަން ކަމުގައިވާ ގައުމީ މަޖިލީހަށް މެމްބަރުން އިންތިޚާބުކުރުމަށް ބާއްވާ އިންތިޚާބުގެ ވޯޓުލުން ހޮނިހިރު ދުވަހު 9 ޖަހާއިރު ފެށޭނެއެވެ.

މިއީ މިހާތަނަށް އެމްޑީޕީގެ އެތެރޭގައި ބާއްވާ އެންމެ ވާދަވެރި އިންތިޚާބަށްވާނެއެވެ. އެއީ އެމްޑީޕީގެ އެތެރޭގައި އުފެދިފައިވާ ޚިޔާލުތަފާތުވުންތައް ބޮޑުވެ ރައީސް މުހައްމަދު ނަޝީދު އާއި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަށް ތާއީދުކުރާ މެމްބަރުންގެ މެދުގައި ދެ ފެކްޝަނެއް ޕާޓީގެ އެތެރޭގައި އުފެދިފައިވާތީއެވެ. ގައުމީ މަޖިލީހަށް މެމްބަރުން ނިކުމެފައިވަނީ މި ދެފެކްޝަނުންނެވެ. މިއިންތިޚާބުން ރައީސް ނަޝީދާއި ރައީސް ޞާލިހުގެ ތެރެއިން އެމްޑީޕީގެ އެތެރޭގައި ކުރިޔަށް އޮތް ފަސް އަހަރު އެންމެ ބާރުގަދަ ވާނީ ކޮން ބޭފުޅެއްކަންވެސް ކަނޑައެޅިގެންދާނެއެވެ.

އެމްޑީޕީގެ ގައުމީ މަޖިލީސް އެކުލެވިގެން ވަނީ އެ ޕާޓީ ވެރިކަމުގައި އޮންނަނަމަ ރައީސުލްޖުމްހޫރިއްޔާ އާއި ވަޒީރުންގެ މަޖިލީހުގެ އެމްޑީޕީގެ މެމްބަރުންނާއި ޕާޓީގެ ލީޑަޝިޕާއި ޕާލަމެންޓްރީ ގްރޫޕްގެ މެމްބަރުންނާއި ދާއިރާތަކުގެ ރައީސުންނާއި އަންހެނުންގެ ރޫހާއި ޒުވާނުންގެ ހިތްވަރު އަދި އިސްލާމްދީނުގެ މަޝްވަރާ މަޖިލީހުގެ ރައީސް ހިމެނޭ ގޮތުންނެވެ.

އެމްޑީޕީގެ ގައުމީ މަޖިލީހުގެ އިންތިޚާބުގައި ރައީސް މުހައްމަދު ނަޝީދު ތާއީދުކުރައްވާނީ އެމަނިކުފާނު ވަކާލާތުކުރައްވަމުން ގެންދަވާ ބަރުލަމާނީ ނިޒާމަށް ތާއީދުކުރައްވާ މެމްބަރުންނަށްކަމަށް ރައީސް ނަޝީދު ވަނީ ވިދާޅުވެފައެވެ. ރައީސް ނަޝީދު ބަރުލަމާނީ ނިޒާމެއް ގެންނަން ބޭނުންފުޅުވިނަމަވެސް ރައީސް ޞާލިހާއި ރައީސް ޞާލިހަށް ތާއީދުކުރައްވާ ބޭފުޅުން ވިދާޅުވާ ގޮތުގައި ބަރުލަމާނީ ނިޒާމެއް ގެނައުމުގެ މަސައްކަތް މިވަގުތު ކުރުމަށްވުރެ ސަރުކާރަށް ޕާޓީގެ ތެރެއިން އެއްބާރުލުންދީ ސަރުކާރުން ކުރަން ކަނޑައަޅަންފައިވާ ކަންކަން ކުރުން މިވަގުތު މާމުހިންމެވެ. އެހެންކަމުން ގައުމީ މަޖިލީހުގެ އަޣްލަބިއްޔަތު ހޯއްދެވުމުގެ މަސައްކަތް ދެބޭފުޅުންވެސް ގެންދަވަނީ ކުރައްވަމުންނެވެ.

ހޮނިހިރު ދުވަހު ބާއްވަން ހަމަޖެހިފައިވާ އެމްޑީޕީގެ ދާއިރާތަކުގެ އިންތިޚާބާ ގުޅޭގޮތުން އެޕާޓީގެ ޗެއަރޕާސަން ހަސަން ލަތީފް އެންމެ ފަހުން ބޭއްވި ނޫސްވެރިންގެ ބައްދަލުވުމުގައި ވިދާޅުވީ މިއީ މިހާތަނަށް ބާއްވާ އެންމެ ގިނަ މެމްބަރުން ވާދަކުރާ އަދި އެންމެ ވާދަވެރި އިންތިޚާބުކަމަށެވެ. އެޕާޓީން މި އިންތިޚާބަށް ކުރި މަސައްކަތުން ވަރަށް ގިނަ އަދަދެއްގެ މެމްބަރުން ޚާއްސަކޮށް ރަށްރަށުން ނިކުންނާނެ ކަމަށާއި، ހީވާގޮތުން މާލެއިން ލޯކަލް ކައުންސިލް އިންތިޚާބުގައި ނިކުންތް އަދަދަށް ވުރެން ގިނަ މެމްބަރުން މިފަހަރު ނިކުންނާނެ ކަމަށް ހަސަން ލަތީފު ވިދާޅުވިއެވެ. ސަބަބަކީ އެޕާޓީއަށް މިހާރު ވަމުންދާ ގޮތުން މެމްބަރުން ބަލަން ނުތިބޭނެކަމަށާއި މިކަމަށް ގޮތެއް ނިންމަން ގިނަ އަދަދެއްގެ މެމްބަރުން ނިކުންނާނެ ކަމަށްވެސް ވިދާޅުވިއެވެ.

ހޮނިހިރު ދުވަހު ވޯޓުލުން ކުރިޔަށްދާނީ ހެނދުނު 09:00 އިން ފެށިގެން ހަވީރު 17:00 އާއި ހަމައަށްކަމަށެވެ. ނަމަވެސް އެގަޑީގައިވެސް ސަފުގައި މީހުން ވޯޓުނުލެވި ތިބިނަމަ، ސަފުގައި ތިބި މެމްބަރުންނަށް ވޯޓުލުމުގެ ފުރުސަތު ލިބިގެންދާނެއެވެ.

ވޯޓުލުން ކުރިޔަށް ގެންދިއުމަށް ހަމަޖެހިފައިވަނީ މާލޭގެ 15 ސްކޫލާއި، ސޯޝަލް ސެންޓަރުގެ އިތުރުން، މޮނިޓަރިންގެ ހާލަތުގައި ނެތް ރަށްރަށުގެ ތެރެއިން 3 ރަށް ފިޔަވާ އެހެން ހުރިހާ ރަށެއްގައިވެސް އެރަށެއްގެ ސްކޫލުގައެވެ. ވޯޓުލުމަށްޓަކައި މެމްބަރުން ދާއިރުގައި ފޮޓޯ ޖެހި އައިޑީއެއް ހިފައިގެން ދިއުމަށާއި، ވޯޓުލާ ނިމުމުން އެ މެމްބަރެއްގެ އިނގިލީގައި ފާހަގައެއް ޖަހާނެކަން ވަނީ ފާހަގަކޮށްފައެވެ. އިންތިޚާބުގެ ތެރޭގައި ދިމާވާ އެކިއެކި ކަންކަމުގައި ޝަކުވާ ހުށަހެޅުމަށް 3 ނަމްބަރެއްގެ ބޭނުން ކުރެވޭނެ ހޮޓްލައިނެއް ގާއިމްކުރުމުގެ މަސައްކަތް ވެސް ކުރެވެމުންދާ ކަމަށް ހަސަން ލަތީފް ވިދާޅުވިއެވެ.

މިފަހަރުގެ އިންތިޚާބުގައި 733 ކެންޑިޑޭޓުން ވާދަކުރާއިރު ވޯޓުލުމުގެ ހައްގު ލިބިފައިވާ މީހުންގެ އަދަދު 93،000ން މައްޗަށް އަރައެވެ.