ސެޕްޓެމްބަރ މަހުގެ 25 ވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީގެ ދާއިރާތަކުގެ އިންތިޚާބުގައި ވޯޓުފޮށި ބެހެއްޓުމަށް ހަމަޖެހިފައިވާ ބައެއް މަރުކަޒުތަކަށް ބަދަލުގެނެވިފައިވާކަމަށް އެޕާޓީން ބުނެފިއެވެ.

މިގޮތުން މާލޭގެ ދެތަނެއްގެ އިތުރުން ވ. އަތޮޅުގައި ވޯޓުފޮށި ބަހައްޓާ ތަންތަނަށް ވަނީ ބަދަލު ގެނެސްފައެވެ. މިގޮތުން ގެނެސްފައިވާ ބަދަލުތަކަކީ:

އެމްޑީޕީގެ ދާއިރާތަކުގެ އިންތިޚާބުގައި 281 ވޯޓު ފޮއްޓެއް ބެހެއްޓުމަށް ވަނީ ހަމަޖެހިފައެވެ. އެމްޑީޕީން ބުނީ ވޯޓުލާން ހަމަޖެހިފައިވާ ވަގުތަކީ 25 ސެޕްޓެމްބަރުވާ ހޮނިހިރު ދުވަހުގެ ހެނދުނު 9:00ން ހަވީރު 5:00ށް ކަމަށެވެ.

އެމްޑީޕީން ވަނީ ކުރިޔަށް އޮތް އިންތިޚާބުގައި ވޯޓުލާ މީހުންގެ ދާއިމީ ލިސްޓުވެސް އާންމުކޮށްފައެވެ. އެމްޑީޕީގެ ދާއިރާތަކުގެ އިންތިޚާބުގައި 733 ކެންޑިޑޭޓުން ވާދަކުރައްވައެވެ. އެތެރޭގެ އިންތިޚާބުގައި ވޯޓު ލުމުގެ ހައްގު ލިބިގެންވާ 93،165 މީހުން އެބަތިބިކަމަށް އެޕާޓީން ބުނެއެވެ.

ދާއިރާތަކުގެ އިންތިޚާބު ބޭއްވުމަށް ކުރިން ނިންމާފައި އޮތީ މެއި މަހުގެ ތެރޭގައެވެ. އެހެންނަމަވެސް ފަހުން ވަނީ ސެޕްޓެމްބަރަށް ފަސްކޮށްފައެވެ.

އެމްޑީޕީން މިނިންމުން ނިންމީ ޕާޓީގެ ރައީސް، ރައީސް މުޙައްމަދު ނަޝީދުގެ ފުރާނަފުޅު ދުއްވާލުމަށް ނުރައްކާތެރި ޓެރަރިސްޓް ހަމަލާއެއްދީ، އެމަނިކުފާނުގެ ހާލުކޮޅު ސީރިއަސްވެ، އެމަނިކުފާނު ފަރުވާ ހޯއްދަވަމުން ގެންދަވާތީ, ދާއިރާތަކުގެ އިންތިޚާބު 29 މެއި 2021ގައި ބޭއްވުމަކީ ރަނގަޅު ކަމެއް ކަމުގައި ނުފެންނާތީއެވެ.