އދ. ގެ އާންމު މަޖިލީހުގައި އަނެއްކާ ވެސް ރައީސް ޞާލިހް ބައިވެރިވެވަޑައިގެން ތަގްރީރު ކުރައްވަނީ
13 ސެޕްޓެމްބަރު 2021 | ހޯމަ 10:10ރައީސް ޞާލިހް އެންމެ ފަހުން އދ ގެ އާންމުމަޖިލީހުގައި ތަގްރީރު ކުރެއްވީ 2019 އަހަރު
ރައީސް އިބްރާހިމް މުހައްމަދު ސޯލިހް އަދި އަނބިކަނބަލުން ފަޒްނާ އަހްމަދު
އދ. ގެ އާންމު މަޖިލީހުގެ 76 ވަނަ ދައުރުގެ އާންމު ބަހުސް މިމަހުގެ 21 ވަނަ ދުވަހު އެމެރިކާގެ ނިއުޔޯކްގައި ފަށާއިރު އެމަޖިލީހުގައި ރައީސުލްޖުމްހޫރިއްޔާ އިބުރާހިމް މުހައްމަދު ޞާލިހް ތަގްރީރު ކުރައްވާނެކަމުގެ މައުލޫމާތު ރާއްޖެއެމްވީއަށް ލިބިއްޖެއެވެ. އެމަނިކުފާނު އެމަޖިލީހުގައި ތަގްރީރުކުރައްވާނީ ބަހުސްގެ ފުރަތަމަ ދުވަހުއެވެ. ތަގްރީރު ކުރައްވަން މިވަގުތު ހަމަޖެހިފައިވަނީ 3 ވަނަ ބޭފުޅެއްގެ ގޮތުން ކަމަށް ވިޔަސް ތަރުތީބަށް އަދި ވެސް ބަދަލު އައުން އެކަށީގެންވެއެވެ.
ބައެއް މީޑިއާތަކުން ރިޕޯޓްކޮށްފައިވާ ގޮތުގައި ރައީސް ޞާލިހް އެމަޖިލީހުގައި ތަގްރީރު ކުރައްވާނީ އެމެރިކާގެ ރައީސް ޖޯ ބައިޑެންއަށް ފަހުއެވެ. ރައީސް ޞާލިހް ތަގްރީރުކުރައްވާ ސެޝަން އޮންނާނީ މިމަހުގެ 21 ވަނަ ދުވަހުގެ ރާއްޖެގަޑިން އިރުއޮއްސި 6 ން ރޭގަނޑު 11.45 ދެމެދުގައެވެ.
އދ. ގެ އާންމު މަޖިލީހުގެ 76 ވަނަ ދައުރުގެ އާންމު ބަހުސް މިމަހުގެ 21 ވަނަ ދުވަހު ފަށާއިރު ރިޔާސަތުގައި އިންނަވާނީ ރާއްޖޭގެ ފޮރިންގ މިނިސްޓަރ އަބުދުﷲ ޝާހިދެވެ. ރައީސް ޞާލިހް އެމެރިކާއަށް ވަޑައިގަންނަވާނެ ދުވަހާ، ދަތުރުފުޅުގައި ބައިވެރިވެވަޑައިގަންނަވާނެ ބޭފުޅުންގެ ލިސްޓް އަދި އެނގިފައެއް ނުވެއެވެ.
ރައީސް ޞާލިހް އެންމެ ފަހުން އދ ގެ އާންމު މަޖިލީހުގައި ތަގްރީރު ކުރައްވައިފައިވަނީ 2019 އަހަރުއެވެ. ރައީސް ޞާލިހްގެ ކުރިން ވެރިކަމުގައި ހުންނެވި ރައީސް ޔާމީނު އަބުދުލްގައްޔޫމުގެ ވެރިކަމުގެ 5 ދައުރު ނިންމަވާލެއްވިއިރު އދ ގެ އާންމުމަޖިލީހަށް ވަޑައިގެން ތަގްރީރު ކުރައްވާފައެއް ނުވެއެވެ.
