މިވަގުތު ނަރުދަމާގެ އަމަލީ މަސައްކަތް 55 ރަށެއްގައި ކުރިޔަށް، 63 ރަށެއްގެ މަސައްކަތުގެ އެއްބަސްވުމުގައި ސޮއިކުރެވިފައި
13 ސެޕްޓެމްބަރު 2021 | ހޯމަ 04:54ރާއްޖޭގެ ހުރިހާ ރަށެއްގައި ނަރުދަމާ އެޅުމަކީ މިސަރުކާރުގެ ވައުދެއް
ފެނާއި ނަރުދަމާގެ ނިޒާމްގެ މަސައްކަތް ހިނގަނީ
ރާއްޖޭގެ 55 ރަށެއްގައި މިވަގުތު ވެސް ނަރުދަމާގެ މަސައްކަތް ހިނގަމުންދާ ކަމަށާ، އަދި މަސައްކަތުގެ އެއްބަސްވުން ހެދިފައިވާ 63 ރަށެއް އޮތް ކަމަށް ރާއްޖެއެމްވީއަށް މައުލޫމާތު ލިބިއްޖެއެވެ.
ރާއްޖެއެމްވީއާ ވާހަކަ ދެއްކި ސަރުކާރުގެ އޮފިޝަލަކު ބުނީ ޓެންޑަރ މަރުަހަލާގައި 20 ރަށެއްގެ މަސައްކަތް އޮތް ކަމަށާ، އެވޯޑް ކޮށްފައި 2 ރަށެއްގެ މަސައްކަތް އޮތް ކަމަށެވެ. އަދި ފްރީޓެންޑަރިންގައި 1 ރަށުގެ މަސައްކަތް އޮތް ކަމަށެވެ.
މިސަރުކާރުން ކުރިޔަށް ގެންދާ ފެނާ ނަރުދަމާގެ އަމަލީ މަސައްކަތް ގިނަ ރަށްރަށުގައި ކުރަނީ އެމްޑަބްލިޔުއެސްސީއާ ހަވާލު ކޮށްގެންނެވެ. ރާއްޖޭގެ ހުރިހާ ރަށެއްގައި ނަރުދަމާ ނިޒާމް ގާއިމް ކުރުމަކީ މިސަރުކާރުގެ ވައުދެކެވެ. ކޮވިޑް19 އާ ގުޅިގެން ތަރައްގީގެ ބައެއް މަސައްކަތް މަޑުޖައްސާލަން ޖެހުނަސް މިހާރު އަނެއްކާ ވެސް ގިނަ މަޝްރޫއުތަކުގެ އަމަލީ މަސައްކަތް ދަނީ ހިނގަމުންނެވެ.
