5 ވަނަ ޖީއެމް ފޯރަމް 23 ސެޕްޓެމްބަރުގައި
3 ސެޕްޓެމްބަރު 2021 | ހުކުރު 18:00ޖީއެމް ފޯރަމް ބާއްވަނީ ޕެރަޑައިސް އައިލެންޑް ރިސޯޓުގައި
2017 ވަނަ އަހަރުގެ ޖީއެމް ފޯރަމްގެ ތެރެއިން
ހޮޓެލިއަރ މޯލްޑިވްސް މަޖައްލާއިން އަހަރަކު އެއްފަހަރު އިންތިޒާމްކުރާ ހޮޓެލް މެނޭޖަރސް ފޯރަމް (ޖީއެމް ފޯރަމް) ސެޕްޓެމްބަރ މަހުގެ 23 ވާ ބުރާސްފަތި ދުވަހު ޕެރަޑައިސް އައިލެންޑް ރިސޯޓުގައި ބޭއްވުމަށް ހަމަޖެހިއްޖެއެވެ.
ހޮޓެލިއަރ މޯލްޑިވްސް މަޖައްލާ ޝާއިއު ކުރާ ކުންފުނި ޕަރސްޕެކްޓިވް ޕްރައިވެޓް ލިމިޓެޑުން 2016ން ފެށިގެން އަހަރަކު އެއްފަހަރު ބާއްވަމުން އަންނަ މި ފޯރަމް 2020ގައި ކޮވިޑް ގެ ހާލަތާއި ގުޅިގެން ވަނީ ކެންސަލް ކުރެވިފައެވެ. ޕަރސްޕެކްޓިވުން ނެނެރުނު ބަޔާނެއްގައި ހާމަކުރި ގޮތުގައި މިއަހަރގެ ފޯރަމްގައިވެސް ފަތުރުވެރިކަމުގެ ސިނާއަތުގައި ތަޖުރިބާ ހާސިލު ކުރައްވާފައިވާ ރާއްޖޭގެ އަދި ރާއްޖެއިން ބޭރުގެ އެކިއެކި ފަރާތްތައް ކީނޯޓް ސްޕީޗް ދެއްވުމުގައާއި ޕެނަލް ޑިސްކަޝަންތަކުގައި ބައިވެރިވާނެއެވެ. އަދި ރާއްޖޭގެ ޓުއަރިޒަމް މިނިސްޓަރ ޑރ އަބްދުالله މައުސޫމް މިއަހަރުގެ ފޯރަމްގައި ވާހަކަ ދެއްކެވުމަށް ހަމަޖެހިފައިވެއެވެ.
ޕަރްސްޕެކްޓިވްގެ ބަޔާނުގައި އިތުރަށް ހަމާކޮށްފައިވާ ގޮތުގައި ޖީއެމް ފޯރަމްގެ ބޭނުމަކީ ރިސޯޓު ހިންގުމާއި އަދި އާންމުކޮށް ރާއްޖެއާއި ދުނިޔޭގެ ފަތުރުވެރިކަމުގެ ދާއިރާގައި ހުރި ގޮންޖެހުންތަކާއި ފުރުސަތުތަކާއި ބެހޭގޮތުން މައުލޫމާތާއި ޚިޔާލު ބަދަލު ކުރުމާއި މިދާއިރާގައި މަސައްކަތް ކުރައްވާ ފަރާތްތަކުގެ މެދުގައި ގުޅުން ބަދަހި ކުރުމުގެ ފުރުސަތު ހުޅުވައިލުމެވެ.
ކޮންމެ އަހަރަކު އެއްފަހަރު ޖީއެމް ފޯރަމް ބާއްވަމުން ދާއިރު، ޕަރސްޕްކެޓިވް ޕްރައިވެޓް ލިމިޓެޑުން ޝާއިއުކުރާ މަޖައްލާ، ހޮޓެލިއަރ މޯލްޑިވްސް ދަނީ ކޮންމެ ދެ މަހަކުން އެ ފަހަރު ނެރެމުންނެވެ. އަދި އޮންލައިން ވެބްސައިޓް މެދުވެރިކޮށް ކޮންމެ ދުވަހަކު ރާއްޖޭގެ ފަތުރުވެރިކަމާއި ބެހޭ ހަބަރާއި މައުލޫމާތު ގެނެސްދެއެވެ.
ހޮޓެލިއަރ މޯލްޑިވްސް މަޖައްލާ ނެރެން ފަށާފައިވަނީ 2014ގެ ޖެނުއަރީ މަހުއެވެ.
މިއަހަރުގެ ޖީއެމް ފޯރަމްގެ ޓައިޓަލް ސްޕޮންސަރަކީ ސްޕޮންސަރުންނަކީ ދަ ހޯކްސް ޕްރައިވެޓް ލިމިޓެޑެވެ. ޕްލެޓިނަމް ސްޕޮންސަރުންނަކީ ވިލާ، ޔޫރޯ މާރކެޓިންގ ޕްރައިވެޓް ލިމިޓެޑް އަދި އޫރިދޫ މޯލްޑިވްސް އެވެ. ވެލްނަސް ޕާޓްނަރަކީ ޓްރޮޕިކަލް ފިޓްނަސް ޕްރައިޓް ލިމިޓެޑެވެ. ޑެސްޓިނޭޝަން ޕާޓްނަރަކީ މޯލްޑިވްސް މާރކެޓިންގ އެންޑް ޕަބްލިކް ރިލޭޝަންސް ކޯޕޮރޭޝަނެވެ. ސިލްވަރ ސްޕޮންސަރުންނަކީ މޯލްޑިވްސް ޕެޓްރޯލިއަމް ލިންކް، ބެސްޓް ބައި މޯލްޑިވްސް ޕްރައިވެޓް ލިމިޓެޑް އަދި އެސްޓޯރިއާ ފެޝަނެވެ. ޓެކްނޯލޮޖީ ޕާޓްނަރަކީ އޮކްޓޮޕަސް ސިސްޓަމްސްއެވެ.
