މޯލްޑިވްސް އެޗްއާރް ފޯރަމްގައި ބައިވެރިވުމުގެ ފުރުސަތު ހުޅުވާލައިފި

މޯލްޑިވްސް އެޗްއާރް ފޯރަމް 2018 ގައި ބައިވެރިވުމުގެ ފުރުސަތު ހުޅުވާލައިފިއެވެ.

މި ފޯރަމްއަކީ ކޯޕަރޭޓް މޯލްޑިވްސް އެކަޑަމީ (ސީއެމްއޭ) އިން އިންތިޒާމް ކޮށްގެން މިއަހަރުގެ މެއި މަހުގެ ތިން ވަނަ ދުވަހު ބާއްވަން ނިންމާފައިވާ ފޯރަމެކެވެ.

މި ފޯރަމްގެ މައިގަނޑު މަގްސަދަކީ ހިއުމަން ރިސޯސަސްގެ ދާއިރާގައި މަސައްކަތް ކުރާ ފަރާތްތައް އެއް ތަނަކުން ބައްދަލުވެ އެ ދާއިރާގައި ހުރި ކަންތައްތަކާއި ގުޅޭގޮތުން މަޝްވަރާކޮށް ހިޔާލު ބަދަލުކުރުމެވެ.

މި ފޯރަމްގައި ބައިވެރިވުމަށް އެދޭ ފަރާތްތަކުން މާރޗް 15 ވަނަ ދުވަހުގެ ކުރިން ރަޖިސްޓްރޭޝަން ފުރިހަމަ ކުރަންޖެހޭނެ ކަމަށް ސީއެމްއޭ އިން ބުންޏެވެ. އަދި ފޯރަމްގައި ބައިވެރިވެވޭނީ 100 ޑޮލަރު އަށެވެ.

މި ފޯރަމްގައި ޔޫރަޕް އާއި އެމެރިކާގެ އެޗްއާރްގެ ދާއިރާގައި ތަޖުރިބާ ލިބިފައި ހުރި އެކްސްޕާޓުންނާއި ކޮންސަލްޓަންޓުން، ވާހަކަ ދައްކަވާ އެ ފަރާތްތަކުގެ ވާހަކަތައް ހިއްސާ ކުރައްވާނެއެވެ.