އެޗްއާރް ފޯރަމްގެ އެސޯސިއޭޓް ޕާޓްނަރަކީ އެމްއޭއެޗްއާރްޕީ
ފޯރަމް އޮންނާނީ އޭޕްރިލް މަހު
ފަހުމުނާމާގައި ސޮއިކުރުމުގެ ރަސްމިއްޔާތުގެ ތެރެއިން
މި އަހަރުގެ އޭޕްރިލް މަހުގެ 21 ވަނަ ދުވަހު ފެށުމަށް ހަމަޖެހިފައިވާ ފުރަތަމަ އެޗްއާރް ފޯރަމްގެ އެސޯސިއޭޓް ޕާޓްނަރަށް މޯލްޑިވްސް އެސޯސިއޭޝަން އޮފް ހިއުމަން ރިސޯސަސް ޕްރޮފެޝަނަލްސް (އެމްއޭއެޗްއާރްޕީ) ހަމަޖައްސައިފިއެވެ.
ކޯޕަރޭޓް މޯލްޑިވްސް އެކެޑަމީ (ސީއެމްއޭ) އާއި މޯލްޑިވްސް އެސޯސިއޭޝަން އޮފް ހިއުމަން ރިސޯސަސް ޕްރޮފެޝަނަލްސް (އެމްއޭއެޗްއާރްޕީ) އާއިއެކު މިކަމާއި ގުޅޭ ފަހުމުނާމާގައި ސޮއިކޮށްފައިވަނީ މާރޗް 19 ވަނަ ދުވަހުގައެވެ.
މި ފޯރަމްގެ މައިގަނޑު މަގްސަދަކީ ހިއުމަން ރިސޯސަސްގެ ދާއިރާގައި މަސައްކަތް ކުރާ ފަރާތްތައް އެއް ތަނަކުން ބައްދަލުވެ، އެ ދާއިރާގައި ހުރި ކަންތައްތަކާއި ގުޅޭގޮތުން މަޝްވަރާކޮށް ހިޔާލު ބަދަލުކުރުމެވެ.
މި ފޯރަމްގައި އެޗްއާރް ދާއިރާގައި ތަޖުރިބާ ލިބިފައިވާ ވިލާތާއި އެމެރިކާގެ އެކްސްޕަރޓުންނާއި ކޮންސަލްޓަންޓުން، ވާހަކަ ދައްކަވާ، އެ ފަރާތްތަކުގެ ތަޖުރިބާ ހިއްސާ ކުރައްވާނެއެވެ.
މި އިވެންޓް އިންތިޒާމް ކުރަނީ ސީއެމްއޭ އިންނެވެ.
