އާއިލާތަކަށް ޚާއްސަ ރެސްޓޯރެންޓެއް ހުޅުމާލޭގައި ހުޅުވައިފި
13 އޯގަސްޓު 2021 | ހުކުރު 16:21މިއީ އާއިލާތަކަށް ޚާއްސަ ރެސްޓޯރެންޓެއް
ޓްރިސްޓް ރެސްޓޯރެންޓު ހުޅުވުން
އާއިލާތަކަށް ޚާއްސަ ރެސްޓޯރެންޓެއް ހުޅުމާލޭގައި ހުޅުވައިފިއެވެ.
"ޓްރިސްޓް" ނަމަކަށް ކިޔާ މި ރެސްޓޯރެންޓް ހުންނަނީ ހުޅުމާލޭ ހަތްތަރި މާޓު ގޯޅި ތެރޭގައި، ބީޗް ކްލަބް ކައިރީގައެވެ.
މި ރެސްޓޯރެންޓް ހުޅުވުމަށް ބޭއްވި ރަސްމިއްޔާތަށްފަހު ރާއްޖެ އެމްވީއަށް މައުލޫމާތުދެމުން ޓްރިސްޓް ރެސްޓޯރެންޓުގެ ޓީމުން ބުނީ މި ރެސްޓޯރެންޓަކީ އާއިލާތަކަށް ޚާއްސަކޮށް، ކުދި ބޮޑު އެންމެންނަށްވެސް ވަދެވޭގޮތަށް ފަރުމާކޮށްފައިވާ ރެސްޓޯރެންޓެއް ކަމުގައެވެ. އެގޮތުން އާއިލާތަކަށް ޚާއްސަ ޕެކޭޖުތަކެއް އެ ރެސްޓޯރެންޓުގައި ހުންނާނެ ކަމަށާއި އަދި ހުރިހާ އުމުރެއްގެ މީހުންނާވެސް ގުޅޭ ކެއުން ރެސްޓޯރެންޓުން ލިބެން ހުންނާނެ ކަމަށް ބުންޏެވެ.
ޓްރިސްޓު ޓީމުން ބުނީ ދިވެހިން އާންމުކޮށް ކައި އުޅޭ ހުރިހާ ބާވަތެއްގެ ކާނާ އެ ރެސްޓޯރެންޓުން ލިބެން ހުންނާނެ ކަމަށެވެ. އަދި ބޭރު ގައުމުތަކުގެ މީހުންނަށްވެސް އިސްކަންދީގެން ކެއުންތައް ތައްޔާރުކުރާނެ ކަމަށް ބުނެފައިވެއެވެ.
ޓްރިސްޓު ރެސްޓޯރެންޓު ޒީނަތްތެރިކުރުމަށް ކޮށްފައިވާ ހުރިހާ މަސައްކަތަކީވެސް އެ ޓީމުން ކޮށްފައިވާ ބުރަ މަސައްކަތްކަން ފާހަގަކޮށްފައިވެއެވެ. މިތަން ފަރުމާކޮށްފައިވާނީ ރީތިކޮށް ފޮޓޯ ނަގާލެވޭ ގޮތަށް ވީހާވެސް ތަފާތު ގޮތަކަށް ކަމަށް ޓްރިސްޓު ޓީމުން ވަނީ ބުނެފައެވެ.
މީގެ އިތުރުން ޓްރިސްޓު ރެސްޓޯރެންޓުގައި މަސައްކަތްކުރާ 99 އިންސައްތަ މުވައްޒަފުންނަކީ ދިވެހި މުވައްޒަފުންކަން ޓްރިސްޓު ޓީމުން ފާހަގަކޮށްފައިވެއެވެ.
