ޗައިނާއިން ސިނޮފަރމް ވެކްސިނުގެ ދެ މިލިއަން ޑޯޒް ސްރީލަންކާއަށް
6 އޯގަސްޓު 2021 | ހުކުރު 17:23ވެކްސިން ގެނެސްފައިވަނީ ސްރީލަންކަން އެއަރލައިންސްގެ މަތިންދާބޯޓެއްގައި
ލަންކާގައި މިހާތަނަށް ބޭނުންކުރުމުގެ ހުއްދަ ދީފައިވާ ވެކްސިންތަކަކީ ފައިޒާ، ސްޕަޓްނިކް، ކޮވިޝީލްޑް، ސިނޮފަރމް އަދި ސިނޮވެކް ވެކްސިނަށް
ޗައިނާ އިން ސިނޮފަރމްގެ ދެ މިލިއަން ޑޯޒް ވެކްސިން ސްރީލަންކާއަށް ގެންގޮސްފިއެވެ.
ސްރީލަންކާއަށް ވެކްސިންގެ ޑޯޒްތައް ލިބުނީ ހުކުރު ދުވަހުއެވެ. ހުކުރު ދުވަހުގެ ހެނދުނު ވެކްސިންގެ ޑޯޒްތައް ސްރީލަންކާއަށް ގެނެސްފައިވަނީ ސްރީލަންކަން އެއަރލައިންސްގެ ބޯޓެއްގައެވެ.
ސްރީލަންކާ އަށް ސިނޮފަރމްގެ ވެކްސިން ގެނެސްފައިވާއިރު އާބާދީގެ ނިސްބަތުން ދުވާލަކަށް ކޮވިޑް-19 ވެކްސިން އެންމެ ގިނަ އަދަދަކަށް ޖަހަމުންދާ ގައުމުގެ ޖާގަ ސްރީލަންކާ އިން ވަނީ ހޯދާފައެވެ. ލަންކާގައި މިހާތަނަށް ބޭނުންކުރުމުގެ ހުއްދަ ދީފައިވާ ވެކްސިންތަކަކީ ފައިޒާ، ސްޕަޓްނިކް، ކޮވިޝީލްޑް، ސިނޮފަރމް އަދި ސިނޮވެކް ވެކްސިނެވެ.
އިމަރޖެންސީ ހާލަތުގައި ބޭނުން ކުރަން ޗައިނާގެ ސިނޮފަރމް ވެކްސިނަށް ވޯލްޑް ހެލްތު އޯގަނައިޒޭޝަން (ޑަބްލިއުއެޗްއޯ) އިން ހުއްދަ ދީފައިވަނީ މިއަަހަރުގެ މެއި މަހުގެ ތެރޭގައެވެ. ޑަބްލިއުއެޗްއޯއިން ބުނީ ޗައިނާގެ ސިނޮފަރމް ވެކްސިނަކީ ރައްކާތެރި ވެކްސިނެއް ކަމަށް ތަހުލީލުތަކުން ދައްކާ ކަމަށެވެ. މި ތަހުލީލު ތަކުން ކޮވިޑާއި ދެކޮޅަށް ވެކްސިން މަސައްކަތް ކުރާކަން ހާމަވާކަމަށް ޑަބްލިއުއެޗްއޯއިން ބުނެއެވެ.
ރިޕޯޓްތައް ބުނާ ގޮތުން ސިނޮފަރމް ވެކްސިނަކީ 79 އިންސައްތަ ކާމިޔާބު ވެކްސިނެކެވެ. މި ވެކްސިނަކީ ތިން ހަފުތާގެ ދުރުމިނުގައި ދެ ޑޯޒް ޖެހޭ ވެކްސިނެކެވެ.
