މެންބަރު ޖާބިރު މަޖިލިސް ކުރިމަތީގައި އިހުތިޖާޖު ކުރައްވައިފި
3 އޯގަސްޓު 2021 | އަންގާރަ 08:44ކުޑަ ވަގުތު ކޮޅަކަށް އިހުތިޖާޖު ކުރެއްވުމަށްފަހު މެންބަރު ވަނީ އެ ސަރަހައްދު ދޫކޮށް ވަޑައިންފައި
ކާށިދޫ ދާއިރާގެ މެންބަރު އަބްދުﷲ ޖާބިރު
ކާށިދޫ ދާއިރާގެ މެމްބަރު އަބްދުﷲ ޖާބިރު ރައްޔިތުންގެ މަޖިލީހުގެ އިދާރާގެ ކުރިމަތީގައި އިހުތިޖާޖު ކުރައްވައިފިއެވެ.
މެންބަރު މި އިހުތިޖާޖު ކުރައްވާފައިވަނީ އެކަންޏެވެ. މި އިހުތިޖާޖު ހުއްޓުވުމަށް މެންބަރުގެ އަނބިކަނބަލުން ދިޔާނާ ސައީދު ވަނީ އެ ސަރަހައްދުގައި ހަރަކާތްތެރިވެފައެވެ. ނަމަވެސް މެންބަރު ވަނީ ދިޔާނާ ވެސް އެ ސަރަހައްދު ދޫކޮށް ދިޔުމަށް ތަކުރާރުކޮށް ވިދާޅުވެ އަޑުގަދަ ކުރައްވާފައެވެ.
އެންމެ ފުރަތަމަ ކޮޅަށް ހުރެ އިހުތިޖާޖު ކުރެއްވުމަށްފަހު މެންބަރު ވަނީ މަޖިލިސްކުރާގޭގެ ގޭޓު ކުރިމަތީގައި އިށީންދެވަޑައިގެންފައެވެ. އެއަށް ފަހު މެންބަރު ވަނީ އެ ތަނުގައި އޮށޯވެވަޑައިގެން ވެސް އިހުތިޖާޖު ކުރައްވާފައެވެ. ކުޑަ ވަގުތު ކޮޅަކަށް އިހުތިޖާޖު ކުރެއްވުމަށްފަހު މެންބަރު ވަނީ އެ ސަރަހައްދު ދޫކޮށް ވަޑައިގެންފައެވެ.
މެންބަރު އެކަނިމާއެކަނި ކުރެއްވި މި އިހުތިޖާޖުގައި މެންބަރު ޖާބިރު ވަނީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް ރައްޔިތުންގެ މަޖިލީހަށް ހާޒިރުކުރައްވަން ޖެހިވަޑައިގަންނަވާ ކަމަށް ވިދާޅުވެފައެވެ.
