ބަގްދާދުގެ ސަދަރް ސިޓީގައި ޖާނުންފިދާވެ ދިން ހަމަލާގައި 35 މީހުން މަރުވެއްޖެއެވެ.
އަޟްހާ އީދާ ދިމާކޮށްދިންދިން މި ހަމަލާގައި 35 މީހުން މަރުވެ 60ށް ވުރެ ގިނަ މީހުން ޒަޚަމްވެފައިވާ ކަމަށް ފުލުހުންވަނީ ބުނެފައެވެ. ސިއްޙީ އެހީތެރިންނާ ހަވާލާދީ ރޮއިޓަރސްގައި ބުނެފައިވަނީ، ޒަޚަމްވެފައިވާ މީހުންގެ ހާލު ސީރިއަށް ކަމަށެވެ. އެހެންކަމުން މަރުވާ މީހުންގެ އަދަދު އިތުރުވުން ގާތްކަމަށެވެ.
އިސްލާމިކް ސްޓޭޓުންވަނީ މި ހަމަލާގެ ޒިންމާ ނަގާފައެވެ.
ބޮޑު ވަޒީރު މުސްތަފާ އަލް-ކަދީމީ ވަނީ މި ހަމަލާއާ ގުޅިގެން، ސެކިއުރިޓީ ކޮމާންޑަރުންނާއެކު ޚާއްސަ ބައްދަލުވުމެއް ބާއްވާފައެވެ.
އެޕްރީލްމަހުގެ ތެރޭގައި ކާރު ބޮމެއް ގޮއްވާލައިގެން ސަދަރް ސިޓީގައި ދިން ހަމަލާގެ ޒިންމާ ވެސް އިސްލާމިކް ސްޓޭޓުން ވަނީ ނަގާފައެވެ. އެ ހަމަލާގައި ވެސް 4 މީހުން މަރުވެ 20 މީހުންވަނީ ޒަޚަމްވެފައެވެ. ޖެނުއަރީ މަހުގެތެރޭގައި ދިން ބޮމުގެ ހަމަލާގައި ވެސް 30ށް ވުރެ ގިނަ މީހުން ވަނީ މަރުވެފައެވެ. މި ހަމަލާގެ ޒިންމާ ވެސް އިސްލާމިކް ސްޓޭޓުންވަނީ ނަގާފައެވެ.
