ޖުލައި 18ން 27ށް ސަރުކާރު ބަންދު
މި ދެ ދުވަސް ސަރުކާރު ބަންދު ދުވަހުގެ ގޮތުގައި ކަނޑައަޅާފައިވަނީ ޗުއްޓީގައި ތިބި މީހުންނަށް ފަސޭހަ ކުރުމަށް
ރައީސުލްޖުމްހޫރިއްޔާގެ އޮފީސް - މި ދެ ދުވަސް ބަންދު ކުރުމާ ގުޅިގެން ޖުމްލަ 10 ދުވަސް ބަންދު ދުވަސްތަކުގެ ގޮތުގައި ލިބޭނެ
ޖުލައި މަހުގެ 18 ވާ އާދިއްތަ ދުވަހާ 25 ވާ އާދިއްތަ އަކީ ސަރުކާރު ބަންދު ދުވަހެއްގެ ގޮތުގައި ކަނޑައަޅާފައިވަނީ ޗުއްޓީގައި ތިބި މީހުންނަށް ފަސޭހަކުރުމަށް ކަމަށް ރައީސް އޮފީހުން ބުނެފިއެވެ.
މި ހިނގާ ޖުލައި މަހުގެ 19 ވާ ހޯމަ ދުވަހަކީ ހައްޖު ދުވަހަށް ވުމާއެކު އެއީ ވެސް ސަރުކާރު ބަންދު ދުވަހެކެވެ. އަދި އަޟްހާ އީދާ ގުޅިގެން ޖުލައި 20 ވަނަ ދުވަހުން ފެށިގެން 23ގެ ނިޔަލަށް ސަރުކާރު ވަނީ ބަންދު ކޮށްފައެވެ. މީގެ އިތުރުން 26 ޖުލައި އަކީ މިނިވަން ދުވަސް ކަމަށް ވުމާއެކު އެއީ ވެސް ސަރުކާރު ބަންދު ދުވަހެކެވެ. އަދި ޖުލައި މަހުގެ 27 ސަރުކާރު ބަންދު ކޮށްފައިވަނީ މިނިވަން ދުވަހުގެ މުނާސަބަތާ ގުޅިގެންނެެވެ.
ސަރުކާރުން މި ދެ ދުވަސް ބަންދު ކުރުމާ ގުޅިގެން ޖުމްލަ 10 ދުވަސް ބަންދު ދުވަސްތަކުގެ ގޮތުގައި ލިބޭނެއެވެ. ކޮވިޑްގެ ކޭސްތައް މަދުވެ ރަށްރަށަށް ދަތުރުކުރުމުގައި ލުއިތައް ދިނުމުން ގިނަ އަދަދެއްގެ ބަޔަކު ދަނީ ޗުއްޓީ ހޭދަކުރުމަށް ރަށްރަށަށް ދަތުރުކުރަމުންނެނެވެ.
ނަމަވެސް ކޮވިޑް-19 ފެތުރުން މަދުވުމާގުޅިގެން ލުއިތައް ދެވިފައިވާ މި ދަނޑިވަޅުގައި އާންމު ދިރިއުޅުމުގައާއި، އެކިއެކި ޚިދުމަތްތައް ހޯދުމާއި ފޯރުކޮށްދިނުމުގައާއި، ދަތުރުފަތުރު ކުރުމުގައި ކޮވިޑް-19އިން ރައްކާތެރިވުމުގެ ފިޔަވަޅުތަކަށް ސަމާލުކަން ދިނުމަށް އެޗްޕީއޭއިން ވަނީ އިލްތިމާސްކޮށްފައެވެ.
އަދި ޚާއްސަގޮތެއްގައި ޗުއްޓީ ހޭދަކުރުމަށް ތަންތަނަށް ދަތުރުކުރުމުގައާއި އީދުގެ ހަރަކާތްތައް ކުރިއަށްގެންދިއުމުގައި ޚާއްސަ ސަމާލުކަމެއް ދިނުމަށް ވަނީ އަންގާފައެވެ. އީދު ފާހަގަކުރުމުގެ ހުއްދަ ލިބިފައިވީނަމަވެސް ބަލި ފެތުރުނަ ނުދިނުމަށް ސަމާލުވުމަށް އިލްތިމާސްކޮށް ނެރުނު އިއުލާނެއްގައި އެޗްޕީއޭއިން ވަނީ އެންމެންގެ ރައްކާތެރިކަމަށްޓަކައި އެކަށައަޅަންޖެހޭ ފިޔަވަޅުތަކެއް ވެސް ހިމަނާފައެވެ.
