ހައްޖަށް ދާން ހައްޖު ކޯޕަރޭޝަނަށް ދައްކާ ފައިސާ އިން ޒަކާތް ދޭން ޖެހޭނީ އެ ކޯޕަރޭޝަނުން - ފަތުވާ
މި މައްސަލަ އާއި ގުޅޭގޮތުން ފަތުވާ އެއް ނެެރެފައި މި ވަނީ އިސްލާމީ ފަތުވާދޭ އެންމެ މަތީ މަޖިލީހުން ނެރުނު 32 ނަމްބަރު ފަތުވާގަ
ދިވެހި ހައްޖާޖީން
ޙައްޖަށް ދިއުމަށް އާއްމުން، މޯލްޑިވްސް ޙައްޖު ކޯޕަރޭޝަން ލިމިޓެޑަށް ދައްކާ ފައިސާއިން ޒަކާތް ދޭން ޖެހޭނީ، މޯލްޑިވްސް ޙައްޖު ކޯޕަރޭޝަނުން ކަމަށް އިސްލާމީ ފަތުވާދޭ އެންމެ މަތީ މަޖިލީހުން ބުނެފިއެވެ.
މި މައްސަލަ އާއި ގުޅޭގޮތުން ފަތުވާ އެއް ނެެރެފައި މި ވަނީ އިސްލާމީ ފަތުވާދޭ އެންމެ މަތީ މަޖިލީހުން ނެރުނު 32 ނަމްބަރު ފަތުވާގައެވެ. މި ފަތުވާ ނެރެފައި ވަނީ 8 ޖުލައިގައެވެ.
މޯލްޑިވްސް ޙައްޖު ކޯޕަރޭޝަން ލިމިޓެޑަށް ޙައްޖަށް ދިއުމަށް ދައްކާ ފައިސާއިން ޒަކާތް ދިނުމާ ގުޅޭގޮތުން އެ މަޖިލީހަށް ވަނީ މައްސަލަ އެއް ހުށަހަޅަފައެވެ. އެ މައްސަލަ އާއި ގުޅޭގޮތުން އެ މަޖިލީހުން ބުނީ މޯލްޑިވްސް ޙައްޖު ކޯޕަރޭޝަން ލިމިޓެޑުން މިމަޖިލީހަށް ދީފައިވާ މަޢުލޫމާތުގެ އަލީގައި މަޖިލީހުގެ މެންބަރުން އެ މައްސަލަ ދިރާސާކުރުމަށް ފަހު ގޮތެއް ނިންމާފައިވާ ކަމަށެވެ.
އެ ގޮތުން އެ މަޖިލީހުން ނިންމާފައިވަނީ ޢާންމު ރައްޔިތުން ޙައްޖަށް ދިއުމަށް މޯލްޑިވްސް ޙައްޖު ކޯޕަރޭޝަން ލިމިޓެޑަށް ދައްކާ ފައިސާއިން ޒަކާތް ދައްކަން ޖެހޭނީ މޯލްޑިވްސް ޙައްޖު ކޯޕަރޭޝަން ލިމިޓެޑުން ކަމުގައެވެ.
