އެމެރިކާގެ ކުރީގެ ދިފާއީ ވަޒީރު އަވަހާރަވެއްޖެ
30 ޖޫން 2021 | ބުދަ 21:51އަވަހާރަވިއިރު އުމުރުފުޅަކީ 88 އަހަރު
ޑޮނާލްޑް ރަމްސްފެލްޑް / އެމެރިކާގެ ކުރީގެ ދިފާއީ ވަޒީރު | ރޮއިޓަރސް
އެމެރިކާގެ ކުރީގެ ދިފާއީ ވަޒީރު ޑޮނާލްޑް ރަމްސްފެލްޑް އަވަހާރަވެއްޖެއެވެ.
އަވަހާރަވިއިރު އުމުރުފުޅަކީ 88 އަހަރެވެ. އަވަހާރަވިކަން އާއިލާގެ ފަރާތުން ހާމަކުރީ ބުދަދުވަހުއެވެ.
ރަމްސްފެލްޑަކީ ޖޯޖް ޑަބްލިޔު ބުޝްގެ ވެރިކަމުގައި ދިފާއީ ވަޒީރުުކަން ކުރެއްވި ބޭފުޅެކެވެ. ސެޕްޓެމްބަރު 11ގެ ހާދިސާއާ ގުޅިގެން އަފްޣާނިސްތާނަށް ސިފައިން ފޮނުވައި ހަނގުރާމް ފަށާފައިވަނީ ރަމްސްފެލްޑްގެ ބެލުމުގެ ދަށުންނެވެ، އޭގެ ފަހުން 2003ވަނަ އަހަރު ކުރި އިރާގު ހަނގުރާމަ ފެށުމަށްވެސް އިސްދައުރެއް އަދާކުރެއްވިއެވެ.
މަގާމުން އިސްތިއުފާ ދެއްވީ 2006ވަނަ އަހަރުއެވެ. މަގާމާ ހަވާލުވެވަޑައިގަތީ 2001ވަނަ އަހަރުއެވެ. އޭގެ ކުރިން ރައީސް ފޯރޑްގެ ދައުރުގައިވެސް ދިފާއީ ވަޒީރުކަން ކުރެއްވިއެވެ.
