އަމިއްލަ ދަތުރުފުޅެއްގައި ރައީސް ދުބާއީއަށް ފުރާވަޑައިގެންފި
ރައީސްގެ މި ދަތުރުފުޅަކީ ކޮއްކޯފުޅު އަލްހާފިޒް އަހުމަދު މުހައްމަދު ސާލިހު އަވަހާރަވުމާ ގުޅިގެން ކުރައްވާ ދަތުރުފުޅެއް
ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު
އަމިއްލަ ދަތުރުފުޅެއްގައި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ދުބާއީއަށް ފުރާވަޑައިގެންފިއެވެ.
ރައީސްގެ މި ދަތުރުފުޅަކީ ކޮއްކޯފުޅު އަލްހާފިޒް އަހުމަދު މުހައްމަދު ސާލިހު އަވަހާރަވުމާ ގުޅިގެން ކުރައްވާ ދަތުރުފުޅެކެވެ.
ރާއްޖެ އެމްވީއަށް މައުލޫމާތު ލިބިފައިވާގޮތުގައި އަލްހާފިޒް އަހުމަދު މުހައްމަދު ސާލިހު އަވަހާރަވީ ކުއްލިގޮތަކަށް ހާޓް އެޓޭކެއް ޖެހިގެން ފަރުވާދެމުން ގެންދަނިކޮށެވެ. އަވަހާރަވީ ޔުނައިޓެޑް އަރަބް އެމިރޭޓްސްގެ ދުބާއީގައި ހުންނަވަނިކޮށެވެ. އަވަހާރަވި އިރު އުމުރުފުޅަކީ 57 އަހަރެވެ.
އަލްހާފިޒް އަހުމަދު މުހައްމަދު ސާލިހު ނުވަތަ އާއްމު ނަމުން ނަމަ އަހުމަދުބެ އަކީ ރައީސް ސާލިހުގެ ހަގަށް އެ އާއިލާގައި ތިއްބެވި 8 ބޭފުޅުންގެ ތެރެއިން ބޭފުޅެކެވެ. އެއީ ލޯފަން ބޭފުޅެކެވެ. ރައީސް ސާލިހުގެ އާއިލާގައި އެއްބަނޑު އެއްބަފާ 12 ބޭފުޅުން ތިއްބަވައެވެ.
މައުލޫމާތު ލިބިފައިވާ ގޮތުގައި އަހުމަދުބެ އަވަހާރަވީ ކެންސަރުގެ އާލާސްކަންފުޅަކަށް ފަރުވާ ހޯއްދަވަމުން ގެންދަވަނިކޮށެވެ.
ރައީސް ސާލިހު އަނބުރާ ރާއްޖެ ވަޑައިންނެވުމަށް ހަމަޖެހިފައިވަނީ 23 ޖޫން ވާ ބުދަ ދުވަހުގައެވެ.
