މިސަރުކާރަކުން އެއަރޕޯޓް ވިއްކާކަށް ނޫޅޭ، ވިއްކާފައި ވަނީ ޔާމީން ސަރުކާރުން

މި ސަރުކާރަކުން އެއަރޕޯޓް ވިއްކާކަށް ނޫޅޭކަމަށާއި، މިހާތަނަށް އައިއިރު މިކަންކޮށް އެއަރޕޯޓް ވިއްކާފައި ވަނީ ކުރީގެ ރައީސް ޔާމީން ސަރުކާރުންކަމަށް މިނިސްޓަރ އޮފް އިކޮނޮމިކް ޑިވެލޮޕްމަންޓް ފައްޔާޟް އިސްމާޢީލް ވިދާޅުވެއްޖެއެވެ.

މިނިސްޓަރު ފައްޔާޟް މިހެން ވިދާޅުވީ ބޭރުގެ ފަރާތްތަކަށް އެއަރޕޯޓް ހިންގޭ ގޮތަށް ފޮރިން ޑައިރެކްޓް އިންވެސްޓްމަންޓް ޕޮލިސީ (އެފްޑީއައި) އިސްލާހުކޮށް އަމަލުކުރަން ފެށިއިރު، އެ ޕޮލިސީގައި އެއަރ ޓްރެފިކް ކޮންޓްރޯލް ވެސް އިންވެސްޓުކުރާ ބޭރުގެ ކުންފުންޏަށް ލިބޭތީ އާންމުން ފާޅުކުރަމުންދާ ކަންބޮޑުވުންތަކަށް ޖަވާބުދެއްވަމުންނެވެ.

ހޯމަ ދުވަހުގެ ރޭ ބޭއްވި ނޫސްވެރިންގެ ބައްދަލުވުމުގައި މިނިސްޓަރ ފައްޔާޟް ވިދާޅުވީ ރީޖަނަލް އެއާޕޯޓު، ކުންފުނީގެ ނުވަތަ ރާއްޖޭގެ އެއާޕޯޓެއްގެ އެއްވެސް ހިއްސާއެއް ވިއްކާލުމުގެ އެއްވެސް ޝައުގުވެރިކަމެއް ވެސް، ވިސްނުމެއް ވެސް ހުވަފަނެއް ވެސް ނެތް ކަމަށެވެ.

މިނިސްޓަރ ވަނީ މިއީ އެމަނިކުފާނު ހުވަފެނުގައިވެސް ދެކެފައިވާ ކަމެއްވެސް ނޫންކަމަށް ވިދާޅުވެފައެެވެ. އިންޑިއާގެ ޖީއެމްއާރްގެ ވަކީލަކަށް އެމަނިކުފާނު ކުރިން ހުރުމާއި މި ސަރުކާރުން ކުރާ ކަމަކާއި ގުޅުމެއް ނޯންނާނެ ކަމަށާއި އެގޮތުން ރާއްޖޭގެ އެއްވެސް އެއަރޕޯޓެއް އިންޑިއާ އަށް ވެސް އަދި ބޭރުގެ އެހެން ގައުމެއްގެ އަމިއްލަ ކުންފުންޏަކަށް ވެސް ދިނުމުގެ ވިސްނުމެއް ނެތް ކަމަށް ފައްޔާޒު ވިދާޅުވިއެވެ.

ނޫސްވެރިންގެ ބައްދަލުވުމުގައި ވާގަކަދައްކަވަމުން މިނިސްޓަރ ވަނީ މިހާރު ހިންގާ ހުރިހާ އެއަރޕޯޓެއްވެސް ހިންގަމުންދަނީ ގެއްލުމުގައިކަމަށް ވިދާޅުވެފައެވެ.

ޕްރަވަޓައިޒްކުރުމަކީ ކާމިޔާބު ސިޔާސަތެއްކަން ކޫއްޑޫ އެއަރޕޯޓްމިހާރު ހިނގަމުންދާ ގޮތުން ހާމަވާކަން ސާބިތުވާކަން ހާމަކުރެއްވިއެވެ. މި އެއަރޕޯޓް ކާމިޔާބުކަމާއެކު ހިންގަމުންދާއިރު، އެއަރޕޯޓް ހިންގުމަށް ސަރުކާރުން އެއްވެސް ޚަރަދެއްކުރަންނުޖެހޭކަން ފާހަގަކުރެއްވިއެވެ.

2014 ވަނަ އަހަރު މި އެއަރޕޯޓްގެ 100 އިންސައްތަ ހިންގުން ކިއޮންގް ހޮންގް ކޮންސްޓްރަކްޝަން ޕްރައިވެޓް ލިބިޓެޑަށް ކުންފަޏަކާ ހަވާލުކުރީ މިދިޔަ ސަރުކާރުންކަމަށް ވިދާޅުވިއެވެ. މީގެ އިތުރުން މާފަރު އެއަރޕޯޓް ތަރައްގީކުރުމުގެ އެއްބަސްބުމުގައި 2017 ވަނަ އަހަރު އަބޫދާބީ ފަންޑް ފޯރ ޑިވެލޮޕްމަންޓަށް ދީފައިވުމުން މިކަމަށް މި ސަރުކާރަށް ބަދަލުގެނެވެން ނެތްކަމުގައި ވިދާޅުވިއެވެ.

މި ސަރުކާރުން ވެރިކަމަށް އައިސް މިދިޔަ ސަރުކާރުން މިގޮތަށް ހަދާފައިވާ ބައެއް އެއްބަސްވުންތައް އުވާލުމަށް މަސައްކަތްކުރިކަން ފާހަގަކުރައްވައި މިނިސްޓަރ ފައްޔާޒްވަނީ ބައެއް ޕްރޮޖެކްޓްތައް ހުއްޓުވިފައިވާކަމަށް ވިދާޅުވެފައެވެ.

އެގޮތުން 2017 ވަނަ އަހަރު އިކޮނޮމިކް މިނިސްޓްރީން އިންޑިއާގެ ކުންފުންޏެއް ކަމަށްވާ "އޮލިއާލާ އިންޑިއާ ލިމިޓެޑް" ކިޔާ ކުންފުންޏަކަށް ށ.އަތޮޅުގައި އިންޓަނޭޝަނަލް އެއާޕޯޓެއް އެޅުމަށް ހުއްދަ ބާތިލުކޮށްފައިވާކަމަށެވެ.