ގެޒެޓްކުރާ ލިޔުމެއްގެ އަކުރެއް އިިދިކޮޅުން އަނބުރާލާނެ ގޮތާމެދު ވިސްނާނެ ވަގުތެއް ނޯވޭ- ފައްޔާޟް
ސަރުކާރުން ޑީލް ކުރާނީ މުޅިއެތި އަނބުރާ ނިމުމުން
ފައްޔާޟް އިސްމާޢީލް، އިކޮނޮމިކް މިނިސްޓަރ- އެފްޑީއައި ޕޮލިސީއާ ގުޅޭގޮތުން ހުރި ކަންބޮޑުވުންތަކަށް ޖަވާބު ދެއްވުމަށް ބޭއްވި މީޑިއާ ބްރީފިން ތެރެއިން
ޕޮލިސީ ގެޒެޓްކުރަނީ އޭގައި އޮންނަ އަކުރެއް، ފިއްޔެއް އިދިކޮޅުން އަނބުރާނީ ކިހިނެތްތޯ ބައްލަވާފައި ނޫން ކަމަށް އިކޮނޮމިކް މިނިސްޓަރ ފައްޔާޟް އިސްމާޢީލް ވިދާޅުވެއްޖެއެވެ.
އެފްޑީއައި ޕޮލިސީއަށް ގެނައި އިސްލާހު ގެޒެޓް ކުރުމާއެކު ގިނަ ބައެއްގެ ފާޑު ކިޔުންތައް އަމާޒުވި ފާޑުކިޔުންތަކަށް ރައްދު ދެއްވައި މިނިސްޓަރ ވިދާޅުވީ، ގައުުމު ހިންގުމަށާއި، ރައްޔިތުންނަށް ވެފައިވާ ވައުދު ފުއްދަން މަސައްކަތް ކުރާއިރު އަކުރެއް، ފިއްޔެއް އިދިކޮޅުން އަނބުރާނީ ކިހިނެތްތޯ ނުބައްލަވާ ކަމަށާއި، އެކަމަށް ވަގުތެއްވެސް ނޯންނަ ކަމަށެވެ. އަދި ސަރުކާރުން އެއަރ ޑީލް ކުރާނީ މުޅިއެތި އަނބުރާ ނިމުމުން ކަމަށެވެ.
މިނިސްޓަރ ވިދާޅުވީ ކަންކަން ނިންމަނީ ސިޔާސަތުތަކާމެދު ވިސްނަވާފައި ކަމަށެވެ.
އަދި އެއިރެއްގެ ސަރުކާރުން އިންވެސްޓްމެންޓްތަކުގައި ގެންނަ ބަދަލުތަކާއި، ހިއްސާއަށް ގެންނަ ބަދަލަކީ، އެއިރެއްގެ ހުންނަ މިނިސްޓަރެއްގެ ބޮލުތެރޭގައި އޮންނަ ކަމެއްކަމަށެވެ. އެހެންނަމަވެސް މި ސަރުކާރުން އެ ސިޔާސަތުތައް ދެފުށް ފެންނަގޮތަށް، ރައްޔިތުންނަށް ފެންނާނެ ގޮތަށް ހާމަކުރި ކަމަށެވެ.
ރީޖަނަލް އެއަރޕޯޓް ކުންފުނި އަދި އެއްވެސް އެއަރޕޯޓެއް މިސަރުކާރުން ބަޔަކަށް ވިއްކާލުން، ނުވަތަ ދިނުމުގެ އެއްވެސް ޝައުގުވެރިކަމެއް ނެތްކަމަށް މިނިސްޓަރ ވިދާޅުވިއެވެ. އަދި ޖީއެމްއާރްގެ ވަކީލަކަށް އުޅުއްވުމާ ސަރުކާރުގެ ކަންކަމާ ގުޅުމެއް ނެތްކަމަށްވެސް ވިދާޅުވިއެވެ.
ދެއަހަރުބައި ވެގެންދިޔައިރު، ކޮވިޑްގެ މިހާލަތާއެކުވެސް ކަންކަން ކުރިޔަށްދާ ކަމަށާއި، ރައްޔިތުންނަށް ވެފައިވާ ވައުދު ފުއްދަވަމުން އަންނަ ކަމަށެވެ. ޓާރމް ނިންމާލައްވާނީ ވެފައިވާ ވައުދުތައް ފުއްދަވާފައިކަމަށެވެ. ކޮވިޑްގެ ސަބަބުން މިވެއްޓިފައި އޮތް އަނދަވަޅުން އެެރޭނެ ކަމަށް އުންމީދު ކުރައްވާކަމަށް ވެސް މިނސްޓަރ ވިދާޅުވިއެވެ.
