ކޮވިޑް-19 އެމަޖެންސީ އިންކަމް ސަޕޯޓް ޕްރޮޖެކްޓްގެ ދަށުން އަމިއްލަ މަސައްކަތް ކުރާ 700ށްވުރެ ގިނަ ފާރާތްތަކަށް ފައިސާ ދޫކޮށްފި
ބައެއް ފޯމްތައް ވަނީ ޕްރޮސެސް ކުރެވެމުން
ސަރުކާރުގެ ގިނަ އޮފީސްތަކެއް ހިންގަމުންދާ ވެލާނާގެ
ކޮވިޑް-19 އެމެޖެންސީ އިންކަމް ސަޕޯޓް ޕްރޮޖެކްޓުގެ ދަށުން، އަމިއްލަ މަސައްކަތް ކުރާ 700 އަށްވުރެ ގިނަ ފާރާތްތަކަށް ފައިސާ ދޫކުރެވިފައިވާ ކަމަށް އިކޮނޮމިކް މިނިސްޓްރީން ބުނެފިއެވެ.
އިކޮނޮމިކް މިނިސްޓްރީން ބުނީ ވޯލްޑްބޭންކްއާ ގުޅިގެން ހިންގަމުންދާ ކޮވިޑް-19 އެމެޖެންސީ އިންކަމް ސަޕޯޓް ޕްރޮޖެކްޓްގެ ދަށުން، އަމިއްލަ މަސައްކަތް ކުރާ ފަރާތްތަކަށް ޚާއްސަކޮށްގެން ކުރިއަށްގެންދާ އެހީތެރިކަން ފޯރުކޮށްދިނުމުގެ ޕްރޮގްރާމުގެ ތެރެއިން 700 އަށްވުރެ ގިނަ ފާރާތްތަކަށް މިހާރު ފައިސާ ދޫކުރެވިފައިވާ ކަމަށެވެ. އަދި ބާކީ ހުރި އެޕްލިކޭޝަންތައް ދަނީ ޕްރޮސެސް ކުރެވެމުން ކަމަށާއިި، މީގެ ތެރެއިން އިތުރަށް މައުލޫމާތު ހުށަހަޅަންޖެހޭ ފަރާތްތަކަށް އެ މައުލޫމާތު ހުށަހެޅުމަށް ޖޮބް ސެންޓަރ ޕޯޓަލް މެދުވެރިކޮށް އެދިފައިވާ ކަމަށް މިނިސްޓްރީން ބުނެއެވެ.
އިކޮނޮމިކް މިނިސްޓްރީން ބުނީ އެދިފައިވާ މައުލޫމާތާއި ލިޔެކިޔުންތައް 26 އޮކްޓޫބަރު 2023 ވާ ހޯމަ ދުވަހުގެ ނިޔަލަށް ހުށަހަޅަންޖެހޭ ކަމަށެވެ. އަދި މައުލޫމާތު ހުށަހަޅާނީ ޖޮބް ސެންޓަރ ޕޯޓަލް (https://jobcenter.mv/en/jobseeker/program-applications)މެދުވެރިކޮށް އޮންލައިން ކޮށް ކަމަށް މިނިސްޓްރީން ބުނެއެވެ.
މީގެ އިތުރުން އިކޮނޮމިކް މިނިސްޓްރީން ބުނީ މިކަމާ ގުޅިގެން އެއްވެސް މައުލޫމާތެއް ބޭނުންވާނަމަ 1500 ގުޅުމަށް ނުވަތަ support@jobcenter.mv އަށް އީމެއިލް ކުރެވުމަށް އެދޭ ކަމަށެވެ. ޕްރޮގްރާމާ ގުޅޭގޮތުން މައުލޫމާތު ހޯއްދުމަށް މިނިސްޓްރީގެ ޖޮބް ސެންޓަރ (https://jobcenter.mv/) އަށް ޒިޔާރަތް ކުރުމަށް އެދިފައިވެއެވެ.
