ޗީފް އޮފް ޑިފެންސް ފޯހާއި ވައިސް ޗީފް އޮފް ޑިފެންސް ފޯސް ކޮމިޓީއަށް ހާޒިރުކުރަނީ

ޗީފް އޮފް ޑިފެންސް ފޯސް އަދި ވައިސް ޗީފް އޮފް ޑިފެންސް ފޯސް ރައްޔިތުންގެ މަޖިލީހުގެ 241 ކޮމިޓީއަށް ހާޒިރުކުރަން ނިންމައިފިއެވެ.

ޗީފް އޮފް ޑިފެންސް ފޯސް އާއި ވައިސް ޗީފް އޮފް ޑިފެންސް ފޯސް 241 ކޮމިޓީއަށް ހާޒިރު ކުރަން ނިންމިއިރު ޑިފެންސް މިނިސްޓަރ މާރިޔާ ހާޒިރެއް ނުކުރެއެވެ. މިކަމާ ގުޅޭގޮތުން 241 ކޮމިޓީގެ މުގައްރިރު މުހައްމަދު އަސްލަމަށް ގުޅާލުމުން އެކަން ދޮގެއްވެސް ނުކުރައްވައެވެެ.

Advertisement

މަޖިލީހުގެ 241 ކޮމެޓީއަށް ޖަވާބުދާރީ ވާނީ މުއައްސަސާއިން ކަމަށް އެމްއެންޑީއެފްއިން ބުނުމުން ކޮމެޓީއިން ހަދަމުންދާ އިންކުއަރީއަށް މައުލޫމާތު ސާފުކުރުމަށް، ޗީފް އޮފް ޑިފެންސް ފޯސް މޭޖަރ ޖެނެރަލް އަބްދުﷲ ޝަމާލް އާއި ވައިސް ޗީފް އޮފް ޑިފެންސް ފޯސް ބްރިގޭޑިއަރ ޖެނެރަލް އަބްދުއްރަހީމް އަބްދުއްލަތީފް ހާޒިރުވާން އަންގައިފިކަމަށް އޮންލައިން މީޑިއާއެއްގައިވަނީ ރިޕޯޓް ކޮށްފައެވެ. އެގޮތަށް ރިޕޯޓު ކޮށްފައިވާތީ، މުއައްސަސާގެ ނަމުގައި ޑިފެންސް މިނިސްޓަރު ހާޒިރު ނުކުރަނީތޯ 241 ކޮމެޓީގެ މުގައްރިރު ހިތަދޫ އުތުރު ދާއިރާގެ މެމްބަރު މުހައްމަދު އަސްލަމާ ރާއްޖެއެމްވީން ސުވާލު ކުރުމުން އެއަށް ސީދާ ޖަވާބެއް ނުދެއްވިއެވެ. ވިދާޅުވީ، އިންކުއަރީއާއި ގުޅޭ އެއްވެސް މައުލޫމާތެއް ވަކިން މީޑިއާތަކަށް ކޮމިޓީގެ އެއްވެސް މެންބަރަކު ނުދިނުމަށް ކޮމިޓީން ނިންމާފައިވާކަމަށެވެ. މައުލޫމާތެއް ހާމަކުރާނަމަ ހާމަކުރާނީ މުޅި ކޮމިޓީން ނިންމުމަށްފަހުގައި ކަމަށެވެ.

ޗީފްއޮފް ޑިފެންސް ފޯސްއާއި ވައިސް ޗީފް އޮފް ޑިފެންސް ފޯސް ހާޒިރުވާން އެންގިތޯ ދެންނެވުމުން އެކަން ދޮގު ކުރައްވާފައެއް ނުވެއެވެ. ސުވާލުގެ ސީދާ ޖަވާބެއް ނުދެއްވިއެވެ.

މަޖިލީހުން ކުރިއަށްގެންދާ އިންކުއަރީއާ ގުޅިގެން ވަކި ވަކި ސިފައިން މަޖިލީހަށް ހާޒިރުކޮށް ސުވާލު ނުކުރެވޭނެ ކަމަށް އަސްކަރިއްޔާއިންވަނީ ބުނެފައެވެ. އެކަމުގައި މަޖިލީހަށް ޖަވާބުދާރީވާނީ މުއައްސަސާއިން ކަމަށް ބަޔާނުގައި ބުނެފައިވެއެވެ.

މިކަމަށް ރައްދުދެއްވައި ހުކުރު ދުވަހު މަޖިލީހުގެ ރަީސް ކުރެއްވި ޓްވީޓްގައި ވިދާޅުވެފައިވަނީ، ބޮން ގޮއްވި ވަގުތު އެމަނިކުފާނު އަރިހުގައި ތިބި މީހުންގެ ބަސް ނުހޯދުމަކީ ބޮޑު ބޭއިންސާފެއް ކަމަށެވެ.