ލ. އިސްދޫ ބަނދަރުގެ އެއްގަމު ތޮށިލުމުގެ މަސައްކަތް ނިންމާލައިފި
މި މމަސައްކަތުގެ 85 އިންސައްތަ މަސައްކަތް ވަނީ ނިމިފައި
ލ. އިސްދޫ ބަނދަރުގެ މަސައްކަތް ދަނީ ކުރަމުން
ލ. އިސްދޫ ބަނދަރު ތަރައްޤީކުރުމުގެ މަޝްރޫޢުގެ ދަށުން އެއްގަމުތޮށި ލުމުގެ މަސައްކަތް ނިންމާލައފިއެވެ.
މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢުއަކީ 34.7 މިލިއަން ރުފިޔާގެ މަޝްރޫޢެކެވެ. މި މަސައްކަތުގެ 85 އިންސައްތަ މަސައްކަތް ނިމިފައިވާކަމަށް އެމްޓީސީސީއިން ބުނެއެވެ. މި މަޝްރޫޢުގެ ދަށުން، 27،129 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރާނެއެވެ. އަދި 230 މީޓަރުގެ ސަރަޙައްދެއްގައި އެއްގަމު ތޮށި ލައި 208 މީޓަރުގެ ސަރަޙައްދެއްގައި ބޭރު ތޮށި ލާގޮތަށް ވެސް ވަނީ ހަމަޖެހިފައެވެ.
އިސްދޫ ބަނދަރުގައި ރިވެޓްމަންޓް ޖެހުމަށް ހަމަޖެހިފައި ވަނީ 98 މީޓަރުގެ ސަރަޙައްދެއްގައެވެ. މީގެ އިތުރުން، ބަނދަރު ބައްތި ހަރުކުރުމަކީ ވެސް ހަމަ މި މަޝްރޫޢުތެރޭގައި ކުރާނެ ކަމެކެވެ. 1،560 އަކަ މީޓަރު ސަރަޙައްދެއްގައި ޕޭވްމަންޓް ހެދުން މި މަސައްކަތުގެ ތެރޭގައި ހިމެނެއެވެ.
މި މަޝްރޫޢު މޮބިލައިޒް ކުރެވިފައިވަނީ 04 އޯގަސްޓް 2020 ގައެވެ.
