އިދިކޮޅު ލީޑަރު އަބްދުއްރަހީމް ކޮވިޑަށް ޕޮޒިޓިވްވެއްޖެ
21 މެއި 2021 | ހުކުރު 14:49އަބްދުއްރަހީމް ކޮވިޑަށް ޕޮޒިޓިވްވީ ބުރާސްފަތި ދުވަހުގެރޭ
އިދިކޮޅު ކޯލިޝަނުގެ ލީޑަރު އަބްދުއްރަހީމް އަބްދުﷲ
އިދިކޮޅު ކޯލިޝަން ހިންގުމާއި ހަވާލުވެ ހުންނެވި، އަބްދުއްރަހީމް އަބްދުﷲ އާއި އޭނާގެ އަނބިކަނބަލުން ކޮވިޑް-19ށް ޕޮޒިޓިވްވެއްޖެއެވެ.
ރާއްޖެއެމްވީއަށް އެނގިފައިވާ ގޮތުން އަބްދުއްރަހީމް އާއި އޭނާގެ އަނބިކަނބަލުން ކޮވިޑަށް ޕޮޒިޓިވްވިކަން ބުރާސްފަތި ދުވަހުގެރޭ އެނގުމާއިއެކު، މިހާރު ހުންނެވީ ހޯމް ކަރަންޓީނުގައެވެ. އަބްދުއްރަހީމަކީ ހިތުގެ މައްސަލައެއް ހުންނާތީ ޕޭސްމޭކާ ލައްވާފައި ހުންނަ ބޭފުޅެކެވެ. އެހެންވެ އަބްދުއްރަހީމަކީ ބަލީގައި ހައި ރިސްކު ކެޓަގަރީގައި ހިމެނޭ ބޭފުޅެކެވެ.
ރާއްޖެއެމްވީއަށް އެނގިފައިވާ ގޮތުން އަބްދުއްރަހީމާއި އޭނާގެ އަނބިކަނބަލުން ދިޔާނާ ހުސައިންގެ ހާލުކޮޅުވެސް މިވަގުތު ރަނގަޅެވެ.
އިދިކޮޅު ލީޑަރު އަބްދުއްރަހީމް ފާހަގަކޮށްލެވެނީ އެޗްޕީއޭގެ ގައިޑްލައިންތަކާއި ޚިލާފަށް އިދިކޮޅު ކޯލިޝަނުން ބާއްވާ އެއްވުންތަކުގައި އިސްކޮށް ހުންނަވާ ބޭފުޅެއްގެ ގޮތުގައެވެ.
