މިރޭ 7 ޖަހާއިރު ރައީސް ސާލިހު ގައުމާ މުޚާތަބު ކުރައްވާނެ
އައު ކައުންސިލަރުން ހުވާކުރީ މިމަހުގެ 17 ވީ ހޯމަ ދުވަހު
ރައީސް އިބްރާހީމް މުހައްމަދު ސާލިހް
ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު މިރޭ 7 ޖަހާއިރު ގައުމާ މުޚާތަބުކުރައްވާނެ ކަމަށް ރައީސް އޮފީހުން ބުނެފިއެވެ.
ރައީސް އޮފީހުން ބުނީ ރައީސް ގައުމާ މުޛޚާތަބު ކުރައްވަނީ ލޯކަލް ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެމްބަރުން ހުވާކުރުމާ ގުޅިގެން ކަމަށެވެ. ރައީސްގެ ވާހަކަފުޅު ރާއްޖޭގެ ހުރިހާ މީޑިއާއަކުން ލައިވްކޮށް ދުރަށް ދައްކަން ހަމަޖެހިފައިވާ ކަމަށް ވެސް ބުނެފައިވެއެވެ.
މިދިޔަ އޭޕްރިލް މަހުގެ 10 ވަނަ ދުވަހު ބޭއްވި ލޯކަލް ކައުންސިލް އަދި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ އިންތިހާބުގައި ހޮވުނު އައު ކައުންސިލަރުން ހުވާކުރުމުގެ ރަސްމިއްޔާތު ބާއްވާފައި ވަނީ މި މަހުގެ 17 ވީ ހޯމަ ދުވަހުއެވެ. މާލެ ސަރަހައްދުގެ ކައުންސިލަރުންނާއި މޭޔަރުގެ އިތުރުން އަތޮޅުތެރޭގެ ރަށްރަށުގައި ވެސް ކައުންސިލަރުން ވަނީ ހުވާކޮށްފައެވެ. މާލެ ހިމެނޭ ގޮތުން ގިނަ ރަށްރަށުގައި އެކަންކުރީ އޮންލައިންކޮށެވެ.
ކައުންސިލްތަކުގެ ހަތަރު ވަނަ ދައުރު އިންތިޚާބުކޮށް ހުވާކޮށްފައިވާއިރު، މި ދައުރަކީ މިދިޔަ އަހަރު އިންތިޚާބުކުރަން ޖެހޭ ދައުރެކެވެ. އެކަމަކު ކޮވިޑް-19 ގެ ސަބަބުން އިންތިޚާބު ފަސްކޮށް، ކައުންސިލަރުން އިންތިޚާބުކޮށްފައި މިވަނީ މިއަހަރުއެވެ.
