Advertisement
ކ. މާލެ
|
30 އޯގަސްޓް 2025 | ހޮނިހިރު 22:09
މީޑިއާ ކޮންޓްރޯލް ކުރާ ބިލާއި ދެކޮޅަށް ނޫސްވެރިން ކުރިޔަށް ގެންދިޔަ އިހުތިޖާޖުގެ ތެރެއިން: ސަރުކާރުން މީޑިއާ ކޮންޓްރޯލް ކުރަން އުޅޭ އުޅުން ބައިނަލްއަޤުވާމީ ޖަމްޢިއްޔާތަކުން ވަނީ ކުއްވެރިކޮށްފަ
މީޑިއާ ކޮންޓްރޯލް ކުރާ ބިލާއި ދެކޮޅަށް ނޫސްވެރިން ކުރިޔަށް ގެންދިޔަ އިހުތިޖާޖުގެ ތެރެއިން: ސަރުކާރުން މީޑިއާ ކޮންޓްރޯލް ކުރަން އުޅޭ އުޅުން ބައިނަލްއަޤުވާމީ ޖަމްޢިއްޔާތަކުން ވަނީ ކުއްވެރިކޮށްފަ
ރާއްޖެއެމްވީ
މީޑިއާ ކޮންޓްރޯލް ބިލު
"މީޑިއާ ކޮންޓްރޯލް" ބިލު ބޭރުކޮށްލަން ރިޕޯޓަރސް ވިތައުޓް ބޯޑަރސް އިން ވެސް ގޮވާލައިފި
މިނިވަން މީޑިއާ ކޮންޓްރޯލް ކުރުމަށް ސަރުކާރުން ހުށަހަޅާފައިވާ ބިލު ބޭރުކޮށްލުމަށް ރިޕޯޓަރސް ވިތައުޓް ބޯޑަރސް އިން ގޮވާލީ ހޮނިހިރު ދުވަހު
ކޯޓު އަމުރަކާ ނުލައި މީޑިއާ އޮފީސްތަކަށް ފުލުހުންނަށް ވަދެވޭގޮތަށް އޮތުމާއެކު އެކަމާމެދު އާރްއެސްއެފްއިން ކަންބޮޑުވުން ފާޅުކުރި
ބިލާ ދެކޮޅަށް ރާއްޖޭގެ ނޫސްވެރިންނާއި ޖަމިއްޔާތަކުން އަޑުއުފުލަމުންދާއިރު ބަންޑާރަ ނައިބު ވިދާޅުވަނީ ބިލު ބޭރުކުރަން ޖެހޭ ސަބަބެއް ނެތްކަމަށް

މިނިވަން މީޑިއާ ކޮންޓްރޯލް ކުރުމަށް ސަރުކާރުހެ ހީލަތްތެރި ރޭވުމުގެ ދަށުން ރައްޔިތުންގެ މަޖިލީހަށް ހުށަހަޅާފައިވާ ބިލު ބޭރުކޮށްލަން ރިޕޯޓަރސް ވިތައުޓް ބޯޑަރސް (އާރުއެސްއެފް) އިން ވެސް ގޮވާލައިފި އެވެ.

އާރުއެސްއެފް އިން މިގޮތަށް ގޮވާލީ އެ ޖަމްޢިއްޔާއިން ނެރުނު ބަޔާނެއްގައި އެވެ.

އެ ޖަމިއްޔާއިން ނެރުނު ބަޔާނުގައި ބުނީ އެ ބިލަކީ ރާއްޖޭގެ ނޫސްވެރިން އަދި ނޫސްވެރިކަމުގެ ޖަމިއްޔާތަކާއި މުއައްސަސާތަކުގެ މަޝްވަރާއެއް ނެތި ފަރުމާކޮށް ހުށަހެޅި ބިލެއްކަމަށެވެ. އަދި އެ ބިލުގެ ސަބަބުން ރާއްޖޭގެ ޑިމޮކްރަސީއަށް ސީދާ ގޮތުން ނުރައްކާވާ ކަމަށް ވެސް އެ ބަޔާނުގައި ވަނީ ބުނެފަ އެވެ.

ރިޕޯޓަރސް ވިތައުޓް ބޯޑަރސް ގެ ދެކުނު އޭޝިއާ ޑެސްކުގެ ހެޑް ސީލިއާ މާސިއާ ވިދާޅުވީ މަޖިލީހަށް ހުށަހަޅާފައި އޮތް މީޑިއާ ކޮންޓްރޯލް ކުރާ މި ބިލަކީ ރާއްޖޭގައި އޮތް ނޫސްވެރިކަމުގެ މިނިވަންކަމަށް ސީދާކޮށް ދެވޭ ހަމަލާއެއް ކަމަށެވެ. އަދި ސަރުކާރުގެ ބާރު އޮންނާނެހެން އުފެދޭ ކޮމިޝަނަކަށް ނުހައްގު އެތައް ބާރެއް ދިނުމުން ހިތްވަރު ލިބިގެންދާނީ ސެންސާޝިޕަށް ކަމަށް ވެސް އޭނާ ވިދާޅުވި އެވެ.

މިހާރު ހުށަހަޅާފައި އޮތް ބިލު ފާސްވެއްޖެ ނަމަ، ކޯޓު އަމުރަކާ ނުލައި ޓީވީ ޗެނަލްތަކާއި ނޫސްތަކުގެ އޮފީސްތަކަށް ފުލުހުންނަށް ވަނުމުގެ ބާރު ލިބިގެންދާއިރު، އެކަމާމެދު ވެސް އާރުއެސްއެފް އިން ކަންބޮޑުވުން ފާޅު ކުރި އެވެ.

ކަންމިހެން އޮތުމާއި އެކު މަޖިލީހާއި ސަރުކާރަށް އެ ޖަމިއްޔާއިން ގޮވާލީ މީޑިއާތަކުގެ މިނިވަން އަދި ސެލްފް ރެގިއުލޭޓަރީ ނިޒާމެއް ގާއިމުކުރުމަށެވެ.

އާރުއެސްއެފް ގެ އިތުރުން، ކޮމިޓީ ޓު ޕްރޮޓެކްޓް ޖަރނަލިސްޓްސް (ސީޕީޖޭ) އަދި ނޫސްވެރިންގެ ހައްގުތަކަށް ވަކާލާތުކުރާ ބައިނަލްއަގްވާމީ ޖަމިއްޔާ އިންޓަނޭޝަނަލް ފެޑެރޭޝަން އޮފް ޖަރނަލިސްޓްސް (އައިއެފްޖޭ) އިން ވެސް ވަނީ ގޮވާލައިފަ އެވެ.

މީޑިއާ ކޮންޓްރޯލް ކުރާ ބިލުގައި ބުނެފައި ވަނީ ބިލަށް އަމަލު ކުރަން ފެށުމާއެކު މޯލްޑިވްސް މީޑިއާ އެންޑް ބްރޯޑްކާސްޓިންގ ކޮމިޝަނުގެ ނަމުގައި ކޮމިޝަނެއް އުފައްދަންޖެހޭ ކަމަށެވެ. އެ ކޮމިޝަން އުފެދުމުން މޯލްޑިވްސް ބްރޯޑްކާސްޓިންގ ކޮމިޝަނާއި މޯލްޑިވްސް މީޑިއާ ކައުންސިލް އުވޭނެ އެވެ.

މީޑިއާ އެންޑް ބްރޯޑްކާސްޓިންގ ކޮމިޝަނުގައި ތިބޭނީ ހަތް މެންބަރުން ކަމަށް ބިލުގައި ބުނެފައިވާއިރު، އޭގެ ތެރެއިން ތިން މެންބަރުންނަކީ ރައީސުލްޖުމްހޫރިއްޔާ އައްޔަން ކުރާ މެންބަރުންނެވެ. އަނެއް ހަތަރު މެންބަރުންނަކީ މީޑިއާތަކުގެ ފަރާތުން އިންތިހާބު ކުރާ މެންބަރުންނެވެ.

މި ބިލު ބޭރުކޮށްލަން ރާއްޖޭގެ ނޫސްވެރިންނާއި ޖަމިއްޔާތަކުން އަދި ސިޔާސީ ޕާޓީތަކުން ދަނީ ގޮވާލާ އަޑުއުފުލަމުންނެވެ. އެހެން ނަމަވެސް މި ސަރުކާރުގެ ބަންޑާރަ ނައިބު އަހުމަދު އުޝާމް ވިދާޅުވީ އެ ބިލު ބޭރުކޮށްލަން ޖެހޭ ސަބަބެއް ނެތް ކަމަށެވެ.

ބަންޑާރަ ނައިބު އަހުމަދު އުޝާމް މިހެން ވިދާޅުވީ، މޯލްޑިވްސް ޖަރނަލިސްޓު އެސޯސިއޭޝަން (އެމްޖޭއޭ) އިން ރައީސް މުހައްމަދު މުއިއްޒުއާ ބައްދަލުކުރައްވައި ބިލު އިސްލާހުކުރުމުގެ ބަދަލުގައި އެ ބިލު ބޭރުކޮށްލަން ބޭނުންވާ ކަމަށް ނޫސްވެރިން ޑިމާންޑު ކުރި ފަހުން ރައީސް އޮފީހުގައި ނޫސްވެރިންނާ ބައްދަލުކުރައްވަމުންނެވެ.

- ކޮމެންޓް