ހުކުރު ދުވަހުގެ ރޭ މާލޭގައި ހިނގި އެކްސިޑެންޓެއްގައި ކުރީގެ ހެލްތު މިނިސްޓަރު އަބްދުﷲ އަމީންގެ ބައްޕަ، އަހުމަދު މަނިކު އަށް ލިބުނު ޒަހަމްތަކަށް ފަރުވާ ދެމުން ދަނިކޮށް ނިޔާވެއްޖެއެވެ.

އައިޖީއެމްއެޗްގެ އައިސީޔޫގައި ފަރުވާ ދެމުން ދަނިކޮށް އުމުރުން 74 އަހަރުގެ އަހުމަދު މަނިކު ނިޔާވީ ރޭ ދަންވަރުއެވެ.

އަހުމަދު މަނިކުގެ ކަށުނަމާދު އޮންނާނީ މިއަދު އަސްރު ނަމާދަށް ފަހު ސަހަރާ މިސްކިތުގައެވެ.

ނިޔާވިއިރު، އޭނާގެ އަންހެނުންނާއި ހަތަރު ދަރިން ދުނިޔޭގައި އެބަ ތިއްބެވެ. އެއީ، އަމީންގެ އިތުރުން ޖަޕާންގައި ހުންނަ ރާއްޖޭގެ ޑެޕިއުޓީ އެމްބެސެޑަރު އަދި ރައްޔިތުންގެ މަޖިލީހުގެ ކުރީގެ މެމްބަރު މުހައްމަދު އަމީތު ވެސް ބައްޕަ އެވެ. އަދި އިތުރު ފިރިހެން ދަރިޔަކާއި އަންހެން ދަރިއެއް ހުރެއެވެ.