ރައީސް ނަޝީދުގެ ކާރުކޮޅު ކައިރީގައި އެއްޗެއް ގޮއްވާލުން

ގޮހޮރުގެ ސާޖަރީ އަށް ފަހު ސީޓީއަކަށް ބަދަލުކުރަން ތައްޔާރުވިއިރު، އަތާއި ފައިގަ ހުރި ދަގަނޑުކޮޅުތައް ނެގުމުގެ މަސައްކަތްތައް ކުރިއަށްދިޔައެވެ.

ވާތު އުޅަބޮއްޓާއި، ފަލަމަސްގަނޑު ކަކުލު ހުޅުގައި ވެސް ރޭޒަރ ފުށްތައް ހުއްޓެވެ. ދަގަނޑުކޮޅުތަކުގެ އިތުރުން ވެސް ޕްލާސްޓިކް ކޮޅުތަކާއި، އެ ނޫން ވެސް ފޮރިން އިބްޖެކްޓްސް ހުއްޓެވެ.

އެއްޗެހި ވަދެފައި ހުރީ ވާތުން ހަށިގަނޑު ތެރެއަށެވެ. ފަލަމަސްގަނޑަށް ވަދެފައި ހުރި އެއްޗެހި ފޫއަޅާފައެއް ނެތެވެ. ކަކުލާއި އުޅަބޮއްޓަށް އެރި ދެ ދަގަނޑުކޮޅު އިނީ ކަށިގަނޑު ތެރޭގައި ތާށިވެފައެވެ.

ލޭ މަނާކުރުމަށް ފަހު ފުއްޕާމޭގެ އިންޖަރީ އަށް ފަރުވާދިނުމަށް ފަހު، ދެން ފަރުވާ ދިނީ ބަނޑުގައި ހުރި މައްސަލަ ތަކަށެވެ. އޭރު ބަނޑުގައި ސީޓީ އަށް ދައްކާ ވަރުގެ ތިން ދަގަނޑުކޮޅު އިނެވެ.

އެތެރެ ބެލުމުން ފާހަގަވީ ބަނޑުގެ މަސްގަނޑު ފޫއަޅާލާފައި ގޮސްފައިވާ ކަމަށެވެ. އެހިސާބުން މަސްގަނޑު ހުޅުވާފައި ބަނޑުތެރެ އެކީ ބަލަން ޖެހުނު ކަމަށާއި، ބަނޑުގައި 600-700މލ ގެ ލޭ ހުރި ކަމަށް ވިދާޅުވިއެވެ.

ބަނޑު ފޫއަޅާފައި ހަތަރު ތަނެއް އިން ކަމަށާއި ލިވާ ގައި ވެސް ފޫއަޅާފައި އިން ތަންކޮޅެއް އިން ކަމަށް ވިދާޅުވިއެވެ. އަދި ސްކޭންކޮށްގެން ލިވާ ތެރޭގައި އިން ލޭޒަރ ފުށް ނެގި ކަމަށް ވިދާޅުވިއެވެ.

ފުއްޕާމޭ ކައިރިގައި އިން ދަގަނޑުކޮޅު ވަދެފައި ހިތާ ގާތްގަނޑަކަށް އެއް ސެންޓިމީޓަރު ކައިރީގައި ކަމަށާއި، އޭގެ ސަބަބުން ފުރާނައަށް ގެއްލުންވުމުގެ ފުރުސަތު ވަރަށް ބޮޑުވި ކަމަށް ޑރ. ވިދާޅުވިއެވެ. އެ ވަދެ ނިކުމެފައި އިން އެގްޒިޓް ވުންޑެއް ވެސް އިން ކަމަށާއި، އޭގެ ސަބަބުން ރިބް ކޭޖް ގެ ބައެއްވެސް ފުނޑުފުނޑުވެފައިވާ ކަމަށެވެ.

އޭގެ އިތުރުން ވެސް އެހިސާބުގައި ގާތްގަނޑަކަށް 7 ވަރަކަށް އިންޖަރީ ހުރި ކަމަށާއި އޭގެ ސަބަބުން ފުރާނައަށް ގެއްލުން ނެތް ކަމަށް ވިދާޅުވިއެވެ.

ރައީސް ނަޝީދުގެ ފުލް ބޮޑީ ސްކްރީންއަށް ބަލާއިރު، ހަށިގަނޑަށް ބޭރުން ލިބިފައި ހުރި އަނިޔާތަކުގެ އިތުރަށް އެތެރއަށް ދަގަނޑުކޮޅު ކޮޅު ގަޔަށް ވަދެފައިވެއެވެ. އޭޗެއްހި ހުރީ ވަށްކޮށެވެ.

އޭގެ އެތިކޮޅެއް ފުއްޕާމެއަށް ވަދެފައި ވުމުން ވަގުތުން އިސްނެގީ އެކަމަށް ފަރުވާ ދިނުމަށެވެ.

އޭގެ އިތުރުން ވެސް ހަންގަނޑު ތެރެއިން ޕްލާސްޓިކް ކޮޅު ކޮޅުވެސް ކަފައިގެން ވަދެފައި ހުއްޓެވެ.

ތިއޭޓަރުގައި ފުރަތަމަ ކުރީ ވަގުތީ ގޮތުން ލޭ މަނާކުރުމުގެ މަސައްކަތެވެ. އެގޮތުން ފުރަތަމަ އެންމެ ބޮޑަށް ލޭ އަންނަ ތަންތަނުން ލޭ މަނާކުރީއެވެ.

އަދި އޭގެ ފަހުން ދެން ސީޓީ ސްކޭނެއް ހަދައި އެތެރޭގެ ގެއްލުންތައް ބެލީއެވެ.

ރައީސް ނަޝީދު ހޮސްޕިޓަލްއަށް ގެނައި އިރު، ހޭ ހުރި ކަމަށާއި، ވާހަކަވެސް ދައްކާ ކަމަށް ވިދާޅުވިއެވެ.

ގައިގެ އެކި ތަންތަނުން ވަރަށް ބޮޑަށް ލޭ އަންނާތީ ވަގުތުން އޮޕަރޭޝަން ތިއޭޓަރަށް ގެންދެވުނެވެ. އަދި އޮޕަރޭޝަންއަކަށް ދާން ޖެހިދާނެތީ އެއާވޭ ކްލީންކޮށް، އިންކިއުބޭޓް ކުރިއެވެ.

ތިއޭޓަރަށް ގެންދިޔައީ އެމަޖަންސީ ރޫމްއަށް ގެނައިތާ 10 މިނެޓު ތެރޭގައެވެ.

ރައީސް ނަޝީދަށް ފުރަތަމަ ރެސްޕޮންސް ކުރި ޓީމުގައި ޑރ. ނިޔާފް ހިމެނިވަޑައިގަންނަވައެވެ.

އަލިކިލޭގެފާނު މަގަށް ލަބާލާއިރު ވާތް ފަރާތަށް އިންނަ ގަދަފެހި ގެއާ ޖެހިގެން އިންނަ ގޯޅިން މީހަކު ހައްޔަރުކޮށްފިއެވެ. ފުލުހުންގެ ބެލުމުގެ ދަށަށް އެމީހާ ގެންދިޔައީ މޫނު ނިވާ ކޮށްގެންނެވެ. މީގެ އިތުރުން ސައިކަލެއް ވެސް ވަނީ ފުލުހުން ގެންގޮސްފައެވެ. އެސަރަހައްދުގައި ފުލުހުން މިހާރު ދަނީ ހަރަކާތްތެރިވަމުންނެވެ.

ޝަމާލް ވިދާޅުވީ ގޮއްވާލީ ޓައިމް ކޮށްފައި އޮތް އެއްޗެއް ނޫން ކަމަށެވެ. އަދި އެއީ ރިމޯޓް ކޮންޓްރޯލްޑް އެއްޗެއް ކަމަށެވެ. 2007ގައި ސަލްޓަން ޕާކުގައި ގޮއްވާލި އެއްޗަށް ވުރެ މީގެ ބާރު ގަދަ ކަމަށް ވިދާޅުވިއެވެ. އަދި އޭގެ ތެރޭގައި ރޭޒަރ ފުށް ލާފައި ހުރި ކަމަށާއި، އެއި ހަމަލާ ވަރުގަދަކުރުމަށް ކުރާ ކަމެއް ކަމަށް ވިދާޅުވިއެވެ. އަދި އެއީ ހޯމް ބޭސްޑް އެއްޗެއް ކަމަށް ވިދާޅުވިއެވެ.

އޭގައި ބޭނުންކޮށްފައި ހުރި މެޓީރިއަލްއަކީ ޑޮމެސްޓިކް ބޭނުންތަކަށް ވެސް ބޭނުންކުރެވޭ އެއްޗެހި ކަމަށާއި، އަދި އެއީ ސީދާ ކޮންކޮން މެޓީރިއަލްއެއް ކަން ދަންނަވަން ދަތި ކަމަށް ވިދާޅުވިއެވެ. ޝަމާލް ވިދާޅުވީ އޭގައި ބޭނުންކުރި މެޓީރިއަލް އަށް ވުރެ އެކަން ކުރަން އެނގޭ އެކަމުގެ ތަޖުރިބާ ހުރި މީހުން ޜާއްޖޭގައި އުޅުމަކީ މާ ކަންބޮޑުވެވަޑައިގަންނަވާ ކަމެއް ކަމަށެވެ. އެގޮތުން ދިވެހިން ހަނގުރާމަތަކުގައި ވެސް ބައިވެރިވަމުންދާތީ އެކަންކަމާ ކަންބޮޑުވެވަޑައިގަންނަވާ ކަމަށް ވިދާޅުވިއެވެ.

އެކަމަކީ "އެތެރޭގެ" ކަމެއް ކަމަށް ބައެއް ބޭފުޅުން ތުހުމަތުކުރާއިރު އެފަދަ އެއްވެސް ކަމެއް މީގެ ތެރޭގައި އޮން ކަމަށް ގަބޫލުނުކުރައްވާ ކަމަށް ވިދާޅުވިއެވެ. އަދި އެފަދަ ކަމެއް ނުހިނގާނެ ކަމުގެ ޔަގީންކަން އަރުވާ ކަމަށާއި، މިހާރުގެ ތަހުގީގުތަކަށް އެފަދަ އެއްވެސް ކަމެއް އެނގިފައި ނުވާ ކަމަށް ވެސް ވިދާޅުވިއެވެ.

އިތުރު ހަތިޔާރުތައް ވެސް އިޝޫ ކުރެވިފައިވާ ކަމަށާއި، މުޅި ރާއްޖޭގެ ހިސާބުތަކުން އެކަން ރިޕޯޓުކޮށްފައިވާ ކަމަށް ވިދާޅުވިއެވެ.

އެތަނުގައި އިުރު ޑިވައިސްއެއް އޮތްކަމުގެ މައުލޫމާތު ލިބި އެ ތަން އިވެކުއޭޓްކުރުމަށާއި، އެ ނައްތާލާނެ ޓީމްތައް އެތަނަށް ދިޔަ ކަމަށް ވިދާޅުވިއެވެ. އެކަމަކު އެތަނަށް ދިޔައިރު އެއީ، ދޮގު މައުލޫމާތެއް ކަން އެނގުނު ކަމަށާއި، އިތުރު އެއްޗެއް ނެތް ކަމަށް ވިދާޅުވިއެވެ.

އެކަމަކު އެފަދަ ހަމަލާތަކަކީ އާންމުކޮށް އެކި ސަރަހައްދުތަކުން އެއްފަހަރާ ދޭ ހަމަލާތަކެއް ކަމުން ވަގުތުން ވަގުތަށް އެއަށް އެޓެންޑްވެފައިވާނެ ކަމަށް ވިދާޅުވިއެވެ.

އެތަނުން ސައިކަލުތައް ނަގައިދިނުމަށް އެދި ކަމާ ބެހޭ އިދާރާތަކުގައި މީގެ ކުރިން ވެސް އެދިފައިވާނެ ކަމަށް ވިދާޅުވިއެވެ. ޝަމާލް ވިދާޅުވީ އިއްޔެގެ ހާދިސާ ހިނގައިގެން ދިޔައީ އެކަމަށް ހައްލު ނުލިބި އޮއްވާ ކަމަށާއި، އެ މަނިކުފާނަކި ހައި ރިސްކު ބޭފުޅެއްކަން އެނގި ތިބެ އެ މަނިކުފާނުގެ ސަލާމަތީ ކަންކަން ވަރުގަދަ ކުރުމަށް އެމްއެންޑީއެފް އިން އަބަދުމެ މަސައްކަތްކުރަމުން އަންނަ ކަމަށް ވިދާޅުވިއެވެ.

ޝަމާލް ވިދާޅުވީ ރައީސް ނަޝީދަކީ އެންމެ މަތީގެ ސެކިއުރިޓީ އަބަދުވެސް ލިބޭ އެއް ބޭފުޅެއް ކަމަށެވެ. އެގޮތުން ސީޕީ ޓީމުން އެމަނިކުފާނާއި އެކު ހަރަކާތްތެރިވަނީ ހުއްދަ ހަތިޔާރުތަކާ އެކު ކަމަށާއި، އެކަން އެހެން ކުރަނީ ރައީސް ނަޝީދަށް ހުރި ތްރެޓްތަކުގެ މައުލޫމާތު އަބަދުވެސް ލިބޭތީ ކަމަށް ވިދާޅުވިއެވެ.

ޝަމާލް ވިދާޅުވީ އެމަނިކުފާނަށް ސެކއިުރިތޫގެ އެކި ފަށަލަތައް ގާއިމްކޮށްގެން ސެކިއުރިޓީ ދެމުންދާ ކަމަށެވެ.

އެ ހާލަތުގައި ގެންދަމުން ވެސް ސީޕީ ޓީމުން ބާރާބަރަށް އެމަނިކުފާނުގެ ހާލު ބެލި ކަމަށާއި، އޭރު ވެސް އެމަނިކުފާނު ހާލު ރަނގަޅު ކަމަށް ވިދާޅުވަމުން ގެންދެވި ކަމަށް ވިދާޅުވިއެވެ.

ބޮޑީގާޑުންނަށް އެވަރަށް އަނިޔާވަމުން ދިޔައިރު ވެސް ރައީސް ނަޝީދަށް ފަރުވާ ފެށުމުން ނޫނީ އެ ބޭފުޅުން ފަރުވާ ހޯދުމަށް ވަޑައިނުގަންނަވާ ކަމަށް ވިދާޅުވިއެވެ.

މުޅި ހާލަތުގައި ވެސް އެޖެންޓުންގެ ޑްރިލްތައް ވަރަށް ރަނގަޅު ކަމަށާއި، ވަރަށް ބޮޑަށް ހިންހަމަޖެހިވަޑައިގަންނަވާ ކަމަށް ވިދާޅުވިއެވެ.

އެ ގޮއްވުން ގޮއްވާލީ ރައީސް ނަޝީދު ކާރަށް އަރުއްވަނިކޮށް ކަމަށާއި، އޭރު އެއް އެޖެންޓު ދޮރު ހުޅުވައި އަނެއް އެޖެންޓު ކަނާތް ފަރާތައް ޖެހިލީ ކާރަށް އެރާވަޑައިގަތުމަށް ޖާގަ ދެއްކުމަށް ކަމަށެވެ.

އަދި އޭގެ ފަހުން އެމަނިކުފާނު ވެއްޓިވަޑައިގަތުމުން ނަގައިގެން ކާރަށް އަރުވައި ދުއްވާލަން އުޅުމުން ކާރު ނުދުވުމުން، ދެން އޮތް ބެކަޕް ކާރަށް ބަދަލުކުރީ ބޮޑީގާޑުން އެމަނިކުފާނު އުފުއްލަވައިގެން ކަމަށް ވިދާޅުވިއެވެ. އަދި 7 މިނެޓު ތެރޭގައި އޭޑީކޭއަށް ގެންދެވުނު ކަމަށް ވިދާޅުވިއެވެ.

ޝަމާލް ވިދާޅުވީ އެ ގޮވުމުގެ މައިގަނޑު ޑްރާސްޓް އެފެކްޓް ހުރީ ހުރި ދިމާ މައްޗަށް ކަމަށާއި، އެ ގޮވީ އެ ސައިކަލު ފަހަނައަޅައި، ކާރަށް ގާތްވަނިކޮށް ކަމަށެވެ.

ރޭގަ އެހެން ރަށެއްގައި އޮތް ހަފްލާއެއްގައި ބައިވެރިވަޑައިގަތުމަށް ރައިސް ނުކުމެވަޑައިގެންނެވީ 8:25 ވީ އިރު ކަމަށް ވިދާޅުވިއެވެ.

އޭރު ގާތުގައި ބޮޑީގާޑުން ތިއްބެވި ކަމަށާއި، ކެނެރީގެއިން ނިކުމެވަޑައިގެން ވަޑައިގެންނެވީ މަޖީދީ މަގާ ދިމާލަށް ކަމަށް ވިދާޅުވިއެވެ. އޭރު ފަހަތުގައި އަދި ކުރީގައި ވެސް ސެކިއުރީ ބޭފުޅުން ތިއްބެވި ކަމަށް ވިދާޅުވިއެވެ.

ކާރުކޮޅު އޮތީ މަޖީދިމަގުގައި އިރަށް ޕާކުކޮށްފައި ކަމަށާއި، ވަޑައިގެންނެވި އިރު 8:27ހާއިރު ގޮއްވާލީ ކަންމަތީގައި އިން ސައިކަލެއްގައި އިން އިމްޕްރޮވައިސްޑް އެކްސްޕްލޯސިވް ޑިވައިސްއެއްގައި ކަމަށް ވިދާޅުވިއެވެ.

އެ ހާދިސާގައި ތިން ބޮޑީގާޑުންނަށް ވެސް ވަރަށް ބޮޑަށް އަނިޔާވި ކަމަށް ވިދާޅުވިއެވެ.

އެއީ ޓެރަރިސްޓް އެޓޭކްއެއް ކަމަށް ޝަމާލް ވިދާޅުވިއެވެ. އަދި އެ އަމަލު ކުރި ބަޔަކު ގާނޫނުގެ ކުރިމައްޗަށް ގެނައުމަށް ފަސްޖެހިވަޑައި ނުގަންނަވާނެ ކަމަށް ވިދާޅުވިއެވެ.

ބޮޑީގާޑުންގެ ވާހަކައިން އެ ޓައިމްލައިން އެނގުނު އިރު އެ ބޭފުޅުންގެ މަސައްކަތަށް ހައިރާންވެވަޑައިގަންނަވާ ކަމަށާއި، 10 މިނެޓު ވެސް ނުވަނީސް ރައީސް ނަޝީދު އެމަޖެންސީއަށް ވެއްދުނު އިރު އެ ހާލުގައި ވެސް އެމަނިކުފާނުގެ ހާލުކޮޅު އަހައި އޮޅުން ފިލުވަމުން ދިޔަ ކަމަށް ވިދާޅުވިއެވެ.

އަދި އެވަގުތު ވެސް އެ ހާލުގައި އޮންނަވައިގެން ވެސް ހާލުކޮޅު ރަނގަޅު ކަމަށް ރައީސް ނަޝީދު ވިދާޅުވަމުން ގެންދިޔަ ކަމަށް ވެސް ވިދާޅުވިއެވެ.

ގޮވި އެއްޗެއްގެ ސަބަބުން ބޮޑީގާޑުންނަށް ވެސް އެކިވަރުގެ އަނިޔާވި އިރުވެސް އަމިއްލަ ފުރާނައަށް ނުބަލައި، ގައުމުގެ ވެރިންނާއި ރައްޔިތުންގެ ސަލާމަތަށް އެ ކުރެއްވި މަސައްކަތަކީ އެންމެންގެ ސަމާލުކަމަށް ގެންނަން ޖެހޭ ކަމެއް ކަމަށް ވިދާޅުވިއެވެ.

އެ ހާދިސާއިން ވެސް އެބޭފުޅުންގެ ޓްރެއިނިންގެ ވަރުގަދަކަމާއި މޮޅުކަން ހާމަވާ ކަމަށާއި، އެހެންވީމާ އެ ހާލަތުގައި ބޮޑު އެމަޖަންސީއެއްގައި އަމަލު އެ ކުރެއްވި ގޮތް އެ ބޭފުޅުން ކިޔައިދިނުމުން އެބޭފުޅުންގެ މޮޅުކަން ހާމަވިކަމަށް ވިދާޅުވިއެވެ.

މިނިސްޓަރ މާރިޔާ ވެސް މި ނޫސްވެރިންގެ ބައްދަލުވުމުގައި ބައިވެރިވެވަޑައިގަންނަވައެވެ.

އެފަދަ ކަމެއްގެ އެއްވެސް މައުލޫމާތެއް ލިބޭ ނަމަ އަދި އެފަދަ ކަމެއް ފާހަގަވާ ނަމަ އަވަށް އެމްއެންޑީއެފް އަށާއި، ކަމާ ބެހޭ ހުރިހާ އިދާރާއަކަށް އެންގުމަށް އެކަމަނާ އެދިލެއްވިއެވެ. މިއީ އެންމެން އެކީގައި އެކަން ކުރި ބަޔަކު ހޯދަން މަސައްކަތްކުރަން ޖެހޭ ވަގުތު ކަމަށާއި، ކިތަންމެ ކުޑަ ކަމެކޭ ހީވިޔަސް އެއީ މުހިންމު މައުލޫމާތަކަށް ވެދާނެ ކަމަށް ވިދާޅުވިއެވެ.

ރައީސް ނަޝީދު ހާލުކޮޅުގެ އެއްމެ ފަހުގެ މައުލޫމާތު ރިޔާސަތުން އިއްވެވުމަށްފަހު ޖަލްސ ނިންމަވާލެއްވީ އެމަނިކުފާނަށް އަވަސް ޝިފާއަކަށް އެދިވަޑައިގަންނަވަމުންނެވެ

މަޖިލީހުގެ ޖަލްސާތަކަށް ރައީސް ނަޝީދަށް އެނބުރި ވަޑައިގެންނެވެންދެން މަޖިލީހުގެ މަސައްކަތްތައް ކުރިއަށް ގެންދަވާނެ ކަމަށް އީވާ ވިދާޅުވިއެވެ.

ރައީސް ނަޝީދުގެ ސާޖަރީތައް މިހާރު ނިމިފައިވާކަމަށް ކޮއްކޯފުޅު ނާޒިމް ސައްތާރު ވިދާޅުވެއްޖެއެވެ.

މި ހަމަލާއަކީ އެތެރޭގެ ކަަމެއްތޯ ނުވަތަ ނޫންތޯ އަދި އެނގިފައި ނުވާކަމަށާއި، އެނގިގެން ދާނީ ތަހުގީގަށް ފަހުގައި ކަމަށް ސީޕީ ހަމީދު ވިދާޅުވެއްޖެއެވެ.

ކުއްލި ހާލަތު އިއުލާނު ކުރަންޖެހޭ ހާލަތެއް އޮތްކަމަކަށް ގަބޫލެއް ނުކުރެއްވޭކަމަށާއި އެއީ އެއްވެސް އިތުރު މީހަކަށް ގެއްލުމެއް ނުލިބޭނެގޮތަށް ފިޔަވަޅުތައް ވަރުގަދަ ކުރެވިފައިވާތީ ކަމަށް ސީޕީ ހަމީދު ވިދާޅުވެއްޖެއެވެ.

ޓެރަރިޒަމްގެ ޤާނޫނުގައި ބަޔާންކޮށްފައިވާ މިންގަނޑުތަކަށް ބަލާއިރު، މި ޙަމަލާއަކީ ޓެރަރިސްޓު ޙަމަލާއެއް ކަމަށް ބެލެވޭނެ މިންގަނޑުތަކަށް ފެތޭ ހަމަލާއެއް ކަމަށް އޭސީޕީ ރިޔާޒް ވިދާޅުވެއްޖެއެވެ.

މިހާތަނަށް ހެދުނު އެސެސްމެންޓުތަކުން މިލިޓަރީ ގްރޭޑުގެ އެކްސްޕްލޯސިވްސް ބޭނުންކޮށްފައިވާކަމަށް ނުބެލެވޭ ކަމަށާއި ނަމަވެސް ބޭނުންކޮށްފައިވަނީ މީހަކަށް ބޮޑެތި ގެއްލުމެއް ލިބިދާނެފަދަ އެކްސްޕްލޯސިވްސް ކަމަށް އޭސީޕީ ރިޔާޒް ވިދާޅުވެއްޖެއެވެ.

ހަމަލާގެ ޒިންމާ އެއްވެސް ފަރާތަކުން ރަސްމީކޮށް އުފުލާފައިވާކަން މިހާތަނަށް އެނގިފައި ނުވާކަމަށް ސީޕީ ހަމީދު ވިދާޅުވެއްޖެއެވެ.

މި ޙަމަލާއަށްފަހު ޤައުމީ ސަލާމަތާއި ބެހޭ މަޖިލިސްގެ ބައްދަލުވުމެއް ބޭއްވިފައިވާކަމަށާއި، މި ޙަމަލާގެ ކުރިން އިންޓެލިޖެންސް މައުލޫމާތެއް ލިބިފައިވެތޯ މަޝްވަރާ ކުރެވިފައިވާއިރު، ހަމަލާގެ އެއްވެސް މައުލޫމާތެއް ފުލުހުންގެ އިންޓެލިޖެންސްއަށް ލިބިފައި ނުވާކަމަށް ސީޕީ ހަމީދު ވިދާޅުވެއްޖެއެވެ.

ތަހުގީގާ ގުޅޭ މައުލޫމާތު މިއަދު ހެނދުނު ޕީޖީއާ ހިއްސާކުރެވިފައި ވާކަމަށް ސީޕީ ހަމީދު ވިދާޅުވެއްޖެއެވެ.

މިހާތަނަށް ބެލި ބެލުމުން މިއީ ގަސްތުގައި ރައީސް ނަޝީދުއަށް ދީފައިވާ ހަމަލާއެއް ކަމަށް ފާހަގަކުރެއްވޭ ކަމަށް ސީޕީ ހަމީދު ވިދާޅު ވެއްޖެއެވެ.

ޙަމަލާދިން ސަރަޙައްދުން ޝައްކު ކުރެވޭ ޙަރަކާތްތަކެއް ހުރި ބަޔަކު ފާހަގަ ކުރެވިފައިވާކަމަށާއި، އެފަދަ 4 މީހަކު ފުލުހުންގެ ސަމާލުކަމަށް އައިސްފައިވާ ކަމަށް ސީޕީ ހަމީދު ވިދާޅުވެއްޖެއެވެ.

މި މައްސަލަ ތަހުގީގު ކުރަމުން ދަނީ މިވަގުތު އޮތް އެންމެ ޕްރިއޯރިޓީ ކޭސްގެ ގޮތުގައި ކަމަށް ކޮމިޝަނާ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.