21:30
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ޖަރުމަނަށް ދަތުރު ކުރެއްވި އެއާރ އެންބިއުލާންސްގެ ޚަރަދު ހަމަޖައްސާފައި ވަނީ ޖަރުމަނު ވިލާތުގައި ހުންނަވާ ރާއްޖޭގެ އޮނަރަރީ ކޮންސޫލް މިސްޓަރ ކްރިސްޓިއަން ވޮން ސްޓެޓެން މެދުވެރިކޮށް ކަމަށް ރައްޔިތުންގެ މަޖިލީހުން ވަނީ ބުނެފައެވެ.
މާލޭގައި ދިން ޓެރަރިސްޓް ހަމަލާގައި ރައީސް ނަޝީދަށް ލިބިވަޑައިގެންނެވި ޒަޚަމްތަކަށް އޭޑީކޭގައި ފަރުވާ ހޯއްދެވުމަށް ފަހު ބޭރަށް ފުރާ ވަޑައިގެންނެވީ، ބުރާސްފަތި ދުވަހުގެ ހެނދުނެވެ.
13 މެއި 2021 | ބުރާސްފަތި 21:30
14:13
ރައީސް ނަޝީދަށް އަމާޒުކޮށް ދިން ހަމަލާގައި ލިބިލެއްވި އަނިޔާތަކަށް އިތުރު ފަރުވާ ހޯއްދެވުމަށް މާދަމާ (މެިއ 13)ވަނަ ދުަހުގެ ހެނދުނު ޖަރުމަންވިލާތަށް ފުރާވަޑައިގަންނަވާނެ ކަމަށް އާއިލާއިން ބުނެފިއެވެ.
އެމަނިކުފާނުގެ ހާލުކޮޅު ރަނގަޅުވަމުން އަންނަ ކަމަށާއި، ދިޔާތަކެއްޗާއި، ބައެއް ޚާއްސަ ކެއުންތައް ފަރީކުޅުއްވުމުގެ ހުއްދަ ޑޮކްޓަރުން މިހާރު ދެއްވާފައިވާ ކަމަށްވެސް އާއިލާއިން ބުނެއެވެ.
12 މެއި 2021 | ބުދަ 14:13
19:40
ރައީސް ނަޝީދު އިތުރު ފަރުވާއަށް ޖަރުމަނަށް ވަޑަިއގަންނަވަން ތައްޔާރުވެވަޑައިގަންނަވަމުން އަންނަ ކަމަށް އާއިލާއިން ބުނެފިއެވެ.
ރާއްޖެއެމްވީއާ ވާހަކަ ދައްކަވަމުން ރައިީސް ނަޝީދުގެ ބޭބެ ޑރ. އިބްރާހީމް ނާޝިދު ވިދާޅުވީ، ރައީސް ނަޝީދަށް ލިބިލެއްވި އަނިޔާއަށް އިތުރު ފަރުވާ ހޯއްދެވުމަށް މި މަހުގެ 13 ވަނަ ދުވަހު ޖަރުމަނަށް ވަޑައިގަންނަވަން މިހާރު ތައްޔާރުވަމުން އަންނަ ކަމަށެވެ. އެމަނިކުފާނުގެ ހާލުކޮޅު މިހާރު ރަނގަޅު ވަމުން އަންނަ ކަމަށާއި، އަންގާރަ ދުވަހު އެނދުން ފައިބާ ގޮނޑިކޮޅުގައި އިށީނދެ ވަޑައިގެން އިންނަވާ ކަމުގައެވެ. ހަމައެއާއެކު ޑޮކްޓަރުންގެ ހުއްދައާއެކު މިހާރު ދިޔާތަކެތި ބައްލަވާ ކަމަށް ޑރ. ނާޝިދު ވިދާޅުވިއެވެ.
11 މެއި 2021 | އަންގާރަ 19:40
17:40
މިވަގުތު ފޯކަސްހުރީ ތުހުމަތުކުރެވޭ ފަރާތްތަކުގެ މައްޗަށް ހެއްކާ ޤަރީނާއާއެކު ޝަރީޢަތައް ހުށަހަޅާ އިންސާފު ހޯދުން
މިވަގުތު ފުލުހުންގެ ތަޙުޤީޤުގެ ޕްރައިމަރީ ފޯކަސްހުރީ ތުހުމަތުކުރެވޭ ފަރާތްތަކުގެ މައްޗަށް ހެއްކާ ޤަރީނާއާއެކު ޝަރީޢަތައް ދަޢުވާކުރަން ހުށަހަޅާ އަދުލު އިންސާރު ޤާއިމުކުރުންކަމަށް ފުލުހުން ވަނީ ބުނެފައެވެ. މި އަމާޒަށް ވާސިލުވުމަށް ތަޙުޤީޤަށް ބުރޫނާރާނެވަރަށް ދެފުށްފެންނަގޮތައް މަޢުލޫމާތު ވަގުތުން ވަގުތައް ހާމަކުރަމުންދާނެކަމަށް އޭސީޕީ ރިޔާޒް ވިދާޅުވިއެވެ.
11 މެއި 2021 | އަންގާރަ 17:40
17:34
ޖިނާއީ މައްސަލަތަކުގައި ދައުވާ ހުށަހަޅަން ވަކި ޓައިމްފްރޭމްތަކެއް ދީފައިވާކަން ވަނީ ފުލުހުން ފާހަގަކޮށްފައެވެ. ޚާއްސަކޮށް ޓެރަރިޒަމް ހުއްޓުވުމުގެ ޤާނޫނުގެ ދަށުން މުއްދަތު އިތުރުކުރާނަމަ އެކަންވެސް ކުރާނެ ގޮތް ވަނީ ބަޔާންކޮށްފައެވެ. ހައްޔަރުގައި ތިބި މީހުންނަށް ގޮތް ނިންމުމުގައި މިކަންކަމަށް ރިޢާޔަތްކުރާނެކަމަށް އޭސީޕީ ރިޔާޒް ވިދާޅުވިއެވެ.
މި މައްސަލައަކީ ވަރަށް ގިނަ ކަންކަން ބަލާ ގިނަ ހޯދުންތައް ހޯދަންޖެހޭ މައްސަލައެއްކަމަށް ފުލުހުން ވަނީ ބުނެފައެވެ. އަދި މި މައްސަލައިގައި ކަޑަތުކުރަމުން މިދަނީ ތަޙުޤީޤުގެ "އަރލީ ސްޓޭޖްތައް"ކަމުން ހައްޔަރުކުރެވިފައިވާ މީހުންގެ މައްޗަށް ދަޢުވާކުރެވޭނެ ދުވަހެއް ނޭންގޭކަމަށް ފުލުހުން ބުނެއެވެ.
11 މެއި 2021 | އަންގާރަ 17:34
17:24
ކޮވިޑް ކޮންޓްރޯލްކުރުމާއި ނިރުބަވެރި ޙަމަލާގެ ތަޙުޤީޤުކުރުމަށް ފުލުހުންގެ ހުރިހާ ވަސީލަތްތަކެއް ދަނީ ބޭނުންކުރަމުން
ކޮވިޑް ކޮންޓްރޯލްކުރުމާއި ނިރުބަވެރި ޙަމަލާގެ ތަޙުޤީޤުކުރުމަށް ފުލުހުންގެ ހުރިހާ ވަސީލަތްތަކެއް ދަނީ ބޭނުންކުރަމުންކަމަށް ފުލުހުން ބުނެފިއެވެ. ތަހުޤީޤަށް ބޭނުންވާ ހުރިހާ ވަސީލަތެއް ބޭނުންކުރެވޭނެ އިންތިޒާމު ކޮމިޝަނަރ އޮފް ޕޮލިސް ވަނީ ހަމަޖައްސަވާފައެވެ. އެގޮތުން ކޮވިޑް ކޮންޓްރޯލްކުރުމާއި ނިރުބަވެރި ޙަމަލާގެ ތަޙުޤީޤުކުރުމަށް ފުލުހުންގެ ހުރިހާ ޑިޕާޓްމެންޓްތަކަކުން ދަނީ މަސައްކަތްކުރަމުންނެވެ.
11 މެއި 2021 | އަންގާރަ 17:24
17:12
ތަހުގީގާއި ގުޅިގެން ހޯދޭ ހޯދުންތައް ތަފްސީލީގިތެއްގައި ހާމަކުރަމުން ދާނަން: އޭސީޕީ ރިޔާޒް
ތަހުގީގާއި ގުޅިގެން ހޯދޭ ހޯދުންތައް އެކަށީގެންވާ ގޮތުގައި ތަފްސީލުކޮށް ހާމަކުރަމުންދާނެކަމަށް އޭސީޕީ ރިޔާޒު ވަނީ ވިދާޅުވެފައެވެ. މި މައްސަލަ އެކި އޭންގަލްތަކުން ދަނީ ބަލަމުންނެވެ. އެގޮތުން ރައީސް ނަޝީދު ގެއިން ނުކުމެވަޑައިގެންނެވި ގަޑި އަދުހަމްއަށް އެނގުނު ގޮތް މިބަލަމުންދާކަމަށް ވަނީ ހާމަކޮށްފައެވެ.
11 މެއި 2021 | އަންގާރަ 17:12
17:10
ރޭޒާފުއްތައް ފަދަ ކަމާ ގުޅުން ހުރި އެއްޗެއް ފެނިއްޖެނަމަ ފުލުހުންނަށް އެންގުމަށް އެދިއްޖެ
ގޮއްވާލި ސަރަހައްދުން ވިއްސައިގެން ދިޔަ ރޭޒާ ފުށްތައްފަދަ ކަމާ ގުޅުން ހުރި އެއްޗެއް ފެނިއްޖެނަމަ ފުލުހުން ގާއިމްކޮށްފައިވާ ހޮޓްލައިން 9704000ށް ގުޅައިދިނުމަށް ވަނީ އެދިފައެވެ. މިހާތަނަށް ތަހުގީގު ކުރަމުންދާއިރު ބޮމާ ގުޅޭ ގޮތުން ހިންގަންޖެހޭ ބައެއް ޓެކްނިކަލް އިތުރު އެވެލުއޭޝަން ހެދުމަށްޓަކައި ފުލުހުންނާއި އެމްއެންޑީއެފް ގުޅިގެން މަސައްކަތްތަކެއް ވަނީ ކޮށްފައެވެ. މިގޮތަށް ލިބެމުންދާ އިތުރު މައުލޫމާތުގެ މައްޗަށް ތަހުގީގު އިތުރަށް ފުޅާ ކޮށް މި މައްސަލާގެ ތަހުގީގަށް ކޮންމެވެސް ވަރެއްގެ ކުރިއެރުމެއް ލިބިފައިވާކަމަށް އޭސީޕީ ރިޔާޒް ވިދާޅުވިއެވެ.
11 މެއި 2021 | އަންގާރަ 17:10
17:06
މިވަގުތައް މި މައްސަލައިގައި ތަހުޤީޤަށް ހައްޔަރުކުރަން ޖެހޭ އެންމެން ވަނީ ހައްޔަރުކޮށްފައި
ރައީސް ނަޝީދަށް އަމާޒުކޮށް ދިން ހަމަލާ ދިނުމުގައި 3 މީހަކު ވަނީ ހައްޔަރުކޮށްފައެވެ. އެހެންނަމަވެސް އިތުރު ބަޔަކުވެސް މިކަން ހިންގުމުގައި އުޅޭކަމަށް ބެލެވި "ޕާސަން އޮފް އިންޓްރެސްޓް"ގެ ގޮތުގައި އިތުރަށް ބަލަމުންދާކަމަށް ފުލުހުން ބުނެއެވެ. ފުލުހުންވަނީ މިވަގުތައް މި މައްސަލައިގައި ތަހުޤީޤަށް ހައްޔަރުކުރަން ޖެހޭ އެންމެން ވަނީ ހައްޔަރުކޮށްފައިވާކަމަށް ބުނެފައެވެ.
11 މެއި 2021 | އަންގާރަ 17:06
16:56
ފުލުހުން ތަހުޤީޤުކުރާ އިތުރު މައްސަލައަކާއި މި ކޭސްއާއި ގުޅުން ހުރިކަން އަދި އިނގިފައެއް ނެތް
ފުލުހުން ތަހުޤީޤުކުރާ އިތުރު މައްސަލައަކާއި މި ކޭސްއާއި ގުޅުން ހުރިކަން އަދި ނޭނގޭކަމަށް ފުލުހުން ވަނީ ބުނެފައެވެ. ރައީސް ނަޝީދަށް އަމާޒުކޮށްދިން ނިރުބަވެރި ހަމަލާއާއި އެމްއެމްޕީއާރްސީ ކޮރަޕްޝަން ކޭސްއާއި ގުޅުން ހުރިތޯ ނޫސްވެރިއަކު ކުރި ސުވާލަކަށް ޖަވާބުދެމުން ފުލުހުންވަނީ ފުލުހުން ތަހުޤީޤުކުރާ އިތުރު މައްސަލައަކާއި މި ކޭސްއާއި ގުޅުން ހުރިކަން ކަނޑައެޅިފައިނުވާކަމަށެވެ.
11 މެއި 2021 | އަންގާރަ 16:56
16:42
ރައީސް ނަޝީދު ދިރިއުޅުއްވާ ގެކޮޅު ހުންނަ ސަރަހައްދު ހުޅުވާލާފައިވާ ކަމަށް ވިދާޅުވިއެވެ. އެތަން ހުޅުވާލީ އެސަރަހައްދުން އެކަމާ ގުޅުންހުރި ހުރިހާ އެއްޗެއް ނަގާފައި ކަމަށާއި، އަދިވެސް އެތާ ގެއަކުން ވެސް އެއާ ގުޅުންހުރި އެއްޗެއް ފެނިއްޖެ ނަމަ އެންގުމަށް އެދިފައިވެއެވެ.
11 މެއި 2021 | އަންގާރަ 16:42
16:40
00:05
ބިހުރޯޒް މިސްކިތް ތެރޭގައި ގޮތްނޭނގޭ އެއްޗެއް އޮތްކަމުގެ ރިޕޯޓް ލިބިގެން، ދިވެހި ފުލުހުންގެ ޚިދުމަތާ ގުޅިގެން އެތަން އެމްއެންޑީއެފުން ވަނީ ބަލައި ފާސްކޮށްފައި. އަދި އެތަން ކްލިއަރ ކޮށްފައިވާއިރު، ބަލައި ފާސްކުރުމުގައި އެތަނުން ނުރައްކާ ޒާތުގެ އެއްވެސް އެއްޗެއް ފެނިފައި ނުވާކަމަށް އެމްއެންޑީއެފުން ބުނޭ
11 މެއި 2021 | އަންގާރަ 00:05
22:02
ޓެރަރިސްޓުންގެ ބޭނުމަކީ އަމަންއަމާންކަން ނަގާލުން، ސުލްހަ ގެއްލުވާލުން، އެކަމަކު އެމްޑީޕީން އަދި ސަރުކާރުން އެކަން އެހެން ކުރަން ފުރުސަތު ނުދޭނެ ކަމަށް ރައީސް ވިދާޅުވިއެވެ.
އެމްޑީޕީއަކީ އަބަދުވެސް އިންސާފަށް ލޯބިކުރާ ޕާޓީއެއް ކަމަށާއި، ބޭނުންވަނީ ހަމަޖެހުމާއި ސުލްހަމަސަލަސް ކަން ކަމަށާއި، އަނެކާގެ ފުރާނައަށް އިހްތިރާމް ކުރާ ޕާޓީއެއް ކަމަށް ވިދާޅުވިއެވެ.
9 މެއި 2021 | އާދީއްތަ 22:02
22:00
މި ތަހުގީގަށް ޕީޖީގެ އެއްބާރުލުން ވަރަށް ފުރިހަމަ ކަމަށާއި، މިހާރު ވެސް ވަނީ ވަކި ޓީމެއް އެކުލަވާލާފައި ކަމަށް ރައީސް ވިދާޅުވިއެވެ. އަދި ޝަރީއަތަށް ވަޑައިގަންނަވާނީ ސީދާ ޕީޖީކަމަށް ވިދާޅުވެފައިވާ ކަމަށް ވެސް ވިދާޅުވިއެވެ.
ރައީސް ވިދާޅުވީ ތަހުގީގު ކުރިއަށްދާ ގޮތާ މެދު ވަރަށް ހިންހަމަޖެހިވަޑައިގަންނަވާ ކަމަށެވެ.
9 މެއި 2021 | އާދީއްތަ 22:00
21:59
ޔޫއެންއޯޑީސީއާއި ލަންޑަންގެ މާހިރުން ވެސް މިހާރު ދަނީ ތަހުގީގަށް އެހީތެރިވަމުން ކަމަށް ރައީސް ވިދާޅުވިއެވެ. އަދި އެކަން ހިނގި ރޭ އަވަށްޓެރި ގައުމުތަކުން ވެސް އެހީވާން ބޭނުންވާކަން ހާމަކޮށްފައިވާ ކަމަށް ރައީސް ވިދާޅުވިއެވެ.
ރައީސް ވިދާޅުވީ ތަހުގީގަށް ބޭނުންވާ މީހުންނާ ސުވާލުކޮށް ހެކި ހޯދުމުގެ މަސައްކަތް މިހާރު ވެސް ކުރަމުންދާ ކަމަށާއި، އައިއީޑީއާ ގުޅޭ މުހިންމުކަންތައްތަކެއް މިހާރު ވެސް އެނގިފައިވާ ކަމަށް ވިދާޅުވިއެވެ.
މައުލޫމާތުތައް ލިބޭ ވަރަކުން އެ މައުލޫމާތުތައް ރައީސްއަށާއި 241 ކޮމިޓީއަށް ފުލުހުން ދޭ ކަމަށް ރައީސް ވިދާޅުވިއެވެ.
9 މެއި 2021 | އާދީއްތަ 21:59
21:56
21:55
ރައީސް ނަޝީދަށް ދިން ހަމަލާއާ ގުޅިގެން ބާއްވާ އެމްޑީޕީގެ ގައުމީ މަޖިލިސް ފަށައިފި.
މި މަޖިލީހުގައި ރައިސް އިބްރާހިމް މުހައްމަދު ސޯލިހު ވެސް ބައިވެރިވެވަޑައިގަންނަވާ.
9 މެއި 2021 | އާދީއްތަ 21:55
16:35
16:28
ސީޕީ ވިދާޅުވީ އެކަމުގައި އަމަލީ ގޮތުން ބައިވެރިވި ތިން މީހަކު ހައްޔަރުކޮށްފައިވާއިރު، ހަމައެކަނި އެމީހުން ހައްޔަރުކޮށްފައި ހުއްޓާނުލާނެ ކަމަށާއި، އެކަން ރޭވުމުގައި ހަރަކާތްތެރިވި މީހުން ވެސް ހައްޔަރުކުރާނެ ކަމަށެވެ.
9 މެއި 2021 | އާދީއްތަ 16:28
16:27
16:25
ބައެއް ނޫސްތަކުގެ ކޮމެންޓުތަކާއި ސޯޝަލް މީޑިއާގައި ވެސް އެމީހުންނަށް ހިއްވަރުދީ ވާހަކަދައްކާކަން ފާހަގަވޭ. އެއީ ގާނޫނީ ކުށެއް އަދި އެކަމަށް ގާނޫނީ ވިޔަވަޅު އަޅާނެ ކަމަށް ވިދާޅުވިއެވެ.
9 މެއި 2021 | އާދީއްތަ 16:25
16:22
ބޭނުންކޮށްފައި ވަނީ އާންމުކޮށް ގަންނަން ވެސް ލިބޭ ތަކެތި. އައިއީޑީގައި ބޭނުންކޮށްފައިވާ ކަމަށް ބެލެވޭ ބެޓަރިއާއި ރޭޒަރ ފުށް ފަދަ ތަކެތި އެ ސަރަހައްދުން ވަނީ ފެނިފައި
9 މެއި 2021 | އާދީއްތަ 16:22
16:21
ގޮއްވާލުމަށް ފަހު ދުވެފަ އޭނާ ވަކި ހިސާބަކަށް ގޮސް. ޗާންދަނީ މަގުން މަސްޖިދުލް ޖަލާލުއްދީންއަށް ދިޔަ. އެތަނުން އަމީނީމަގަށް ގޮސް އެމަގުގައި އިން ޕާކަށް ދިޔަ. އެ ޕާކުގައި މުޖާހު އިން. އޭގެ ފަހުން އެ ދެމީހުން އަމަލުތައް ވެސް ސީސީޓީވީ ކެމެރާތަކުން ފެންނަން އެބަހުރި.
އޭނަ އެތަންތަނަށް ދުވަމުން ދިޔަ އިރު ދިޔައީ ފޯނުން ވާހަކަދައްކަމުން.
9 މެއި 2021 | އާދީއްތަ 16:21
16:19