މިލިޓަރީ ގްރޭޑުގެ އެކްސްޕްލޯސިވްއެއް ބޭނުންކޮށްފައިވާ ކަމަކަށް ނުބެލެވޭ - އޭސީޕީ ރިޔާޒް
މީހަކަށް ބޮޑެތި ގެއްލުމެއް ލިބިދާނެފަދަ އެއްޗެހި ބޭނުން ކޮށްފައިވޭ
ރައީސް ނަޝީދަށް ހަމަލާދިން ސަރަހައްދުގައި ފުލުހުން ހަރަކާތްތެރިވަނީ
މިލިޓަރީ ގްރޭޑުގެ އެކްސްޕްލޯސިވްއެއް ބޭނުންކޮށްފައިވާކަމަކަށް ނުބެލެވޭ ކަމަށް އޭސީޕީ މުހައްމަދު ރިޔާޒް ވިދާޅުވެއްޖެއެވެ.
ރިޔާޒް ވިދާޅުވީ މިހާތަނަށް އެ ހާދިސާގެ އެސެސްމަންޓު ހަދާފައިވާއިރު އެ އެސެސްމެންޓުން އެއީ މިލިޓަރީ ގްރޭޑްގެ އެކްސްޕްލޯސިވްއެއްކަމަށް ބެލެވިފައެއް ނުވާ ކަަމަށާއި، އެހެންނަމަވެސް ބޭނުންކޮށްފައިވަނީ މީހަކަށް ބޮޑެތި ގެއްލުމެއް ލިބިދާނެފަދަ އެއްޗެހި ކަމަށެވެ.
ޓެރަރިޒަމްގެ ޤާނޫނުގައި ބަޔާންކޮށްފައިވާ މިންގަނޑުތަކަށް ބަލާއިރު، މި ޙަމަލާއަކީ ޓެރަރިސްޓު ޙަމަލާއެއް ކަމަށް ބެލެވޭނެ މިންގަނޑުތަކަށް ފެތޭކަމަށް ވެސް އޭސީޕީ ރިޔާޒު ވިދާޅުވިއެވެ.
މި ހަމަލާއާ ގުޅިގެން ފުލުހުންގެ އިންޓެލިޖެންސަށް މައުލޫމާތު ލިބިފައި ނުވާކަމަށް ސީޕީ ހަމީދު ފާހަގަކުރެއްވިއެވެ. އެހެންނަމަވެސް ފުލުހުންގެ އިންޓެލިޖެންސްގެ މަސައްކަތް ހުއްޓުމެއްނެތި ކުރިއަށްދާ ކަމަށް ވިދާޅުވިއެވެ. މިފަދަ ޙަމަލާތައް ރާވައި ހިންގުމުގެ ޤާބިލުކަން ހުރި ރައްޔިތުން މިއަދު ދިވެހި މުޖުތަމަޢުގައި އުޅޭކަމާމެދު ޝައްކެއް ނެތްކަން ހާމަވެގެން ހިނގައްޖެ ކަމަށް ސީޕީ ހަމީދު ވިދާޅުވިއެވެ.
