ރައީސް ނަޝީދު އަދިވެސް ހޭފުޅުނާރާ، އޮންނެވީ އައިސީޔޫގައި: މެމްބަރު ޚަލީމް
7 މެއި 2021 | ހުކުރު 06:54އަދިވެސް އިތުރު އޮޕަރޭޝަނެއް ކުރަން ޖެހޭކަމުގެ މައުލޫމާތު ލިބިފައިވޭ
އޭޑީކޭ ހޮސްޕިޓަލް، އެމަނިކުފާނު ހޮސްޕިޓަލަށް ގެންދުމާއި ގުޅިގެން އާއްމު ވަނީ އެވަގުތު އެސަރަހައްދަށް އެއްވެފައި
ރައީސް ނަޝީދު އަދިވެސް ހޭފުޅުނާރާކަމަށާއި އޮންނެވީ އައިސީޔޫގައި ކަމަށް ބިލެތްދޫ ދާއިރާގެ މެމްބަރު އަހުމަދު ޙަލީމް (ދޮންބިލެތް) ވިދާޅުވެއްޖެއެވެ.
ރާއްޖެޓީވީގެ ލައިވްކަވަރޭޖަށް ދެއްވި ޚާއްސަ އިންޓަވިޔުގައި މެމްބަރު ޙަލީމް ވިދާޅުވީ އޮޕަރޭޝަނަށްފަހު ރައީސް ނަޝީދު އަދިވެސް ހޭފުޅުނާރާކަމަށާއި އޮންނެވީ އައިސީޔޫގައި ކަމަށެވެ.
އަދި މެމްބަރު ޙަލީމް ވިދާޅުވީ، ރައީސް ނަޝީދުގެ ހާލުކޮޅު ސްޓޭބަލް ކަމަށާއި، ނަމަވެސް އެމަނިކުފާނަށް ލިބިފައިވަނީ ސީރިއަސް އަނިޔާތަކެއް ކަމަށެވެ. މިވަގުތު އޭޑީކޭ ހޮސްޕިޓަލުގައި ހުންނަވައި މެމްބަރު ވިދާޅުވީ އަދިވެސް އިތުރު އޮޕަރޭޝަނެއް ކުރަން ޖެހޭކަމުގެ މައުލޫމާތު ލިބިފައިވާ ކަމަށެވެ.
ރައީސް ނަޝީދަށް އަމާޒުކޮށް ދިން ހަމަލާގައި ލިބުނު ޒަޚަމްތަކަށް ބުރާސްފަތި ދުވަހުގެ ރޭ 8:30 ހާއިރު ފަރުވާދިނުމަށް އޭޑީކޭ ހޮސްޕިޓަލަށް އެމަނިކުފާނު ގެންގޮސްފައިވާއިރު، އެންމެ ފުރަތަމަ ފަރުވާދީފައިވަނީ ބޭރުފުށުން ފެނުނު ޒަހަމްތަކަށެވެ. އޭގެ ފަހުން ބޮލަށް ލިބިފައިވާ އަނިޔާތަކަށް ފަރުވާ ދިނުމަށްފަހު ހެދި ސީޓީ ސްކޭނަކުން އެނގުނު ގޮތުގައި އެމަނިކުފާނުގެ މޭ ކައިރިން ފުއްޕާމެއަށް ވަނީ އަސަރުކޮށްފައެވެ.
އޭގެ ސަބަބުން ދެވަނަ އޮޕަރޭޝަން ކޮށްފައިވަނީ ފުއްޕާމެއަށް ފަރުވާ ދިނުމަށެވެ. އަދި އެ އޮޕަރޭޝަން ކާމިޔާބު ކަމަށާއި އޭގެ ފަހުން ގޮހޮރުގެ އޮޕަރޭޝަނެއް ކުރިކަން ވެސް އެނގިފައިވެއެވެ.
ޑޮކްޓަރުންގެ އެންމެ ބޮޑު ކަންބޮޑުވުމަކަށް ވީ މެއަށް އަސަރުކޮށްފައި ހުރެދާނެތީ ކަމަށްވާއިރު، އަދި އެފަދަ ކަމެއް ވެފައިވާކަން އެނގިފައެއް ނުވެއެވެ.
